mikudagur 14. desember 2005síða 6

6 Nr. 240 - 14. desember 2005 Væl av fólki vóru samankomin í Miðla­húsinum í gjár­kvøldið, tá Lov­songsbólkurin í Filadelfia hevði út­gávukonsert. Sung­ in vórðu løg av nýggju fløgu teirra ”Nær hjá tær”. Fløga Snorri Brend Fløgan hevur longu verið at hoyrt í teimum trimum út­varpsrásunum, men hetta var so fyrsta ferðin at almenningurin hevði høvið at hoyra hesi ungu fólkini syngja live. Tað sum gjørdi hesa fram­ førsluna so livandi var, at fleiri teirra sungu sangir, sum tey sjálvi høvdu skrivað. Íalt spældu tey 10 løg, sum vóru rættiliga ymisk í stíli, men í innihaldi vóru tey kortini eins: Øll ynsktu at peika á Hann, sum hevur skapt okkum øll og sum tí ynskir at vera nær hjá okk­ um. Fløgan, sum kom út í farnu viku, fæst til keyps um alt landið. Og sum skilst er hon væl dámd av fólki. Persónlig tøkk Á útgávukonsertini vóru fýra tónleikarar og fleiri sang­­ar­ar, sum uppá skift fram­­førdu hesi 10 løgini. Ein teirra var 23 ára gamla Mia Jacobsen úr Havn, sum hevur skrivað sangin, hon kallar ”Tú skapti meg”. Hesin sangurin kom til mín í einum tíðarskeiði, tá eg hevði eina tunga tíð. Men mitt í øllum hesum tunga, kom tað til mín, hvør hevði skapt meg, og hví Hann gjørdi tað. Út frá hesum kom so hes­ in sangurin, sum er ein per­ sónlig tøkk til mín Gud, sigur Mia Jacobsen, sum annars gongur á pedagogskúla í Havn. Nevnast kann, at beiggi hennara, Dánjal eisini sang fleiri sangir og kona hansara, Gunvør eisini fleiri. Í onkrum sangi sungu tey bæði duett. Tað er sum nevnt Lov­ sangs­bólkurin í samkomuni Filadelfia sum hevur givið hesa fløguna út við heitinum ”Nær hjá tær”. Sum skilst liggur enn nógv tilfar klárt, so hvør veit – kanska verður tað til eina fløgu aftrat einaferð seinni. Ein persónlig tøkk til Gud Býráðið í Havn er farið undir at endur­ skoða Bussleiðina. Sum skilst er ætlanin at økja bæði um túra­talið og at lata bussarnar koyra longur út á kvøldið um vikuskiftini Bussar Snorri Brend Havn: - Koyr ókeypis við Bussleiðini í Havn! Hetta ljóðar sum ein dreym­ ur hjá mongum, sum dagliga gera nýtslu av býbussunum í Havn. Men komandi ár verður hetta veruliga gjørligt – men bert í eina viku, væl at merkja. Komandi ár fer nevniliga aftur at verða skipað fyri teirri serstøku Umhvørvisvikuni, har ruddast skal allastaðni í kommununi fyri at gera býin bæði reinan og fríðan. Sum ein part av hesi vik­ uni er ætlanin somuleiðis at bjóða fólki ta tænastuna, har borgararnir sleppa at koyra ókeypis við bussunum hesa vikuna. Við hesum ynskir bý­ráð­ ið at fólk skulu læra at gera nýtslu av Bussleiðini, samstundis sum tey lata bilin standa heima við hús. Tað eru helst fleiri borgarar í Havn sum ongatíð hava koyrt við bussunum. Men vit vóna, at mong fara at taka bussin hesa serstøku vikuna – og ikki minst aftaná!, sigur Marin Katrina Frýdal, sum er forkvinna í Teknisku nevnd. Oftari og longur Henda ætlanin er bert ein liður í arbeiðinum at endur­ skoða Bussleiðina í fram­ tíðini. Hetta arbeiðið er farið í gongd, og gongst sum ætlað verða munandi broytingar settar í verk longu eftir summ­ arsteðgin komandi ár. Eitt arbeiði er nú farið í gongd við at finna fram til, hvussu Bussleiðin kann verða til enn størri nyttu og gleði fyri borgararnar í býnum. Lítil ivi man vera um, at mong fólk helst vildu gjørt brúk av hesi tæn­ast­ uni, men fyri mong er hetta busssambandið ikki nøkt­ andi. Orsøkirnar til hetta eru tvinnandar: Í fyrstu atløgu er støðan hon, at bussarnir ikki koyra nóg ofta í dagtímunum, tá sum mest er av fólki, ið kundu gjørt brúk av tæn­ast­ uni. Í øðrum lagi verður ofta havt á máli millum manna, at bussarnir gevast at koyra alt ov tíðliga um vikuskiftini. Hetta rakar serliga tey, sum búgva í útjaðarinum av bý­num. Hesar kærurnar og hesa misnøgdina hevur Marin Katrina eisini hoyrt, og er samgongan tí sinnað at bøta munandi um hetta í komandi ári – bæði við øktum túratali og longri koyring. Hetta er eisini í tráð við ætl­ anina í samgongu­skjalinum hjá sitandi samgongu. Her stendur m.a., at ætlanin er at økja um busskoyringina, samstundis sum ein vónar at minka um ferðsluna í mið­ býnum í Havn. Á henda hátt vóna vit at Bussleiðin kann gerast eitt veru­ligt alternativ til alla ferðsl­una í býnum: At fólk lata bilin standa heima við hús og nýta bussarnar ístaðin, sigur Marin Katrin Frýdal. Bussarnir skulu koyra longri og longur 2700 ferðandi Hagtøl fyri Bussleiðina vísa, at teir sjey býbuss­ar­ nir flyta í miðal 2.700 fólk um dagin á teimum fýra leiðunum í Tórshavn og á Argjum. Haraftrat verður koyrt úr Kollafirði til Tórshavn og aftur fimm ferðir dag­ liga gerandisdagar, og somu­leiðis úr Tórshavn til Kaldbak og aftur fimm ferðir dagliga. Tað eru helst mong, ið ongatíð hava koyrt við Bussleiðini. Tað skal nú broytast, ætlar býráðið Gunnvør Jacobsen á odda fyri Lovsangsbólkinum í Filadelfia Eva er ófør songkvinna. Her í stilla lagnum ”In silence”