týsdagur 13. desember 2005síða 34

34 Nr. 239 - 13. desember 2005 Eins og undanfarin ár verður skipað fyri jólahugna í úti­ savninum í Hoyvík. Tiltakið verður í døgunum 17. og 18. desember, og er opið millum klokkan 14 og 18 báðar dagarnar jólahugni tíðindaskriv Vit vitja inn á gólvið í Hoy­víks­ garði, sum í hesum døgum er stákaður upp til jóla. Her rýkur so væl av nýbakaðum, av føroyskum mati og fremm­ andum kryddaríum. Leygardagin kl. 16.30 syngur og spælir Kári Sverri­ son nýggj og eldri løg, skjald­ ur og vísu- og kvæðaløg í stov­uni í Hoyvíksgarði. Í túninum selur Kiwanis jóla­trø, meðan teymaríðing við føroyskum rossum fer fram á vegnum oman móti lend­ingini. Tey mongu út­hús­ ini eru eisini eitt sindur skrýdd til jóla. Tú kanst vitja inn í fjósið og royna at mala korn á kvørnini, ella royna at gera tíni egnu jólaljós, stoyta ljós, ella ganga niðan í hoyggjhúsið við gomlum landbúnaðaramboðum og øðrum. Ein roykurin av torvi er um geilar og tún, og torv­ hús­ið er latið upp, tí torv var okkara størsta orku­keld­ an fyrr. Í smiðjuni smíð­ar jarnsmiðurin, og træ­smið­ urin situr og teljgir rívu­ tindar. Fyri børnini eru upp­gáv­ ur gjørdar til eina gransk­ ing­arferð kring útisavnið. Aftan á tiltakið verður drigið millum innlatnu svarleparnar, so 2 børn fáa onkran lítlan jólavinning sendandi. Í turkihúsinum kanst tú koma inn og fáa ein fløva, og har verður kaffi, te og saft við onkrum góðum aft­ ur­við tilsølu. Jólasøla við heima­gjørdum gávu- og prýð­is­lutum verður eisini í turki­húsinum. Hann sigur frá kulda og kanska kava um vikuskiftið, so børn kunnu kanska hava sleður við, tí gott er at skreiða í Kýrdali. Heima á Garði, ella sum mong ung nú siga niðri í gomlu Hoyvík, og útisavnið í Hoyvík er ein sjáldsom perla í mentanararvi okkara. Alt lendið undir landsvegnum er av sonnum ein náttúru- og mentanarligur dýrgripur, - so nær stórbýnum og tó so langt burturi frá øllum gangi, resi og hurran. Føroya Fornminnissavn bjóðar øllum at vera væl­ komin at nýta friðin og søg­ una í útisavninum í Hoyvík. Aftur í ár verður skipað fyri jólahugna á Hoyvíksgarði Jólahugni heima á Garði í Hoyvík