hósdagur 15. desember 2005síða 6

6 Nr. 241 - 15. desember 2005 PE Kolonial og Samkeyp hava í ár valt at gera nógv burtur úr at hava nógv tilboð á sjokulátavøru og øðrum góðgæti undan jólum. Petur Eirik Djurhuus, ið eigur og rekur PE Kolonial á Hálsi í Havn, sigur, at sølan í ár líkist undanfarnum árum. - Tað eru okkurt um 20- 25 prosent av samlaðu góðgætissøluni, ið verður selt seinasta hálvanannan mánaðin av árinum. Tað verður eisini selt rættuliga nógv sodavatn hesa ársins tíð, og sum heild kann sigast, at vit selja nógv ósunt undan jólum, sigur Petur Eirik Djurhuus. Stjórin í PE Kolonial sigur, at hjá teimum hevur Quality Street selt best higartil í ár, men ein orsøk til tað kann verða, at Samkeyp hevur lýst við júst hesum karamellunum seinnu vikurnar, og tað heldur Petur Eirik Djurhuus ger mun. Petur Eirik Djurhuus sig­­ur, at tað serliga eru kara­­mellirnar, ið verða nógv seldar, men eisini gong­ur væl við søluni av sjokulátaplátum og vanligum bommpakkum. Eitt av stóru sølustøðunum av góðgæti í høvuðsstaðnum er Føroya Keypssamtøka í Hoyvík. Bent Lundsgaard, deildarleiðari í FK, sigur, at tað fyrst og fremst eru kara­ mellirnar, sum nógv verður selt av undan jólum, men eisini onnur sløg av góð­gæti selja væl, sigur hann. Umleið ein fjórðingur av árligu góðgætissøluni hjá FK verður seldur seinastu seks vikurnar av árinum. - Marsipan og bleytt nougat hoyra jólunum til, og tí gongur tað eisini rættuliga væl. Síðani er tað alt hetta serliga jólagóðgæti, so sum sjokulátanissur og annað, ið nokk so fitt verður selt av, sigur Bent Lunds­gaard. Hann greiðir frá, at hóast nógv verður selt av karamellum, so er tað ikki nakað, sum gevur Føroya Keypssamtøku yvirflóð av peng­um, tí vinn­ ingurin er sera lítil á karamellum. Bent Lunds­ gaard sigur, at skal man taka dagar mill­um tey trý stóru sløgini av kara­mellum, so er tað Quality Street, sum selur best í ár. tn Í dag almannakunn­ gjørdi Apoteksverkið nýggju heimasíðuna hjá sær, ið hevur eina rúgvu av møgu­leikum at bjóða brúkarunum. Til ber at finna allar møguligar upplýsingar um sjúkur, sjúkutekin og heilivág, og eis­ini ber til at seta spurn­ ingar um heilsu á heimasíðuni. Nýggj heimasíða Terji Nielsen terji@sosialurin.fo Talan er ivaleyst um eina av mest umfatandu føroysku heima­síðunum nakrantíð. Á www.apotek.fo ber nú til at fáa sær alskyns kunnning um heilsu, heilsuverk, heilivág og annað, sum hevur við hetta at gera. Ein liður í kunning um heilsu Richard Schwartson, apot­ek­ ari, er ein av teimum, sum hetta seinasta hálva árið hev­ur arbeitt við at fyrireika nýggju heimasíðuna, og hann er fegin um úrslitið. - Vit meta, at síðan er og verður í enn størri mun ein liður í kunning um heilsu í Føroyum. Samfelagið í dag er soleiðis bygt upp, at fólk vilja hava kunning her og nú, tá ið tey hava tørv á tí, og í hesum sambandi er alnótin helst besti miðil til kunning, sigur Richard Schwartson. Kunning á nýggju heima­síðuni er rættuliga um­fatandi. Greitt verður frá ymiskum sjúkum, og hvørji eyðkenni eru fyri hesar sjúkur. Somuleiðis ber til at lesa um ymsan heilivág, og hvør heilivágur verður nýttur fyri hvørjar sjúkur. Kennir tú teg illa til passar, ber til at fara inn á heimasíðuna og við at upplýsa tíni sjúkueyðkenni, kanst tú møguliga finna fram til, hvat bagir tær. Spyr apotekaran ella læknan Ein møguleiki við nýggju heimasíðuni, sum nógv iva­ leyst fara at gera sær dælt av, er, at tað ber til at seta fak­fólki spurningar. Tú kanst til dømis spyrja um ymiskt við­víkjandi heilivági, so sum prís, hjáárin og annað. Eisini kanst tú sum brúkari seta spurningar viðvíkjandi heilsu. Í fyrstu atløgu roynir apoteksverkið sjálvt at svara spurningunum, men er talan um so mikið umfatandi