mánadagur 12. desember 2005síða 19

Nr. 238 - 12. desember 2005 19 Føroyski landsliðs­ spæl­arin skoraði einasta málið leygar­ dagin, tá ið ein av mótstøðumonnunum varð rikin av vølli, tí dómarin metti, at hann skuldi hava gjørt seg inn á Claus Bech Jørgensen ONGLAND 1. DEILD Jóannes Hansen Fótbóltslagið í Coventry er batnað nógv seinastu stóru vikuna. Leygardagin átti Cov­entry heimavøll móti Millwall, sum er á 24. og aftasta plássinum. Talan var um tað, sum teir nevna seks stiga uppgerð. Um tað fór at eydnast Coventry at vinna, so fóru teir at flyta eitt sindur burtur frá niðurflytingar hóttanini. Um teir einki fingu burturúr, so fóru teir at verða uppaftur fastari í keðiliga siroppinum. Tað hilnaðist væl. Coventry vann 1-0. Málið fingu teir í 33. minutti, og tað var Claus Bech Jørgensen, sum sendi bóltin í málið, eftir at innlegg var komið innfyri úr vinstru. Hetta var fyrsta ferðin í hes­ um kappingarárinum, at Coventry hevur vunnið tvær ferðir á rað. Higartil hava teir vunnið fimm ferðir í alt í landskappingini, sum er 23 umfør gomul. Claus Bech Jørgensen varð tikin av vøllinum, tá ið tað restaði eitt korter. Tíggju minuttir frammanundan hevði dómarin víst einum av Millwall spælarunum av vøllinum. Dómarin metti, at spælarin hevði hevnt seg inn á føroyska landsliðsspælaran. Bæði venjarin hjá Coventry og venjarin hjá Millwall søgdu eftir dystarlok seg ivast í, um dómarin hevði sæð tilburðin soleiðis, sum hann fór fram. Teir søgdu seg ivast í, um spælarin á útiliðnum tilvitað hevði framt nakað brot, sum eigur at verða sektað við reyðum korti. Heimasigurin leygardagin ber við sær, at Coventry nú er á 18. plássinum. Teir hava seks feløg undir sær, og teir eru seks stig frá niðurflytingar strikuni. Tað er neyvan hugsningur um hjá Claus Bech Jørgensen at fara heim til Danmarkar at halda jól saman við fam­ilj­uni. Steðgurin verður í hvussu so er ógvuliga stuttur. Coventry skal annan mána­ dag, sum er 19. desember, spæla á útivølli í London móti gamla stórfelagnum QPR, sum er á trettanda plássinum. Og annan jóladag ella boxing day, sum tey siga í Bretlandi, skulu teir spæla á útivølli í Leeds. Hetta felagið ber ivaleyst góð gomul minni fram hjá fleiri føroyingum, sum fylgja ella rættari fyri einum tredivu árum síðani fylgdu við í bestu eingilsku deildini. Gamla meistaraliðið er nú á fjórða plássi í næstbestu deildini. Í sjeyti árunum átti felagið, sum nógvir før­ oyingar hildu við tá, nógvar kendar spælarar. Eitt nú fleiri skotskar landsliðsspælarar. Millum hesar taldist Billy Bremner, ið var øgiligur miðvallar stríðsmaður og ongantíð bakkaði fyri nøkr­ um, Peter Lorimer, sum var álopsspælari við sovornari skotkraft, sum eingin visti um at siga tá, Joe Jordan, sum var framúr í luftini og Eddie Gray, ið varð mettur sum ein av mest gávuríku síðuspælarunum, og sum so mangan var við til at gera góða hýrin á Elland road uppaftur betur! Hetta er langt síðani. Jack Charlton og Normar Hunter, sum vóru Leeds spælarar á eingilska landsliðnum, kundu saman við fleiri øðrum verði nevndir. Men tað hevur lítið at gera við dagsins Leeds lið, sum Claus Bech Jørgensen 2. jóladag skal spæla ímóti! Um jólini og nýggjárið eru altíð nógvir fótbóltsdystir á skránni í Onglandi. Tað plagar at verða tikið til, at tað er rættuliga avgerandi fyri endastøðuna, hvussu tað hilnast myrkastu dagarnar, tá ið dystirnir eru so ógvuliga tættir. Fram til og við 2. janaur skal Coventry spæla fimm ferðir í landskappingini. Claus var sera eyðsýndur Claus Bech Jørgensen var dagsins maður í Onglandi, tá Coventry leygardagin vann seg nøkur fet upp frá botninum av stigatalvuni StÍF hevði brotskast í seinastu sekundunum, men skotið fór framvið. Og so er Kyndil partur av FM-endaspælinum Sunset-kappingin Jákup Mørk Tað reið um snarið hjá Kyndli, tá tær vitjaðu á Skála sunnudagin. Treytirnar und­ an dystinum vóru greiðar. Ein javnleikur var so avgjørt minsta kravið, um málið um ein sess í FM-endaspælinum skuldi røkkast. Og hetta megnaði Kyndil. Men tað var ikki meira enn akkurát. Eftir at tað vóru tær grønu, sum byrjaðu dyst­in betur, tóku tær á heima­ liðnum alt meira yvir, sum dysturin leið. Tað eydnaðist tó Kyndli at stríða seg aftur í dystin. Eitt skifti í seinna hálvleiki vóru tær aftur á odda, men móti dystarenda kom StÍF aft­ur fyri seg. Stutt fyri leik­lok vóru vertirnir á odda við tveimum málum, og tó at Kyndil aftur vann seg á javnt, so vóru allar súðir ikki syftar. Í seinasta álopinum vann StÍF sær nevnliga brots­kast. Varð hetta sett í kassan, so var Kyndil úr FM-spælinum. Ivaleyst mundi okkurt fartelefon-samband suður til Vágs eisini siga teim­ um hjá VÍF frá, hvussu hetta spældi av. Skotið smoygdi sær tó skeivu megin stólpan, og so var fagnaðurin hjá teimum grønu ovurstórur. Eftir eini trý ár, har liðið støðugt hevur verið partur av botninum, hava tær í ár staðfest, at tann leikluturin er av. Og tó at tær helst eru størsti outsidarin av øllum í endaspælinum, so leggja tær helst vertin á tað. Tær hava longu rokkið fremsta málinum fyri kappingarárið. Og forrestin, so skulu hini trý í FM-endaspælinum ansa sær, so tær ikki taka alt ov lætt upp á uppgávuna, tá Kyndil er mótstøðuliðið. Tíverri hevur tað ikki eydnast okkum at fáa hagtølini frá dystinum. StÍF-Kyndil 19-19 (10-10): Kyndil slapp við skrekkinum