fríggjadagur 16. desember 2005síða 12

12 Nr. 242 - 16. desember 2005 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Føðingar 27. nov. fekk Levi eina fitta litlasystur. Hon var 55 cm. long og vigaði 4790 gr. Mamma og pabba eita Britt og Andreas Djurhuus og vit búgva í Vági. Lítladiddan eitur Malena. 3. desember fingu Janette og Tórhallur Reinert, Vojens, Danmark, ein son. Hann var 52 cm langur og vigaði 3650 gr. 4. desember fingu Marjun og Krissfinn Lydersen, Klaksvík, ein son. Hann var 53 cm. langur og vigaði 3700 gr. 5. desember fingu Majbritt K. Jacobsen og Jón Jacobsen, Tvøroyri, ein son. Hann var 54 cm. langur og vigaði 4120 gr. 8. desember fingu Nomi Haraldsen, Miðvágur og Kaj van Elzelingen, Odense, eina dóttur. Hon var 53 cm. long og vigaði 3730 gr. 9. desember fingu Lydia og Jacob Pauli Jacobsen, Klaksvík, eina dóttur. Hon var 55 cm. long og vigaði 4600 gr. 9. desember fingu Haldis Johnsdóttir og Kenneth Carlsson, Tórshavn, eina dóttur. Hon var 53 cm. long og vigaði 3850 gr. 10. desember fingu Hansina Sigurðsson og Poul Joensen, Klaksvík, ein son. Hann var 54 cm. langur og vigaði 4050 gr. 10. desember fingu Ninna og Oddmar Ørvarodd, Tórshavn, ein son. Hann var 55 cm. langur og vigaði 4300 gr. 13. desember fingu Vilbjørg M. Olsen og Eyðfinn Davidsen, Eiði, ein son. Hann var 50 cm. langur og vigaði 2900 gr. 13. desember fingu Haldis Petersen og Arni Olsen, Argir, ein son. Hann var 55 cm. langur og vigaði 4150 gr. Mánadagin 19. desember fyllir Jónsvein Olsen í Rituvík 50 ár. Føðingardagurin verður hildin í Sjókafeiini í Runavík leygarkvøldið 17. desember klokkan 19, har øll eru vælkomin. Jónsvein hevur búð í Ritu­ vík síðani í 1981. Hann er ættaður frá Gjógv, og tað verð­ur sagt, at hann er gjáar­ maður við stórum G. For­ eldrini eru Louisa og Hans Christian Olsen, nevndur Kristian í Lon. Mamman er av Oyrabakka, og tey búðu á Oyrabakka, inntil Jónsvein var farin í skúla. Tá fluttu tey norður til Gjáar at búgva. Systrarnar hjá Jónsveini Dania og Annjó búgva báðar í Havnini. Jónsvein gekk í fram­halds­ deild í høvuðsstaðnum, har hann búði hjá Almu gumm­ uni, har hann hevði tað gott. Hann lærdi til rørleggjara hjá Demich og arbeiddi eitt skifti sum sveinur hjá Mariu Poulsen. Eftir at hann var fluttur til Rituvíkar, arbeiddi Jónsvein hjá Vaðhorn. Tað var tá, at hann fór undir samstarvið við vinmannin Birgir Nóns­ gjógv, sum hann kendi frá barnaárunum við Gjógv. Teir bygdu saltfiskavirkið upp. Fyrst var tað í Turkihúsinum á Skála og síðani á Hulki á Strondum. Seinni fluttu teir yvir um fjørðin og fóru at arbeiða hjá United Sea­food á Toftum. Birgir var stjóri, og Jónsvein var arbeiðs­for­ maður, og tað hoyrist ofta, hvussu væl tað gekk á Toft­ um, og hvussu gott arbeiðs­ lagið var. Fyri einum ári síðani doyði Birgir Nónsgjógv brádliga. Tað var stórur smeitur fyri tey á fiskavirkinum á Toftum, og fyri Jónsvein kendist tað ógvuliga meint, at hann misti samstarvsfelagan og barnavinin, sum hann hevði verið so nógv saman við barna­árini og eisini, tá ið teir so mangan vitjaðu í heim­bygdini. Har vóru teir ofta undangongumenn, tá ið ungmannafelagið skip­aði fyri afturvendandi bygdar­ tiltøkum, og eisini á so mang­an annan hátt, um tað so var inni ella úti til fjals ella í fjøru. Teimum dámdi báðum at spæla guitar og at synga og yrkja, og