fríggjadagur 16. desember 2005síða 10

10 Nr. 242 - 15 - 17. desember 2005 Aftur í ár eru "Gomul Jól í Heiðunum" á skránni í Runavík. Hugnaliga tiltakið er sera fjølbroytt við nógvum ymiskum á skránni JÓL Lív Reinert Kjeld liv@sosialurin.fo Tá ið tú nærkast økinum, har Gamli Handilin hjá Ol- ivari er, sært tú perur og jól- atrø, og hugnaligur jólatón- leikur hoyrist úr jólakafé- ini, sum er á loftinum í ein- um gomlum neysti. Her eru "Gomul Jól í Heiðunum". Tiltakið var roynt á fyrsta sinni í fjør, og var tað so væl umtókt, at tað aftur er á skránni í ár. Tiltakið hevur verið opið hvørt vikuskifti síðani 1. sunnudag í advent, og jólavikuna verður opið hvønn dag til og við hós- degnum 22. desember. Fert tú ein túr inn í hugn- aliga Gamla Handilin hjá Olivari, hevur blómuhand- ilin Orkis eina rúgvu av jól- aprýði til sølu. Har eru ljós, stakar, vættrar, jóladeko- ratiónir og mangt annað. Jólatrø fáast eisini til keyps uttanfyri. Harumframt er eitt rúm í handlinum, har ymisk tiltøk hava verið, millum annað bar til at taka jólamyndir av børnunum eitt vikuskifti, Andlitsmál- ing onkrar dagar og í løtuni hevur LR ymiskar vørur til húðrøkt til sølu. Økið er vakurt pyntað við perum og jólatrøum, og skótarnir hava sett raftir upp á økinum. Teir skipa fyri hugnaligu jólakaféini á neystaloftinum, har tú kanst keypa heitt gløgg, kaffi, vaflur, eplaskivur og annað gott, meðan tú lurtar eftir jólatónleiki. Í dag verða jólakaféin á Neystaloftinum og Gamli Handilin opin frá kl. 14:00 til 18:00. Annars verður op- ið hvønn dag, meðan tiltak- ið er, frá kl. 16:30 til 19:00. Nógvur tónleikur Í jólakaféini hjá skótunum verður tónleikur at hoyra hvønn dag. Í dag, leygar- dagin 17. desember, verður hornblástur við Áka Leitis- stein Hansen og øðrum kl. 17:00. Í morgin, 4. sunnu- dag í advent, verður violin- spæl at hoyra kl. 18:00. Mánadagin fara børnini úr Útistovu í Barnagarðinum á Mýrunum at syngja jóla- sangir kl. 16:30, og týsdag- in fer 12 ára gamla Bjørt Simonsen at spæla á sello kl. 17:00. Hósdagin 22. desember, sum er síðsti dagur, áðrenn tiltakið end- ar, spæla Angelica Nielsen og Tóri Restorff Jacobsen á violin og sello kl. 17:00. Spennandi hjá børnunum Í ár er eisini skipað fyri eini teknikapping fyri børn. Evnið er "Jól í Runavíkar kommunu", og øll børn kunnu lata tekningar inn í Gamla Handlinum hjá Ol- ivari ella í jólakaféini. Sein- asta freist at lata tekningar inn er sunnudagin 18. des- ember kl. 19:00. Vinningar- nir eru gávukort frá Hand- ilsmiðdeplinum í Runavík- ar kommunu. Millum jól og nýggjár verður ein fram- sýning við øllum myndu- num í blómuhandlinum Orkis á Glyvrum. Sunnudagin 18. desem- ber verður andlitsmáling við Inger Olsen í Gamla Handlinum hjá Olivari. Jólaskipið til Runavíkar Børnini kunnu eisini gleða seg til mikudagin 21. des- ember, tí tá kemur jólaskip- ið til Runavíkar. Kl. 17:00 leggur jólaskipið leggur at í bátahylinum, sum er beint við økið, og tá verður skot- ið við fýrverki. Umborð á skipinum verða jólamenn, vættragentur, og kanska okkurt vættrabarn. Jóla- menninir fara at syngja saman við børnunum, og vættragenturnar fara at dansa onkran vættradans. Tey fara sjálvandi eisini at hava okkurt gott at bjóða børnunum, sum kunnu gleða seg til, at vinnararnir av teknikappingini verða kosnir ta løtuna. Handlarnir í Handilsmið- deplinum í Runavíkar Kommunu hava leingi opið í jólavikuni. So um tú kundi hugsað tær ein góðan dag, er tað eitt gott hugskot at fara ein túr til "Gomul Jól í Heiðunum". Tá ið jólainn- keypið er liðugt, kanst tú so leggja leiðina ein túr til hugnaligu og spennandi jólabygdina Æðuvík, so ert tú í røttum jólahýri. Gomul jól í Heiðunum Í Gamla Handlinum hjá Olivari hevur Orkis nógv spennandi jólaprýði til sølu Mikudagin 21. desember kemur jólaskipið á vitjan í Runavík. Við umborð verða jólamenn, vættragentur, og kanska okkurt vættrabarn Í hugnaligu jólakaféini á neystaloftinum sita nógvar fittar mýs og hugna sær í krókunum