mikudagur 30. november 2005síða 13

Nr. 230 - 30. november 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Karl Thorleif Olsen, Tórshavn, andaðist í heim­inum mánadagin 29. november, 81 ára gam­ al. Jarðarferðin verður kunngjørd seinni. Hanna Klein frá Gjógv andaðist á Eysturoyar Røktar- og Ellisheimi týsdagin 29. november, 86 ára gomul. Kistan fer av Røktarheiminum í Runavík fríggjadagin klokkan 17. Jarðarferðin verður úr Gjáar kirkju leygardagin klokkan 13. Tey, ið vilja minnast Hannu á Rætt, kunnu lata Gjáar kirkju eina pen­ingagávu, konta í peningastovnunum. Martina Jensen, fødd Andreasen, ættað úr Havn, búsitandi í Løjt­ kirkeby í Suður­jyllandi, andaðist fríggjadagin 25. nov. 53 ára gomul. Jarðarferðin verður úr kirkjuni í Løjtkirkeby mikudagin 30. nov. kl. 14. Gardar Høgnesen, Klaks­vík, andaðist í heim­ in­um mána­morgunin 28. november, 46 ára ga­mal. Kistan fer av kapell­inum á Klaksvíkar Sjúkrahúsi mikukvøldið klokkan 18 heim í Christ­ians­ kirkj­una. Jarðarferðin verður hósdagin klokk­ an 13:30. Tey, ið vilja minnast Gardar kunnu lata Emmaus eina pen­ingagávu. Konto í Norðoya Sparikassa. Elly Bláhamar, Vest­ manna, andaðist sunnu­ kvøldið 27. november, 65 ára gomul. Kistan fer úr kapellinum í mikudagin klokkan 17. Jarðarferðin verður úr Vestmanna kirkju hósdagin klokkan 13. Sungið verður úr sálmabókini. Andlát og jarðarferðir Okkara elskaði sonur og bróður Gardar Høgnesen Klaksvík andaðist mánamornunin 28. nov. í heiminum. Bønarhald verður í kapellinum á Klaksvíkar sjúkrahúsi mikukvøldið 30. nov. kl. 18. Jarðarferðin verður hódagin 1. des. kl. 13.30 úr Christianskirkjuni. Sybilla, Hjalmar, Turið, Gunhild, Jóan Magnus og Eyðun Tey, ið vilja minnast Gardar kunnu lata »Emmaus« eina peningagávu. Konto í Norðoya Sparikassa Tøkk Hjartans tøkk fyri sýnda samkenslu, tá ið elskaði maður, pápi, verpápi, abbi og langabbi okkara Peter Christian Johannesen Vanliga nevndur Peter hjá Fritleif Tórshavn andaðist og varð jarðaður. Takk fyri umsorgan á G4. Takk til prest og sangarar. Takk fyri hjálpsemi til ervið. Hjartans takk til tykkum øll, ið fylgdu honum til hansara seinasta hvíldarstað. Familjunnar vegna Anna, Brynja, Gulbrit og Finnbogi Tøkk Hjartaliga takka vit øllum, sum sýndu samkenslu, tá kæri maður, pápi, abbi og verpápi Thomas Pauli Jacobsen Tórshavn andaðist og varð jarðaður. Tøkk fyri kransar, blómur og heilsanir. Takk til øll, sum á ymiskan hátt hjálptu til við jarðarferðina. Tøkk til heimahjálp og heimasjúkrasystrar, sum hjálptu so væl meðan Tummas var sjúkur. Tøkk til øll, sum fylgdu honum til hansara seinasta hvíldarstað. Familjunnar vegna Sigbjørg Kunngjørt verður fyri ætt og vinum, at okkara elskaða kona, mamma, vermamma og omma Elly J. Bláhamar Vestmanna andaðist sunnukvøldið 27. november, 65 ára gomul. Farið verður úr kapellinum mikudagin kl. 17.00. Jarðarferðin verður úr Vestmanna kirkju hósdagin kl. 13.00. Sungið verður úr sálmabókini. Fyri tey avvarðandi Anfinn, Anna Maria og