mikudagur 7. desember 2005síða 8

8 Nr. 235 - 7. desember 2005 Nýggi landsstýris­ mað­urin í innlendis­ málum, Jacob Vester­ gaard, sigur seg ikki kunnu góðtaka, at tað skal taka yvir eitt ár at fáa viðgjørt eina umsókn um longt uppihalds- og arbeiðsloyvi. Jacob Vestergaard sigur, at tað er neyðugt at fáa eina varandi loysn á útlendingaøkinum. Útlendingamál Terji Nielsen terji@sosialurin.fo Tað hevur verið nógv fund­­ ar­­virksemi í Tinga­nesi í morg­un, og í Inn­lendis­mála­ ráðnum hevur verið fundast um málið um serbisku Sla­ diana Petrovic, sum mána­ kvøldið fekk at vita, at hon ikki sleppur at verða verandi í landinum. Útlendingarnir fáa vegleiðing Jacob Vestergaard hev­ur í sínum yrki sum løgregl­u­ mað­ur havt nokk so fitt við útlendingamál at gera, og tí hevur hann rættuliga gott inn­ lit í slík mál. - Eg veit eisini so mikið, at útlendingar, sum koma hagar og søkja um arbeiðs- og uppihaldsloyvi, fáa veg­ leiðing frá løgregluni um, hvussu tey skulu fyrihalda seg, tá ið tað kemur til at longja hesi loyvi. Tí hava tey eisini fingið at vita, at tað ikki ber til at skifta arbeiðspláss, fyrr enn nýtt arbeiðsloyvi er givið, greiðir Jacob Vestergaard frá. Landsstýrismaðurin legg­ ur afturat, at ein arbeiðs­ gevari, ið setur ein útlending í starv, eisini eigur at tryggja sær, at viðkomandi hevur arbeiðsloyvi. Hetta kann gerast við at hyggja í passi hjá viðkomandi, har arbeiðsloyvið er stemplað í. Av tí at nýtt arbeiðsloyvi skal gevast í sambandi við skifti av arbeiðsgevara, átti Fiskavirking í Miðvági eisini at hava tryggjað sær, at hesi viðurskifti vóru í lagi, tá ið Sladiana Petrovic varð sett í starv, sigur Jacob Vestergaard. Landsstýrismaðurin dylur tó ikki fyri, at tað er als ikki nøktandi, at ein slík umsókn skal liggja til viðgerðar í meira enn eitt ár, tí tað er alt ov long tíð hjá fólki at bíða eftir einum svari. Ógvuliga harmiligt Persóniga heldur Jacob Vestergaard tað verða sera harmiligt, at slík ítróttarfólk, sum eru integreraði í sam­ felagið, verða send av land­i­ num, men hann fær sum so ikki gjørt nakað við tað, tí talan er um eina donsku lóg­ gávu, ið innlendismálaráðið noyðist at halda seg til. - Sjálvsagt er tað ógvuliga óheppið, at hesi fólk koma í klemmu í skipanini, men vit fáa ikki gjørt so nógv. Hetta eru kensluborin mál, og tað ber ikki til, at tað verður so­vorð­ið rok í sambandi við hvørt einstakt mál. Tí er tað neyðugt, at vit fáa gjørt eina varandi loysn á utlendingaøkinum, tí tað ber ikki til at halda fram á sama hátt, sigur Jacob Vestergaard, landsstýrismaður í inn­lendis­ málum, sum sigur seg vóna, at politiska skipanin ger okkurt við málið sum skjótast. ÍSF-forsetin, Heðin Mortensen, sigur, at tað ikki kemur óvart á hann, at enn ein gøla um útlendsk ítróttarfólk í Føroyum er komin undan kavi. Hann heldur, at okkurt er spinnandi galið við føroysku skipanini, og at útlendingarnir ikki virðiliga viðferð av myndugleikunum. Útlendingamál Terji Nielsen terji@sosialurin.fo Hóast flestu føroyingar gjørd­ ust skelkaðir av tíðindunum í Degi og Viku í gjár um serbisku hjúnini í Sørvági, sum nú noyðast av landinum, er ÍSF-forsetin, Heðin Mort­ ensen, ikki kløkkur. - Tað undrar meg als ikki. Vit í ÍSF hava í langa tíð gjørt vart við trupulleikan á økinum og havt nógv fund­­ar­virksemi um hetta, men tað hevur ikki eydnast okkum