mikudagur 14. desember 2005síða 4

4 Nr. 240 - 14. desember 2005 Aftur í ár skipar Kon­ sertfelagið saman við Havnar Kirkju fyri fyrrapartskonsert upp undir jól í Dóm­ kirkjuni. Konsertin verður komandi leygardag kl 11:30 MATINÉ Luttakararnir á konsertini verða í stóran mun tey somu sum í fjør. Konsertin byrjar við, at Oddvør Johansen spæl­ir eitt orgulstykki sum præludium. Afturvendandi er Tórs­ havn­ar Manskór, stjórnað av Bjarna Restorff, sum fer at syngja sangir sum passa til jólini. Berghild Poulsen verður solistur í Ave Maria eftir Sigv. S. Kaldalóns. Klav­erfylgispælið hevur Árni Hansen. Eisini verða Peter Niclasen og Fróði Sandoy solistar saman við kórinum. Eins og í fjør spælir aftur ár Ungdómsstrúkiorkestrið hjá Tórshavnar Musikkskúla. Vit hoyra tey oftari og oftari spæla á konsertum, og má ásannast, at tað er ein fragd at hoyra hesi ungu spæla. Orkestrið spælir tríggjar satsir úr vælkenda Water Music eftir G. F. Händel og Sinfonia eftir Will iam Boyce. Sum nakað nýtt fer blási­ kvintettin KINKVI at luttaka á konsertini. Tey sum spæla eru: Kári Bæk, obo, Andrea Heindriksdóttir, tvørfloyta, Peder Riis-Jensen, klarinett, Kjell Orseth, horn og Christ­ ina Andersen, fagott. Tey fara at spæla Nöel, sum er í fýra satsum, eftir franska tónaskaldinum Louis- Claude d’Aquin. Eisini spæla tey sálmin »Mítt hjarta tilhald hevur« eftir Carl Nielsen. Konsertin endar við, at øll syngja Gleðilig Jól. 
 
       

    

 Jólamatiné í Havnar Kirkju Sum nakað nýtt fer blásikvintettin KINKVI at taka lut á jólamatiné’ini leygardagin Ungdómsstrúkiorkestrið hjá Tórshavnar Musikkskúla verður aftur í ár við á jólamatiné’ini í Havnar kirkju leygardagin