hósdagur 8. desember 2005síða 12

12 Nr. 236 - 8. desember 2005 Fríggjadagin 9. desember eru 25 ár síðan tann tá 20 ára gamli havnardrongurin Charles Midjord byrjaði í skrivstovulæru hjá Farodane. Hetta var í 1980, fáar mán­ aðar eftir at Farodane var flutt av Tinghúsvegnum í nýggj hølir í Brekkutúni uppi í Hoyvík. Tá var meginvirksemið hjá Farodane framvegis heil­ søla innan matvørur. Søla av skrivstovuinnbúgvi var kortini so smátt byrja tá og Charles kom at taka sær meira og meira av søluni av møbl­ um. Tá felagið í 1987 heilt gavst við matvøruheilsøluni, kom Charles burturav at taka sær av møblasøluni. Tað ger hann framvegis og hevur Charles sostatt verið við í stóru menningini av hes­ um týdningarmikla parti av virkseminum hjá Farodane, so fyritøkan ídag er vorðin ein av teimum førandi á hesum øki. Altíð fyrikomandi og við positivum hugburði hevur Charles vunnið felagnum nógv­ar trúfastar kundar, sum hann hegnisliga hjálpir og veg­leiðir at innrætta skriv­ stovur, fundarrúm, móttøkur o.s.fr. Nú Farodane flutti møbla­ deildina í nýggj høli á Smyr­ ilsvegi, er Charles aftaná 25 ár í Hoyvík fluttur við oman á Háls og sum tann góði sam­ starvsfelagin hann er, verður heilt víst stórur saknur í hon­ um í Brekkutúni. Tá Charles fyri 5 ár­um síðan hevði 20 ára starvs­ dag, hevði eitt av bløðunum í hesum sambandi fingið fræn­­ir av sjáldsama egin­ leik­­anum hjá hesum manni, sum í samfull 20 ár á Faro­ dane ongan dag hevði verið frá arbeiði vegna sjúku og skriv­aði blaðið grein burtur úr hesum. Nú 5 ár seinri kunnu vit staðfesta, at hann framvegis ongan sjúkradag hevur haft. Tað munnu vera fá, um nakað, líknandi for­ dømi. Uppskriftina uppá so væl­ signaða heilsu vil Charles tó ikki út við. Men vit vita at hansara frítíðarítriv er dansur, flogbóltur og gongu­ túrar í fjall og haga. Ì øllum førum kann hetta takast sum prógv um at nevndi ítriv í øllum førum ikki eru heilsu­ skaðandi ítriv. Charles býr á Kommansmýru saman við Elinborg úr Tórshavn. Charles Midjord, Farodane p/f: 25 ára starvsdag og ongan sjúkradag NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Sunnudagin 11. desember verður pápi okkara Daniel Pauli Dalbø 75 ár. Pápi er fødd­ur og upp­vaksin í Syðru­ gøtu sum ein­asti beiggi av 7 systkj­um. Hann var bert 14 ára gam­al, tá tey mistu páp­an og bleiv hann mað­ur­ in í hús­in­um, um man kann siga so. Eftir lokn­an 7. flokk gjørdi pápi ymiskt fyrifall­ andi arbeiði, áðrenn hann fór at læra til timburmann. Hann arbeiddi síðan sum timb­urmaður í nøkur ár, og eru tað ikki so fá hús, hann hevur verið við til at byggja. Fyrst í 60’unum fór hann á Tøtingarvirkið at ar­beiða, og var hann har í sam­full 23 ár, øll árini sum arbeiðsformaður. Sjálvt um skúla­gongdin ikki er tann stóra, so klár­aði hann seg ótrú­­liga væl, tá fremm­ anda­fólk kom á gátt á Tøt­ ingarvirkinum - tað var líka­ mikið um tað vóru danir, amerikumenn, fransar ella russ­ar, so kláraði hann at sam­skifta við