tað var í hesum høpinum, at nógv av tí spratt, sum teir báðir hava upptraðkað við. Tá ið Jón­ svein yrkir, sigast gjáar­ mynd­ir altíð at vera við í tekstinum. Jónsvein giftist 5. oktober í 1985 við Lauru Einarson í Rituvík. Tey eiga trý børn. Tey eru Eivy, fødd í 1982, Kristian í Lon føddur í 1988 og Teinar føddur í 1996. Jónsvein eigur eina abba­dóttir, sum er fødd í 2001. Konan hevur altíð ver­­­ið framm­­ar­laga, tá ið til­ tøk hava verið fyriskipað í bygdini og eisini innanfyri, og tí hevur tað verið mest sum sjálvsagt, at Jónsvein eisini er við í so mongum. Hann hevur ongantíð spælt fótbólt, men nú er hann íðin NSÍ viðhaldsmaður, og síðsta kappingarár var hann ein av liðleiðarunum. Jónsvein, sum er avgjørdur tjóðveldismaður, hevur altíð verið ógvuliga áhugaður í kappróðri. Ungdómsárini í Havnini róði hann við Ørvi og Havnarbátinum, sum stóðu seg væl tey árini. Jónsvein dámar væl at hava gestir, hann er ógvuliga hjálpsamur, og hann hevur tikið sær fyrimyndarliga av vermammuni. Hon var vorðin einkja stutt frammanundan, at hann kom til Rituvíkar. Tá ið Laura og Jónsvein fluttu í nýggj hús, flutti vermamman við teimum. Seinni gjørdist hon blind, og tað hevur verið eyðsýnt, hvussu Jónsvein hev­ur havt umsorgan fyri henni og er farin við henni í kirkju og til tiltøk av so nógvum ymiskum slagi. Tá ið Jónsvein hevur havt og framvegis hevur so nógv við fólk at gera, so er einki at ivast í, at tey fara at verða mong, sum leygarkvøldið fara at nýta høvið at heilsa upp á hann í Sjókafeiini í Runavík. HN Jónsvein Olsen 50 ár Tøkk Hjartaliga takki eg øllum tykkum, sum á ymiskan hátt mintust meg á 85 ára føðingardegnum 7. oktober. Gleðilig jól og gott nýggjár. Vinarlig heilsan Berlina Mørkøre, Klaksvík Fríggjadagin 16. desember fyllir Jó­hanna Jarnskor á Strondum 65 ár. Jóhanna er ættað úr Haldarsvík og flutti sum smágenta til Strendur. Sum ung arbeiddi Jóhanna á tøtingar­ virkinum Snælduni á Strondum. Og í 1959 fór hon niður til Danmarkar at arbeiða sum gongsgenta á KFUM í Keypmannahavn. Í 1960 giftist hon við Henry Jarnskor úr Norðagøtu, og búsettust tey á Strond­ um og eiga fýra børn: Bergljott, sum býr á Strondum, John Paula, sum býr á Bornholm, Bent Leo, sum býr á Strondum, og Eydnu, sum býr á Strond­um. Jóhanna og Henry eiga 5 barna­børn. Jóhanna var heimagangandi hús­móð­ ir, meðan børnini vóru smá, og fyri nøkrum árum síðan fekk hon rein­gerð­ ingsarbeiði á flakavirkinum Vaðhorn á Strondum. Hon hevur eisini gjørt eitt stórt arbeiði innan ítróttin við at stuðla við bingo og øðrum tiltøkum. Ein heilsan til konu mína Jóhonnu Jarnskor á 65 ára føðingardegnum 16. og 45 ára brúdleypsdegnum 18. desember 2005 1. Eg kvøðu fram bera tær vil tú seksti fimm ert komin til tú ert tað besta mær er hent frá fyrsta degi væl tað kent. 2. Vit møttust ung á lívsins veg Tað var jú eydnan fyri meg Ei betri vív at finna er Tað sanni eg sum tíðin fer. 3. So tekkilig og von ert tú Lív mítt tú hevur ríka nú Mær fýra børn í heim tú bar Øll eru okkum líka kær. 4. Tú hevur stuðul verði mær Alt greitt úr tínum hondum var Várt heim tú skipaði so væl Tú høgt í metum verða skal. 5. Vit Harrans signing fingu við Og leitt hann hevur hvørt eitt stig Tí tøkk til hansara vit senda Hann verður við oss inntil enda. Heilsan maður tín Jóhanna Jarnskor 65 ár Jóhanna og Henry Jarnskor