týsdagur 6. desember 2005síða 20

- Tað, sum upp á sikt tænir okkum best í løtuni, er, at føroysk feløg fáa ein leiklut í oljuvinnuni uttanlands, eins og eitt nú Atlantsflog hevur fingið sátt­ málar í Noregi og Thor í Hósvík hevur fingið sáttmálar ymsastaðni kring knøttin við sínum virksemi. Á henda hátt kunnu føroysk feløg luttaka í olju­virk­ semi alt árið, sigur Jan Mortensen, stjóri í Vinnuhúsinum. Formaðurin í havna­nevndini hjá Runavíkar kommunu, Klæmint Østerø, er samdur við stjóran í Vinnuhúsinum Oljuleiting Vilmund Jacobsen vilmund@sosialurin.fo Jan Mortensen, stjóri í Vinnu­húsinum, er samdur við Magna Arge, stjóra í At­lantsflogi um, at tað hevði tænt føroysku tænastuvinnuni betur, um ætlaðu boringarnar á føroyska landgrunninum hjá ávikavist Statoil í 2006 og boringin hjá BP í 2007, høvdu ligið í forleingilsi av hvørji aðrari og ikki í hvør sínum ári, sum annars liggur í kortunum. Teir halda báðir, at tá ið tíðarskeiðið er so stutt, sum tað vanliga er í einum boriskeiði, er torført hjá tænastuvinnuni í Føroyum seta nakað veruligt á kjøl. Stjórin í Atlantsflogi held­ ur, at tað bæði hevði tænt føroysku tænastuvinnuni og oljufeløgunum, um báðir brunnarnir, sum skulu borast á basaltinum, vórðu boraðir í sama ári. - Hetta hendi eitt nú í fyrstu útbjóðingini, og tað kom sera væl við hjá vinnuni, sigur Magni Arge. Men ymiskar orsøkir kunnu liggja til grunds fyri, at brunnarnir ikki verða boraðir í sama ári. Upp á sikt Jan Mortensen ivast ikki í, at tænastuvinnan hevði fingið mest burtur úr boringunum, um tær lógu hvør eftir aðrari, tí tá hevði tíðarskeiðið, har virksemið var í landinum, verið longri. Stjórin heldur hinvegin, at tað er ikki hetta, sum hevur størstan týdningin fyri føroysku tænastuvinnuna. - Tað, sum upp á sikt tænir okkum best í løtuni, er, at føroysk feløg fáa ein leiklut í oljuvinnuni utt­ an­lands, eins og eitt nú At­lantsflog hevur fingið í Noregi og Thor í Hósvík hevur fingið ymsastaðni kring knøttin við sínum virksemi. Á henda hátt kunnu føroysk feløg luttaka í oljuvirksemi alt árið. Jan vísir á, at boringarnar vanliga ikki taka langa tíð, men nú farast skal niður ígjøgnum basaltið, er vænt­ andi, at tíðin verður nakað longri, enn hon hevur verið við undanfarnu boringar. - Eg dugi ikki at meta um, hvussu langa tíð hesar boringar fara at taka, men eg kann hugsa mær, at sjálv­ar boringarnar fara at vara nakað longri enn ein mánaða, kanska tveir mánaðir ella meira. Hann sigur, at basaltfláirnar eru ringar at bora – og farið verður langt niður. Jan sigur, at eitt eru so sjálvar boringarnar; annað er fyrireikingarnar, áðrenn borurin verður settur í hav­ botnin. - Eg vóni sjálvsagt, at før­oyska tænastuvinnan fer at fáa nakað burtur úr hes­ um – men ikki minst; at teir aktivitetir, sum verða her heima, meðan bor­að verður, fara at skapa fleiri føroyskum feløgum enn higartil møguleikar í olju­ vinnuni uttanlands Hann vísir á, at sum er, eru tað ikki onnur føroysk feløg enn Atlantsflog og Thor, sum hava nakað munandi virk­semi í oljuvinnuni uttan­ lands. - Men kanska verður møgu­leikin, sum nú stendur fyri framman, startskotið hjá øðrum feløgum at fáa lut í hesi vinnu, sigur hann. Nr. 234 - 6. desember 2005 20 Føroyska luttøkan í oljuvinnuni u Thor í Hósvík hevur rættiliga gjørt vart við seg sum veitarar í oljuvinnuni kring um heimin