tey. Sjálvt um sjónáttúran ikki er tann besta, fór pápi at royna sjó­lívið, og var hann nakrar túrar við Jupiter í 80’unum, men tá so Lands­ verk­frøðingurin sendi boð eftir hon­um, gjørd­ist hann “land­krabbi” aftur, og var hann í starvi hjá hesum stovni til hann fall fyri aldurs­ marki­num hjá tí almenna. Síðan tá hevur hann ver­ið í starvi hjá Aluplast í Norðra­ gøtu. Hann trívist best tá okkurt er at takast við, og evnunum bilar onki - hann er raskur sum fáur og sterkur sum ein bjørn. Pápi hevur eisini verið virk­in á øðrum økjum og er tað enn. M.a. hevur hann verið deknur síðan 1972 - tey fyrstu 20 árini var hann einsamallur, men síðan nýggja kirkjan varð bygd, eru tey 3 sum skiftast. Hann hevur sitið í kirkjuráðnum, stýrinum fyri missiónshúsið, verið formaður í Samhald, sitið í skúlanevnd og øðrum álitissessum við. Í frítíðini dámar pápa væl at verða í náttúruni. Sum yngri var hann í fleiri ár røkt­­ingarmaður og hevur hann altíð havt stóran alsk til djór yvirhøvur - sjálvur hevur hann bæði seyð og gæs, sum hann gongur høgt uppí. Í 1957 giftist pápi við mammu okkara Sannu av Toft­um og kunnu tey sostatt um lív og heilsa verður, halda gullbrúdleyp um 2 ár. Mamma hevur øll hesi árini verið pápa og okkum 6 systkjum ein hollur stuðul. Í dag eiga tey 21 abba- og ommubørn, sum tey ganga uppí við lív og sál. Vit systkin við familju vilja við hesum fáu orðum ynskja tær pápa hjartaliga tillukku við hesum stóra degi, við ynskjum um eina ríka framtíð. Eisini takka vit tær og mammu fyri alt tit eru fyri okkum. Heilsan børnini Daniel Pauli Dalbø 75 ár Í gjár, mikudagin 7. de­sember, fylti Jógvan Ny­bo á Viðareiði 50 ár. Hann hev­ur nógvu tey sein­­astu ár­ini ver­ið ein av teimum, sum rættuliga hava verið í andglettinum. Bæði sum bygdarráðsformaður á Viðareiði og sum formaður í Maskinmeistarafelagnum. Jógvan er viðoyingur. For­­eldrini vóru Hanna fødd Simonsen og Hans Pauli Nybo. Hanna var fødd í 1924 og doyði í 2003, og Hans Pauli var føddur í 1919 og doyði í 1992. Ættarnavnið kom til Við­areiðis við abbanum Jógvani, sum var ættaður av Hvítanesi. Hann var hús­ kallur Eysturi í Búð, og hann giftist Jóhonnu, sum var ættað úr Múla, og sum hevði bakað hjá Frants Restorff í Havnini, áðrenn hon kom á Brekkumørk, har hon eisini bakaði. Hanna og Hans Pauli fingu tvey børn. Jógvan er føddur í 1955, og Kristina, sum eisini býr á Viðareiði, er fødd í 1962. Jógvan lærdi maskinsmíð í Samsonar smiðju í Klaks­ vík, har hann var av­lærd­ur í 1978. Eftir at hava ver­ið smyrjari við Nón­hamri, tók hann í 1980 maskin­ist­ prógv í Klaksvík, og á sumri í 1982 leyk hann maskin­ meistaraprógv í Havnini. Eitt stutt skifti í 1982 var hann á Strond, har SEV setti nýggjan motor upp. Ann­ars hevur hann verið í Strandferðsluni. Síðani eftir ársskiftið í 1983 hevur hann verið í føstum starvi. Jógvan hevur onkur skifti siglt um Leirvíksfjørð, Skopunarfjørð og Vestmannastund, men fyri tað mesta hevur hann siglt á Skálafjarðarrutuni við Trónda og Dúgvuni og um Suðuroyarfjørð. Eisini var hann við størru skipunum á Skotlands rutuni, sum Strandferðlsan røkti í níti árunum, og sum var ógvuliga populer millum føroyingar. 