mikudagur 14. desember 2005síða 5

Nr. 240 - 14. desember 2005  Skipara- og Naviga­ tørfelagið hevur stevnt landsstýrinum í sambandi við handfaringina av óhappinum, tá ið Norrøna fór á land Norrøna óhappið Áki Bertholdsen aki@sosialurin.fo Tað eru nú skjótt tvey ár síðani, at Norrøna fór á land í havnalagnum í Tórshavnar Havn tann 15. januar í fjør. Men hóast drúgvar frá­ greiðingar eru skrivaðar, er málið ikki liðugt enn. Og nú verður tað rætturin, sum sleppur at siga sína hugsan um málið. Skipara- og Naviga­tør­fe­ lagið hevur nevniliga stevnt Fiskimálaráðnum og tað verður gjørt í eini roynd at fáa málið tikið uppaftur. Tvær mótstríðandi kanningar Annars gjørdi Skipa­eftir­ litið eina drúgva kanning í sam­bandi við óhappið og hóast sagt verður, at høv­ uðs­atvoldin til óhappið var tann nógvi vindurin, sigur Skipaeftirlitið, at skipan tók nógvar skeivar avgerðir. Hetta førdi við sær, at skip­ arin fór úr starvi. Men skiparin vildi ikki góðtaka niðurstøðurnar í frá­greiðingini hjá Skipa­ eftir­litinum og síðani hevur felag hansara, Skipara- og Navigatørfelagið, arbeitt víð­ ari við málinum. Í hesum sambandi fekk Skipara- og Navigatørfelagið Ørv Thomassen at gera eina meting av kanningini hjá Skipaeftirlitinum. Ørvur Thomassen hevur drúgvar royndir sum skipari á skipum, sum líkjast Norrønu, og tí bað Skipara- og Navigatørfelagið hann kanna niðurstøðurnar í fr­á­ greið­ingini hjá Skipa­eftir­ litinum. Og tað er ikki ov nógv gjørt av at siga, at hann sápl­ aði frágreiðingina hjá Skipa­ eftirlitinum niður. Hann metti nevniliga, at niðurstøðurnar í frá­greið­ ingini hjá Skipaeftirlitinum kunnu ikki brúkast, tí tær byggja á skeivleikar, gitingar, misvísandi upplýsingar og vant­andi dugnaskap við at skaffa sær neyðugar upp­lýs­ ingar umborð á Norrønu. Hann metti tískil ikki, at kanningin hjá skipa­eftir­ litinum kundi verða tikin fyri fult. Hann metti somuleiðis, at soleiðis, sum skiparin á Norrønu hevði borið seg at, var tað rætta í eini slíkari støðu og hann helt tí ikki, at skiparin kundi fáa skyldina fyri óhappið. Niðurstøðan hjá Ørvi Thomas­sen førdi til, at Skip­ ara- og navigatørfelagið kærdi til Fiskimálaráðið og kravdi, at niðurstøðurnar í frágreiðingini hjá Skipa­ eftirlitinum vórðu tiknar aftur. Men tað vórðu tær ikki og Fiskimálaráðið vildu ikki gera meiri við málið. Krevja óhefta kanning Men fyri tað er málið ikki slept og Skipara- og Navi­ gatørfelagið hevur nú reist tað av nýggjum. Tað hevur felagið gjørt í eini stevning so at málið nú kann roynast í rættinum. Ellintur Abrahamsen, formaður í Skipara-og Na­viga­tørfelagnum, sigur, at í stevningini verður kravt, at ein óheft kanning verður gjørd, har kanningin hjá Ørvi Thomassen verður sett upp ímóti kanningini hjá Skipaeftirlitinum. – Tað, sum hendi í hesum máli, var, at kanningin hjá Ørvi Thomassen varð sópað av borðinum uttan nakrar grundgevingar, sigur Ellintur Abrahamsen. Og hann leggur afturat, at Skipara- og Navigatørfelagið góðtekur ikki, at kanningin hjá Ørvi Thomassen verður skúgvað til viks, uttan grund­geva fyri, hvat er skeivt í hansara kanning og tí held­ur hann, at tað er neyð­ugt, at kanningin hjá Ørvi Thomassen verður sett upp ímóti kanningini hjá Skipaeftirlitinum. Tí er Fiskimálaráðið tískil stevnt við kravi um, at ein óheft kanning verður gjørd, har báðar kanningarnar verða settar upp ímóti hvørj­ um øðrum. Norrøna óhappið: Stevna landsstýrinum Skipara- og Navigatørfelagið hevur nú stevnt landsstýrinum við kravi um, at óhappið, tá ið Norrøna fór á land í Havn í januar í fjør, verður kannað av nýggjum