spurn­ing, at tað krevur svar frá lækna, verður hetta eisini gjørt. - Spurningarnir verða allir svaraðir, og eitt fólk kannar dagliga, um nakar nýggjur spurningur er settur. Vit ætla, at tað í mesta lagi skal taka tvær vikur at fáa ein spurning svaraðan, og helst styttri enn so, sigur Richard Schwartson. Spurningarnir, ið verða settir, verða ikki sjónligir á heimasíðuni, fyrr enn teir eru svaraðir av fakfólki. Arbeiðið við at gera heima­ síðuna hevur tikið um­leið eitt hálvt ár, og í sambandi við hetta arbeiði hevur apoteksverkið havt ein arbeiðsfólk við fýra per­sónum, ið hava fingist við hetta. Tað er lýsingarstovan Sansir, ið hevur ment, for­rit­ að og sniðgivið nýggju heima­ síðuna. Føroysk heilsukunning á netinum Fýra av fólkunum, ið hava verið við til at gjørt nýggju heimasíðuna hjá apoteksverkinum. Frá vinstru eru tað Beinta Hilduberg og Daisy Sloan frá apotekinum, Elin Michelsen frá Sansum og Richard Schwartson frá apotekinum. Mynd: Terji Nielsen Petur Eirik Djurhuus, PE Kolonial: - Selja nógv ósunt til jóla Petur Eirik Djurhuus, sum eigur og rekur PE Kolonial , sigur, at sølan av karamellum og sjokolátu í ár líkist søluni undanfarin ár Mynd: Terji Nielsen Bent Lundsgaard, deildar­leið­ari í FK, framman fyri nøkr­um av vælumtóktu karamellunum Mynd: Terji Nielsen - Lítil vinningur á karamellum Hetta er tíðin, tá ið vælumtóktu kara­ melldósirnar ganga títtar um handilsdiskin. Tað eru serliga trý sløg av karamellum, sum fólk fara eftir, og kappingin millum hesi sløg er hørð. Hvussu nógvar kara­mellur verða seldar til jóla, vilja innflytararnir ikki upplýsa, men talan er um nógv tons Karamellir Terji Nielsen terji@sosialurin.fo Føroyingum hava altíð dámt serstakliga væl ensku kara­ mellirnar, og einki bendir á, at hetta er við at broytast. Serliga eru tað tey trý sløgini, Quality Street hjá Nestle, og Roses og Heroes hjá Cad­bury, sum fólki dámar væl. Tað eru ávíkavíst Poul Hansen og Damfar, sum inn­ flyta hesar karamellur. Trý kilo til hvørt hús Innflytararnir vilja ikki upp­ lýsa, hvussu nógv verður inn­ flutt av karamellum árliga, men sum skilst, etur hvørt einstakt føroyskt húski einar tvær dósir árliga. Tvær dósir svara til umleið trý kilo av karamellum. Í Føroyum eru gott og væl 17.000 hús­ar­ hald, og tað vil siga, at vit føroyingar eta gott og væl 50 tons av karamellum árliga. Hjá Damfar, sum inn­ flytir Roses og Heroes karamellirnar hjá Cadbury, verður sagt, at nýtslan hesi seinnu árini hevur verið rættuliga støðug, men annars hava tey ikki hug til at upplýsa stórvegis um karamellirnar. Tað er Poul Hansen, sum innflytir Quality Street karamellirnar hjá Nestle. Ejler Johannesen, sum hevur ábyrgdina av góðgætissøluni hjá Poul Hansen, sigur, at okkurt um 97 prosent av øllum karamellunum, sum fyritøkan selur, verða seldar til jóla. Hini trý prosentini verða seld skipum alt árið. Ejler Johannesen sigur, at sølan er minkað eitt lítið sindur seinnu árini. Fyrr vóru sløk trý kilo í hvørjari dós, men nú er bert 1,3 kilo av karamellum í hvørjari Quality Street dós. Hetta hevur havt við sær, at nøgdin av seldum dósum er vaksin, men samlaða kilotalið er minkað nakað, sigur Ejler Johannesen. Tað er hørð kapping um karamellukundarnar, og innflytararnir eru eisini ógvuliga trekir at koma við upplýsingum. Tað ræður um ikki at keypa ov nógv inn, so at man hevur eina rúgvu eftir, tá ið jólini eru farin aftur um bak, men samstundis er eisini umráðandi at hava nóg mikið á goymslu, siga innflytararnir. 50 tons av kara­ mellum til føroyingar Ejler Johannesen, sølumaður hjá Poul Hansen, sigur, at umleið 97 prosent av øllum Quality Street karamellum, ið verða seldar í Føroyum, verða seldar stutt undan jólum. Mynd: Terji Nielsen