1986-87 var Jógvan í Odense og tók víðkaða maskin­meistaraprógvið. Í fleiri ár var Jógvan maskin­ stjóri á gamla Smyrli, og nú er hann maskinstjóri á nýggja Smyrli. Í tí sambandinum var hann fleiri ferðir í Spania, har síðsta tørnið var tíggju vikur. Á kommunuvalinum í 1992 varð Jógvan Nybo fyrst valdur í bygdarráðið á Viðareiði. Hann gjørdist bygdarráðsformaður beinan­ veg­in, og hóast takið var tungt at lyfta kommununa burtur úr kreppuni, so var Jógvan bygdarráðsformaður í tólv ár. Hann er framvegis bygdarráðslimur, men ar­beiðsumstøðurnar gjørdu, at hann eftir síðsta val bar seg undan møguligum for­ mansafturvali. Onkuntíð hevur ljóðað, at Jógvan hevur verið á veg upp á list­an hjá Javn­að­ arflokkinum í Norðoyggjum til løg­tings­valið, men higar­ til hevur hann borið seg und­­an at fara upp í lands­ politikk. Jógvan sigst fylgja væl við í øllum sam­fe­lags­ viðurskiftum. Í 1993 varð Jógvan vald­ ur í nevndina í Maskin­meist­ arafelagnum, og har hevur hann - burtursæð frá 1998- 2000 - verið síðani. Hann var formaður 1994-1998 og aftur síðani 2000. Í hesum sessinum hevur hann ofta verið í andglettinum, tá ið Maskinmeistarafelagið hev­ ur verið í samráðingum við SEV, Lønardeildina í Fíggj­armálaráð­num og Reið­ara­fe­lag­ið, sum hevur nógvar sáttmálar við Maskin­ meistarafelagið. Jógvan ber orð fyri at vera sáttligur, álitisfullur, fyri­komandi, at hava gott minni og at vera ógvuliga treiskur og tilvitaður um, hvørja uppgávu tað er, sum hann skal røkja. Í 1982 giftist Jógvan Elisa­ beth Lassen, sum er dóttir Grethu og Paula Lassen í Vági. Tey búgva mitt í bygdini, har Elisabeth, sum er útbúgvin kokkur, hevur mat­stovu. Børnini eru Ólavur føddur í 1981, Hansa fødd í 1988 og Pauli, sum er føddur í 1993. Ólavur siglir við Ågot, Hansa gongur í skúla í USA, og Jógvan, eigur ein trý ára gamlan abba­son í Haraldsundi. Jógvan eigur seks gyllin á Viðareiði, og stóran part av frítíðini røktar hann seyð­ in. Á Viðareiði ganga teir høgt upp í seyðahaldið og veðrarnar, sum um sumr­ ar­nar eru í feitilendum, og um tað liggur fyri, so roynir Jógvan á hvørjum ári at vera á lundafleygi. 50 ára føðingardagurin varð hildin í skúlanum á Viðareiði síðsta fríggjakvøld. J Jógvan Nybo 50 ár Tøkk Vit vilja á henda hátt takka hjartaliga øllum sum mintust okkum á Diamantbrúdleyp­ inum. Takk til tykkum mongu, sum komu inn á gólv í Frelsunarherinum. Takk fyri gávur, telegrammir og uppring­ ingar. Ikki minst takk til tykkum, sum stákaðust og gjørdu dagin so hugnaligan. Guð signi tykkum øll. Elly og Frederik Joensen Vágur Dagurin í morgin 9. desember. Rólvur. Teir vita einki halgimenni at navni Rólvur ella Rudolf. Komið upp í álmanakkan í 1727. Navnið er týskt, sett saman av hrodr, ið merkir heiður og wulf, ið merkir úlvur.