Fríðálvur Tórsdagin 1.dec. verður Marna Olsen fyrrv. lærari í Vági 65 ár. Góða mamma, vit fara hervið at ynskja tær hjartaliga til lukku við teim­ um 65 árunum. Vit fara eisini her at siga tær takk fyri alt tað, tú hevur verið og er fyri okkum. Vit systkin vuksu upp í einum góðum heimi, har tú lærdu okkum tey fyrstu orðini, vit søgdu, har tú lærdi okkum móðurmálið, og har tú styðjaði okkum tey fyrstu fetini vit tóku. “ Málid mítt kæra fyrst lærdi tú meg fetini, fyrstu á stetlanarveg, takk sigi eg”. Eisini siga vit tær takk fyri, at tað var til tín, vit komu sum óvitar fyri at stilla okkara trá, tá ið á leikaði. Vit vita, at tú hevur verið ein sera góð mamma, so tað verður tungt at treða í tínum fótasporum. Takk fyri allar søgurnar, tú las fyri okkum sum børn, áðrenn vit sovnaðu og takk til Hansara, sum fyri okkum hevur fingið so nógv í lag, tí tú í tínum bønum Hann um hetta bað. Góða mamma, vit siga tær takk fyri alt tað góða, tú hevur lagt í okkum og sum heldur okkum á rætta vegnum, allastaðni, har íð kann traðast av monnum. Nakað, sum vit systkin eru sera glað fyri, nú vit øll trý búgva í Havn er, at tú kanst vera so nógv her hjá okkum. Hetta eru ikki minst ommubørnini sera glað fyri. Mamma, røsk hevur tú altíð verið ,skilagód, per­ tent­­lig, álítandi og dugnalig og sum lærari við Vágs skúla alla tína læraratíð manst tú teljast millum teir allarbestu. Tað var eingin, sum kundi taka nakað úr tín­um hondum. Eisini sum lærugreinaráðgevi í donsk­ um fyri alt landið royndist tú holl. Álitið á teg var stórt. so m.a. rættaði tú danskar stílar hjá 10.fl. úr øllum Føroyum alt tað, vit minnast. Friðarlig og stillfør hevur tú altíð verið, og eftir loknan arbeidsdag í skúlanum hevur tú passað heimið, tó skulu vit ikki gloyma teg sum formann og ein av stovnarunum av Barnabata. Tú og pabba komu heim til Vágs eftir lokna útbúgving í Danmark og gjørdist m.a. slóðbrótarar innan skúla­ økið, so ikki kann sigast annað enn, at tað, tit hava lagt úr hondum, er valaverk. Vid Vágs skúla vart tú pabba ein góður stuðul og eftir tykkum stendur Vágs skúli vid 25 m. svimjihyli sum eitt prýðuligt minni, so ikki gróvu tit talentirnar niður, men røkti tað, sum tykkum var litið upp í hendi við mikl­ um sóma og nærlagni. Eisini skal nevnast, at pabba var við til at fáa H.F. til Vágs, og óvist hevði verið, um studentaskúlin var fluttur úr Vági, um hann enn sat sum skúlastjóri. Jú,sanniliga bóru tit bæði tæguna enn longur fram á vegin. Mamma er dóttur Elsu og Alfred Holm úr Vági. Elsa omman fødd Larsen av Oyrabakka, har mamma hennara Magnina kom úr Biritustovu á Eiði, og pápin Óli kom úr Búrstovu eisini á Eiði. Alfred Holm var úr Vági sonur Sigrid og Julius Joensen. Sigrid ættað úr Fuglafirði og Julius ættaður úr Vági. Góða mamma vit gleða okkum til at halda føð­ingar­ dagin saman við tær tann 10, tá ið tað passar okkum øllum at vera saman. Hjartaliga til lukku við degnum. Elsa Maria, Martin Karl og Annika Marna Olsen í Vági 65 ár