mánadagur 5. desember 2005síða 13

Nr. 233 - 6. desember 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Kistan við Marjun Skaale Dánjals­dóttir fer úr kapellinum á Lands­sjúkra­húsinum í dag klokk­an 17. Jarðar­ ferðin verður úr Berøa og út í kirkju­garðin á Nesi týsdagin kl. 13. Tey, sum vilja minnast Marjun, kunnu geva eina peninga­gávu til Føroya Felag Móti Krabba­ meini. Ole Johannes Olsen, van­liga nevndur Jóannes, ættaður úr Skopun, bú­sit­andi í Nyker á Born­­holm, andaðist 5. no­vember í Hantsholm, 39 ára gamal. Jarðarferðin verður leygar­dagin 10. de­semb­ er kl. 11.00 úr kapell­ inum í Rønne. Elias Ívarson, føddur Zacharias­sen úr Myki­ nesi, búsit­andi á Selfossi í Íslandi, andaðist 2. desember, 84 ára gamal Leivur Holm, Tvøroyri, andaðist á Suður­oyar Sjúkra­húsi, hósdagin 1. desember, 76 ára gamal. Jarðar­ferðin varð úr Tvøroyrar kirkju mána­ dagin kl. 13. Tey, ið vilja minnast Leivur, kunnu lata Tvør­oyrar kirkju eina gávu. Andlát og jarðarferðir Í dag, mánadagin 5. desember, verður Odmar Færø yvir­ lækni á barnadeildini á Lands­sjúkrahúsinum 65 ár. Odmar er ættaður av Toft­ um. Foreldrini vóru Elsa og Oluf Færø. Hon var úr Fuglafirði, og hann var av Toft­um. Tey fingu fýra børn, og tey eru Poul, sum var føddur í 1938, Odmar í 1940, Eyðfinn í 1946 og Lissan í 1948. Poul, Lissan og Eyðfinn búgva í Klaksvík, og Odmar býr í Havnini. Odmar gekk tvey ár í preli­ miner og tvey ár á stu­denta­ skeið á VBV, har Føroya Stu­ dentaskúli tá helt til. Hann fekk húgvuna á høvdið í 1960. Eftir skúlaárini í høvuðs­ stað­num arbeiddi Odmar hjá partafelagnum D. P. Høj­gaard, og hann royndi eis­ini sjólívið, áðrenn hann fór niður at lesa. Í 1961 fór Od­mar til Århus at lesa medi­sin. Hann var liðugur við lest­urin í 1968. Eftir at hava arbeitt í tvey ár á Lands­ sjúkrahúsinum gekk leiðin til Keypmannahavnar, har Odmar fór at útbúgva seg í pediatri ella til barnalækna. Útbúgvingin var fyri tað mesta á Rískissjúkrahúsinum og eisini partvís á amts­ sjúkrahúsinum í Glost­rup. Síðstu tíðina í Keyp­manna­ havn var Odmar fyrsti hjálp­ ar­lækni og okkurt skifti av­loys­ari sum yvirlækni á Ríkis­sjúkrahúsinum. Dreymurin var altíð at flyta aftur til Føroya. Men tá í tíðini mettu myndugleikarnir ikki, at tað var tørvur á serlækna í pediatri. Tá ið Odmar í 1980 flutti til Føroya, gjørd­ ist hann skúlalækni. Nak­ rar tímar um vikuna var hann konsulentur á Lands­ sjúkrahúsinum. Í 1984 var yvirlæknastarv í pediatri nor­ merað, og ivaleyst var tað so sjálvsagt, at Odmar, sum var fyrsti føroyski læknin í hesi sergreinini, fekk starvið. Síðani hevur Odmar ver­ ið yvirlækni á Lands­sjúkra­ húsinum. Har er hann sera væl umtóktur. Starvsfelagarnir siga um hann, at hann er dugnaligur, lagaligur og sjáldsama umsorgsfullur. Hetta er komið børnunum, foreldrunum og ikki minst starvsfólkunum til góða. Í 1994 og í 1995 arbeiddi Odmar í Saudi Arabia, og síðani hevur hann fleiri ferðir verið í Umanak í Grønlandi og arbeitt. At hann fór til Grønlands at arbeiða komst av, at konan í tvey ár var lærari í Umanak. Odmar giftist í 1963 við Jonnu fødd Johannesen og ættað úr Klaksvík. Foreldrini hjá henni vóru Alexandra og Kaj Johannesen. Jonna og Odmar búðu í mong ár í Albertslund. Eftir at tey vóru flutt til Føroya, bygdu tey undir Brúnni, og har búgva tey framvegis. Jonna og Odmar eiga ein son. Hann eitur Oddmar, og hann er tannlækni í Aberdeen. Oddmar er giftur við Anna Maria fødd Müller og ættað úr Havnini. Tey eiga trý børn - Odmar, Sandri og Joanna. Odmar Færø hevur bæði roynt seg sum sangara og fótbóltsspælara. Meðan hann gekk í stu­ denta­skúla, skipaði William Sloan, sáli, fyri, at pláta varð givin út, har Odmar spældi guitar og eitt nú sang Tá eg ein lítil drongur var, og á aðrari plátu sang hann duett saman við Sólrun Skaale av Toftum. Lestrarárini í høvuðs­stað­ num spældi Odmar við B36. Hann var fjølgávaður og kundi nýtast í verju, á miðvølli og álopi, og tað var skjótt, at hann kom á besta B36 liðið, har hann bæði í 1959 og í 1962 var við til at vinna FM heitið. Eisini eftir at Odmar var farin til Danmarkar