at fáa eitt samstarv við løgtingi um trupulleikan, hóast óteljandi royndir, sigur Heðin Mortensen. Hvar er arbeiðs­ bólkurin Á vári í fjør setti samgongan við umboðum úr øllum flokk­um at viðgerða útlend­ ingaøkið yvirhøvur. Heðin Mortensen sigur, at hann longu í mái mánað í fjør spurdi, um hesin bólkur var farin í gongd við sítt arbeiði, men hann hevur einki frætt hesum viðvíkjandi. - Eg spyrji bara, hvar er nevndin, sum skuldi gera eina loysn á hesum trupul­ leikunum. Vit síggja ferð aftaná ferð, at nevndir verða settar, uttan at tað kemur nakað úrslit burtur úr hesum. Vit noyðast at fáa skipaði viðurskifti á økinum, tí tað er ikki virðiligt, soleiðis sum vit fara við útlendsku ítróttarfólkunum, sigur Heð­ in Mortensen. Forsetin í Ítróttarsam­band­ inum vísir á, at slík viðferð av útlendskum ítróttarfólki bara skaðir umdømi hjá Før­ oyum uttanlanda, og tað fer at gerast alsamt truplari at fáa útlendsk ítróttarfólk at koma til Føroya. - Hetta eru fólk, sum geva føroyskum ítrótti nógv og eru við til at menna ítróttina her heima. Tey eru her í styttri tíðarskeið, og so fara vit soleiðis við teimum. Um tað veruliga er so, soleiðis sum tað var lagt fram í sjón­ varpinum í gjárkvøldið, so er tað ótrúliga langt úti. Eg má siga sum er, at hevði eg verið í teirra skóm, so hevði eg langt síðani farið til løgtingsins umboðsmann við málinum, tí tað ber jú eisini til at kæra landsstýrismannin, sigur Heðin Mortensen. Eisini heldur Heðin Mort­ ensen, at slík mál ganga út yvir øll tey, sum dagliga leggja nógva orku í tey ein­ støku ítróttarfeløgini, og at tað serliga eru feløgini í út­jaðaranum, sum verða rakt av hesum. - Tey hava ikki sama fólka­ grundarlag sum feløgini í mið­staðarøkinum, og tí eru út­lendsku leikararnir av stór­ um týdningi fyri teirra felag, sum til dømis Rajko Petrovic er tað fyri SÍ. Hjá okkum, sum varða av ítróttinum, er tað sera frustrerandi, og vit noyðast at fáa eina loysn á hesum sum skjótast, sigur ÍSF-forsetin. Heðin Mortensen, ÍSF-forseti: - Okkurt er spinnandi galið Hava útsett fráferðina Eftir at tíðindini um útvísingina av Sladiana Petrovic bórust í Degi og Viku í gjárkvøldið, savnaðust nógvir sørvingar heima hjá serbisku hjúnunnum. Stuðulin, ið tey hava fingið frá bygdafólkinum í Sørvági, hevur havt við sær, at tey bæði nú hava útsett fráferðina úr Føroyum nakrar dagar. Útlendingamál Terji Nielsen terji@sosialurin.fo Tað fór sum eldur gjøgnum alla Sørvágs bygd í gjár­ kvøldið, tá ið tað frættist, at dámligu serbisku hjúnini, Sladiana og Rajko Petrovic, eftir ætlan skuldu fara av landinum í dag heim aftur til Serbia, tí at Sladiana bleiv víst av landinum. Sørvingar í hópatali vendu sær til hjúnini og royndu at fáa tey at útseta fráferðina. Dyggi stuðulin, ið Sladiana og Rajko hava fingið frá sørvingum, hevur eisini gjørt mun, tí tey bæði hava gjørt av at útseta fráferðina í nakrar dagar. Í Sørvági vóna fólk, at okkurt nýtt skal henda í málinum, soleiðis at tey bæði kunnu verða verandi. Enn er ikki greitt, nær tey bæði fara av landinum. Jacob Vestergaard, landsstýrismaður: - Kunnu ikki halda fram á sama hátt Landsstýrismaðurin í innlendismálum, Jacob Vestergaard, sigur seg ikki kunnu góðtaka, at tað gongur meira enn eitt ár, áðrenn umsøkjari fær svar upp á eina umsókn um longjan av uppihalds- og arbeiðsloyvi. Mynd: Terji Nielsen