mikudagur 30. november 2005síða 12

12 Nr. 230 - 30. november 2005 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Ingálvi til minnis Nakrir penslar liggja og sova í einum skála, har Ingálvur plagdi at mála. Summir eru gráir og ikki so fáir eru svartir, og onkur ljóst grønur sum mosi í flotkeldum ella eins og grønkandi várligur bøur. Har eru penslar stórir og smáir, og onkur er bjart reyður, nú Ingálvur er deyður. Hesi penslabørn leingjast eftir sínum flógvu faðirshondum, sum so trygt leiddi tey út á stórar fløtur í ókendum londum – leitandi eftir farvukornum, sum hava sínar røtur í svørtum homrum og gráum stýggjum - leiftrandi í mosalittum vindum lýggjum - undir korkalittum flógvum fjallarókum. Sovið penslabørn undir fjallakrókum til tykkar uppreisnarstund, tá ið tit aftur skulu á fund saman við tykkara faðir, sum nú dvølur í Mamrelund í sínum litríku myndum saman við drotti í andans rómi, sum er ein litríkur symfoniskur himnatóni - í myndunum hjá Ingálvi, nú hann penslarnar frá sær legði. Friður veri við penslabørnunum hjá Ingálvi av Reyni! Frits Johannesen 99 ára føðingardagur Hósdagin 1. desember verður Andreas Andreasen, Oynd­ ar­fjørður, 99 ár. Dagurin verður hildin leygardagin 3. desember í handilskjallaranum frá kl. 17-21. Øll eru hjartaliga vælkomin. Fyrrverandi stjórin á Fiskasøluni hevur keypt seg inn í reklamuvirkið Petur & Petur og Vikublaðið Stjóraskifti Reklamuvirkið Petur & Petur er marknaðarráðgevi fyri fyritøkur og stovnar og framleiða og umsita graf­ iskar uppgávur og prentlutir, umframt samskipa og seta upp messubásar og fram­ sýningar. Felagið varð stovn­ að í 1999 og hevur í dag 12 fólk í starvi. Hartil egur virk­ið eisini Vikublaðið, sum rekur blaðvirksemið og ferðaskrivstovuna VikuTur. Árni Arge hevur keypt part av partapeninginum, og á eykaaðalfundi tann 21/11 varð hann settur sum stjóri í báðum feløgunum. Petur Slyne og Petur Mohr er farnir frá. Árni Arge hevur sostatt dagligu leiðsluna av báðum feløgunum. Endamálið við hesum er at styrkja um fíggj­ ar­ligu og fyrisitingarligu stýr­ingina av feløgnum. Við hes­ari umskipan verður nú møguligt hjá fráfarnu stjórunum og eigarunum í enn størri mun at leggja sína orku í tann kreativa partin og at menna virksemið. Árni Arge er 41 ára gamal og er útbugvin cand. Merc. í 1993 á Handilsháskúlanum í Keypmannahavn. Árni hev­ ur síðani juni 2005 starv­ast í fyritøkuni sum ráð­gevi og fyrisitingarligur leið­­ ari. Hann hevur áður starv­ ast bæði sum fíggjar- og for­stjóri á Faroe Seafood, um­framt at hann hevur starv­ast í Danmark í fleiri ár, meginpartin av tíðini hjá amerikonsku/altjóða fyri­ tøkuni Kraft Foods. Árni Arge skal stjórna Petrunum Hósdagin 1. desember 2005 hevur Katrin Holm Norðfoss starvast í 25 ár hjá Reyni Service í Hoyvík. Hetta var sama ár, sum Reyni Service fór at selja Toyota bilarnar. Katrin hevur arbeitt á skrivstovuni við bók­hald­­ in­um og øðrum, sum skriv­ stovuarbeiðið inniber. Katrin er ættað úr Hvalba, dóttir Mainu og Oliver Holm. Hon er gift Sigmundi Norðfoss úr Havn, og eiga tey bæði synirnar Aksal og Paula. Katrin Holm Norðfoss: 25 ára starvsdag hjá Reyni Service 18. november 2005 hava hesar tríggjar lokið prógv sum sjúkrarøktarfrøðingar á Sjúkrarøktarfrøðiskúla Føroya: Ingunn Jacobsen, Toftir, Elisabeth W. Johannesen, Tórs­havn, og Súsanna Funding, Tórshavn. Prógv sum sjúkrarøktarar