mánadagur 12. desember 2005síða 20

20 Nr. 238 - 12. desember 2005 Hóast Stjørnan eitt skifti misti takið á dystinum, so lótu tær at enda ongan iva vera um, at tær í løtuni hava sterkasta kvinnuliðið í landinum Sunset-kappingin Jákup Mørk Hóast tað sum so bara hevði kosmetiskan týdning, so var helst eingin ivi um, at Stjørnan fegin vildi enda á ovasta sessinum í grundspælinum hjá kvinn­ um. Um ikki annað, so fyri at prógva mótvegis hinum liðunum, at tær eiga sterkasta liðið í landinum í løtuni. Og júst hendan stað­fest­ ingin kom eisini skjótt fram, tá dysturin á Hálsi varð blástur ígongd. Snøgt sagt, so trumlaði Stjørnan alla mótstøðu niður. Ferðin var sett á eitt støði, har Neistin als ikki megnaði at fylgja við, og skjott gjørdist munurin millum liðini eisini stórur. Ein spurningur um ferð Tað tóktist, sum skuldi Neist­in veruliga vera fyri einum avsmurningi av sjáld­ somum dimensiónum, men spakuliga fingu tær tó fótin fyri seg. Stjørnan megnaði ikki at halda fast í høgu leikferðini, og so við og við gjørdist talan alt meira um ein spenn­andi dyst. Beint fyri steðgin hevði heimaliðið veruliga fingið takið. Ikki bara vunnu tær seg upp á javnt. Í teimum báðum seinastu Neista-álopunum fekk Stjørnan eisini tvær útvísingar, og tí máttu tær byrja seinna hálvleik við bara fýra spælarum úti á vøllinum. Ivaleyst ætlaði Neistin sær eisini at gera nýtslu av hesum fyrimuninum, men tær komu tó skjótt niður á jørðina. Eins og í fyrra, so setti Stjørnan nú aftur ferð á. Neistin megnaði als ikki at spæla seg ígjøgnum væl skipaðu verjuna hjá teimum reyðu, og ferð eftir ferð skolaðu kontra-álopini móti Neistamálinum. At Stjørnan seinni fekk Joan M. Djordjevic út­ vísta, var sjálvandi ein strika í rokningini. Men hin­vegin gav hetta eisni Louisu Andreasen nakað av spælitíð, og enn einaferð prógvaði hon, at hon er ein av teimum spælarunum, sum klaksvíkingar kunnu vænta sær nógv av í framtíðini. Stjørnan logandi favorittur Hvussu nógv Neistin skal vænta sær av framtíðini her og nú, er meira ilt at meta um. Skal dysturin sunnudagin nýtast sum barometur, so hava tær enn eitt fitt petti upp, áðrenn tær av álvara kunnu taka dystin upp móti teimum heilt fremstu. Í løtuni tykist spurningurin mera vera, hvussu nógv tær hjá Stjørnuni sjálvar leggja fyri. Og um tær megna at halda dampinum uppi alt komandi vár. Gera tær tað, so tykist lítil ivi at vera um, hvar FM-gullið skal enda. VB-Kyndil 32-11 (15-7): Eingin ivi í Vági Kyndil tykist fullkomuliga uppsteðgað. Leygardagin fingu tær rættan bank í Vági Sunset-kappingin Jákup Mørk Har var einki sum helst ivamál, tá VB leygardagin tók ímóti Kyndli. Kyndil hevur annars verið stóra positiva yvirraskilsið í ár, men seinastu umførini tykjast tær vera púrasta uppsteðgaðar. Munurin var sjónligur alt fyri eitt leygardagin. VB koyrdi á við fullari ferð, og hóast Kyndil royndi at standa ímóti, so bar einki til. Dysturin var mest sum avgjørdur, longu tá farið varð til hálvleiks, og heldur ikki eftir steðgin var nakar ivi. VB var so ruddiliga omaná, og bara fýra mál til Kyndil seinastu 30 minuttirnar siga væl eisini sítt um munin. Fakta um dystin VB-Kyndil 32-11 (15-7) Málskjúttar VB: Daiva Toumaite 10(1), Rannvá Augustinussen 5, Margreth Augustinussen 4, Svava Vestergaard 4, Christina Holm 3, Miri­ am Michelsen 3, Laila Jespersen 2, Sása Samu­ elsen 1 Kyndil: Jórun S. Ludvík 2(1), Súsanna Petersen 2, Ronja Mikkelsen 2, Lina Andriulyte 2, Linda Weihe 1, Anja Heinadóttir 1, Randi S. Wardum Brotskøst: VB 2, Kyndil 1 Útvísingar: VB 1, Kyndil 1 Dómarar: Kristian Jo­­han­ sen & Sámal Paula­son Neistin-Stjørnan 20-28 (13-13): Klassamunur Neistin-Stjørnan 20-28 (13-13) Málskjúttar Neistin: Annika Ljósstein 6(3), Nicoleta Radu Hansen 5, Anna Clementsen 3, Ása á Neystabø 2, Súna Mørk 2(1), Kára á Dunga 1, Unn Kragesteen 1 Stjørnan: Alina Olaru 10(2), Joan Midjord Djordjevic 6(1), Katarina Stepanov 3, Bára Skaale Klakstein 3, Una Olsen 3, Louisa Andreasen 2, Anna Kristina Samson 1 Brotskøst: Neistin 8, Stjørnan 5 Útvísingar: Neistin 5, Stjørnan 5 Diskvalifikatión: Neistin1 (3X2 minuttir), Stjørnan 1 (Beinleiðis reytt) Dómarar: Heri PEtersen og Dánjal Samuelsen FAKTA UM DYSTIN Í løtum megnaði Neistin at standa ímóti, men sæð yvir 60 minuttir var tað Stjørnan, sum hevði nógv betra takið á dystinum sunnudagin savnsmynd Kyndil fekk ikki staðfest oddastøðuna, tá teir vitjaðu á Skála sunnudagin Atlantic Airways- kappingin Jákup Mørk Við einum sigri kundi mans­liðið hjá Kyndli sunnu­ dagin staðfesta, at teir í grund­spælinum hava verið besta mansliðið í landinum. Verður hugt at gongdini í ár, so vildi hetta heldur ikki verið heilt av leið, tí síðani næsta umfarið hevur Kyndil verið liðið í oddinum. Men hetta fekk fyribils ein enda sunnudagin. StÍF var væl tendrað frá byrjan, og teir løgdu seg alt fyri eitt nøkur mál framum. Kyndil megnaði tó eisini at svara aftur, men hóast teir spældu seg til nógv, so eydnaðist ikki í nóg stóran mun at koma fram við Mari­an Cirloganescu í StÍF- málinum. Spenningurin helt sær tó allan dystin, og eitt stutt skifti í seinna hálvleiki megnaði Kyndil enntá at leggja seg á odda. Stórt meira enn tað sama gjørdist talan tó ikki um, og við einum góðum enda­spurti settu vertirnir seg uppiborið á dystin. Nú grundspælið er liðugt, mundi dysturin sunnudagin fyrst og fremst undirstrika, at talan er um fýra lið, sum í vár fara at stríðast um gullið. Tað er so langt ífrá, at strandingarnir skulu avskrivast í hesum. Tað skal Kyndil nú heldur ikki, og hóast tapið, so munnu teir grønu framvegis teljast millum heitastu favorittarnar í hesum spælinum. Tíverri hava vit ikki fingið hagtølini fyri dystin. StÍF-Kyndil 20-18 (11-10): Strandingar hanga í