at útbúgva seg, var hann ofta á B36 liðnum í summarfrítíðunum, og tá ið hann í tíðarskeiðum arbeiddi í Føroyum. Í 1966 var hann partur av KÍ liðnum, sum vann FM. Hetta summarið arbeiddi hann á Klaksvíkar Sjúkrahúsi. Síðani tey fluttu til Føroya hevur Odmar eitt skifti verið nevndarlimur og formaður í B36. Odmar spældi tríggjar ferðir á fótbóltslandsliðnum. Fyrsta ferðin var í 1961, tá ið Hetland var mótstøðuliðið, og í 1968 og í 1969 spældi hann ávikavíst móti Orknoyggjunum og Het­ landi. Føðingardagin helt Od­mar fríggjadagin saman við starvsfólkunum á Barna­ deild­ini. J Odmar Færø 65 ár Í dag, mánadagin 5. de­sember, eru tað 65 ár síð­ani, at Signa og Søren Jacob Lamhauge í Rituvík giftust í Nes kirkju. Tey eru framvegis væl fyri og búgva heima. Signa, sum er fødd 31. mars í 1920, er ættað úr Gøtu. Foreldrini vóru Petra og Jóannes Mikkelsen í Syðrugøtu. Tey fingu fýra børn, og Signa er tann ein­ asta, sum er eftir á lívi. Søren Jacob, sum er fødd­ ur 13. november í 1913, er úr Rituvík. Foreldrini vóru Rachel og Joen Magnus Lam­ hauge. Hann var elsti sonur Amaliu og Søren Lamhauge, sum vóru millum fyrstu niðursetufólkini í Rituvík. Tey fingu sjey børn, og um­framt Søren Jacob er ein systir eftir á lívi. Hon eitur Jonny og býr inni hjá Signu og Søren Jacob. Í dag fyllir hon 79 ár. Signa og Søren Jacob giftust inn til foreldur hans­ ara. Seinni vóru tey húsini tikin niður, og tey bygdu dygst við síðuna av. Signa arbeiddi í nøkur ár í Lynfrost. Men mesta av tíðini var hon heima, og tað hevur verið nóg mikið at takast við. Umframt børnini so vóru verforeldrini eisini í húsinum. Tey doyðu út frá Signu og Søren Jacob. Eisini var ein onnur systir Søren Jacob, Valentina, í húsinum. Hon fekk menigitis sum 16 ára gomul og livdi inntil hon var elligomul. Í 1992 doyði hon út frá Signu og Søren Jacob. Søren Jacob var sjómaður øll tey yngru árini. Hann hev­ ur áður í samrøðu í Sosial­ inum greitt frá sínum langa og hendingarríka lívi. Eitt nú sigldi hann undir krígnum við William Martin, sum Niclas Højgaard í Rituvík førdi. Tá ið Fiskimannafelagið fyri stuttum skipaði fyri sam­komu fyri teimum, ið sigldu undir krígnum, var Sør­en Jacob kanska elsti lut­ takarin, og tá greiddi hann hugtakandi frá um kavbátar og minur. Í FF blaðnum sig­ur hann serliga frá tí ferð­ini, tá ið teir norðanfyri Langanes vórðu álopnir, og tá ið hann hevði ábyrgdina av at senda rakettir við veiri upp í loft fyri at verja seg móti flogálopunum. Tá ið kirkjan í Rituvík varð bygt í fimmti árunum, var Søren Jacob í bygginevndini, og hann var við til at byggja hana. Eftir at hon var liðug í 1955, var hann til skips aftur, men síðani 1958 hevur hann verið heimamaður. Søren Ja­cob smíðaði hús saman við beiggjunum Jógvani og Es­mari, sum báðir vóru timburmenn. Signa og Søren Jacob hava verið friðarlig fólk. Tey hava verið millum álitini í kirkjuni í bygdini. Søren Jacob var í mong ár limur í kirkjuráðnum og formaður eisini, og tey hava bæði verið millum teirra, sum hava havt orðið í missiónshúsinum. Signa og Søren Jacob Lam­hauge eiga fimm børn. Tey eru Rosa, sum er fødd í 1942, Jeffri í 1943, Joen Magnus í 1946, Meinhard í 1948 og Petra í 1953. Rosa og Jeffri búgva í Runavík, Joen Magnus býr í Havnini, og Meinhard og Petra búgva í Rituvík. Barnabørn og eisini fleiri í næsta ættarliðnum eru komin afturat. Sunnudagin var familjan í kirkju í Rituvík, og so varð krúndiamantbrúdleypið hild­ ið á Runavíkar Sjómansheimi seinnapartin. Har var opið hús, og 170 fólk stukku inn á gólvið at heilsa upp á tey bæði, sum nú hava livað saman í 65 ár, og harvið hava livað saman í longri skeið, enn tað unnast teimum flestu. J Krúndiamantbrúdleyp í Rituvík Kunngjørt verður fyri ætt og vinum at kæri pápi, verpápi, abbi og langabbi okkara Elias Ìvarson føddur Zachariasen úr Mykinesi, uppvaksin í Sørvági, búsitandi á Selfossi í Ìslandi, doyði 2. desember 2005, á sjúkrahúsinum í Selfossi, 84 ára gamal. Familjunnar vegna Elsebeth Elena Eliasdóttir Signa og Søren Lamhauge. Gentan í miðuni er langommu- og langabbadóttirin Signa, sum fyllir 5 ár í dag