mánadagur 12. desember 2005síða 3

Nr. 238 - 12. desember 2005  Í annaðkvøld verður árliga Lucia- konsertin, har m.a. barnakórið ”Dropar” fer at syngja. Í kórinum eru fleiri dreingir, teirra millum Tummas Sigvardsen Lucia Snorri Brend Havn: - At syngja?! Tað er bara fínt at syngja! Ein av ungu sangarunum, sum fer á pallin í Norður­ landahúsinum í annaðkvøld er 13 ára gamli Tummas Sigvardsen úr Havn. Hann hevur í eini tvey ár sungið við í barnakórinum ”Dropar” undir leiðslu av Sigrið Sivertsen. Og nú skal hann enn einaferð á pall. Jú, tað dámar mær væl. Vit syngja so nógvar fínar sangir, sigur hann við Sosialin. Barnakórið Dropar er eitt av fleiri innsløgum við árligu Lucia-konsertina, har nógvur sangur og tónleikur er á skránni, - og sjálvandi eisini Lucia-gongd. Drongur í kóri Týsdagin í farnu viku møtti Tummas spentur upp, saman við hinum ungu til enn eina venjing. Á skránni fyri hesa venj­ ing­ina var konsertin í ann­ að­kvøld. Seinastu tveir mán­aðirnar hevur Fimmboði Lisberg vant kórið, meðan Sigrið Sivertsen var upptikin við tí sangliga partinum av Ronju Ránsmannadóttur. Við konsertina í morgin fer Sigrið at leiða kórið, meðan Fimmboði tekur sær av tí tónlistarligu leiðsluni. Saman við øllum hinum møttu tey henda seinnapartin, og fóru beinanvegin í gongd við eitt av løgunum, sum tey skulu framføra í annað­ kvøld. Tummasi dámar væl at syngja, og fyri hann er líka­ mik­ið, hvat onnur – ella rætt­ari sagt: aðrir dreingir – halda um tað. Eg veit, at tað er ikki van­ ligt hjá dreingjum at syngja í kóri. Onkur heldur tað kanska vera snedigt, men mær dámar tað væl í øllum førum. Tað er tí, at eg framvegis eri við, sigur hann. Hann er tó langt frá einsamallur drongur í hesum barnakórinum. Hann byrjaði at syngja, tí beiggi hansara sang við í kóri. Eg var eitt sindur øvund­ sjúkur inn á hann, og tí fór eg uppí kórið, sigur Tummas. Tummas: Mær dámar væl at syngja í kóri Lucia- konsertin Á skránni fyri Lucia-konsertina í annaðkvøld er hetta á skránni: Tórshavnar Ung­ dóms­horn­orkestur Ein bólkur við tvørfloytum Solo- og duett: Erla Bech Jensen og Jóannes Lamhauge Barnakórið Dropar Ung Stjørnuskot Luciagongd Felagskór saman við øllum tón­leik­ arunum