fríggjadagur 16. desember 2005síða 19

Nr. 242 - 16. desember 2005 19 Nr. 242 • fríggjadagur • 16. desember 2005 • 79. árgangur • www.sosialurin.fo Fyrsta royndin við sonevndari sportsnight var sera væleydnað. Eini 40 fólk høvdu leitað sær oman at kappast í pool, airhockey og borðfótbólti Sportsnight Jákup Mørk Talan er sum so um nýtt fyri­brigdi í Føroyum. Aðra staðni hevur tað í fleiri ár verið vanligt at skipað fyri kappingum í teimum sonevndu bar-sports. Men her heima hevur hetta ikki verið serliga vanligt. Einamest, tí tað ikki hevur verið nakað stað, har fleiri av kappingargreinunum í hesum hava verið savnaðar. Á Cippo fevndu kapp­ing­ar­ nar um borðfbólt, airhocky og pool, men hvør veit, um ikki dart, backgammon ella kanska ein sports-quiz eisini fara at koma á skránna í næstum. 40 mans um borðini Í øllum førum má stað­ fest­ast, at undirtøkan fyri kapp­ingunum var rættiliga góð. Tað var ikki fyrr enn mikukvøldið, at boðini um hetta komu alment út, men hóast stutta skotbráðið, so vóru á leið 40 mans (eingin kvinna var at síggja), sum høvdu teknað seg. Klokkan 20 fóru so fyrstu dystirnir ígongd, og so var bara at koyra á. Spenningurin var øgiligur í fleiri førum, tá luttakararnir við sveittabroti stríddu seg fram ígjøgnum cup-skipanina, sum var galdandi hetta kvøldið. Rópini høvdu til tíðir hug at harðna, tá tað ikki gekst eftir vild, og onkra tíð mundu eiðirnir eisini fara sendandi gjøgnum luftina. Hvussu var og ikki, so eydnaðist spakuliga at finna fram til finaluluttakararnar. Og sum so var talan um meira enn bara ein dyst, tá finalurnar stóðu á skránni. Umframt vinningarnar til hvørt kvøld­ið sær, sum Føroya Bjór, Heineken og Sports- Master lata, er eisini ein enn størri høvuðsvinningur. Nevnliga ein fótbóltsferð til Champions League-fin­ al­ una. Tann vinnarin verður tó ikki funnin, fyrr enn øll ítróttarkvøldini eru av. Finalurnar í borðfótbólti og air-hockey vórðu annars skipaðar soleiðis, at spælt varð best av trimum. Í pool varð talan bert um tann eina dystin, tá hetta jú er ein kapp­ ing, har dystirnir gjarna taka nakað longri tíð. Men fram til tá, er lítil ivi um, at spenningurin verður í hæddini hóskvøld á Cippo. Hond­bólts­ parið fer til Íslands Eyðun L. Samuelsen og Andreas F. Hansen, sum eru nýggju føroyingarnir í altjóða høpi í hond­bólts­ døming, skulu nú undir sína næstu altjóða uppgávu. Hesa ferð er talan um tveir dystir í EHF-Cup, og verða hesir spældir í Íslandi tann 8. og 9. januar. Talan er um dyst í triða umfari, og tað vil við øðrum orðum siga, at nú eru sterku hond­ bóltstjóðirnar eisini komnar í part. Í veldugu høllini á Hafnarfirði skulu teir báðir føroyingar soleiðis døma dystirnar millum íslendsku Haukar og kroatisku Pod­ ravka Vegeta, sum eru styrk­ismettir, og tí nústaðni gerast partur av kappingini. At teir báðir longu nú sleppa at døma dyst, har eitt av styrkismettu liðunum er við, er greitt tekin um, at talan var um gott avrik, tá teir fyri góðum mánaði síðani fyri fyrstu ferð dømdu altjóða dyst. Ta ferðina var talan um dyst í Noreg, og skoðsmálið frá eygleiðaranum var framúr gott. Stigevingin fyri dómarar gongur upp í 100, men tað er sera sjáldan, at talið fer upp um 90. Hjá Eyðuni og Andre­as segði stiggevingin 84 í fyrstu royndini, og tað má metast sum væl og virðiliga góðkent. -mørk Hørð kapping á Cippo Pool er helst tann av kappingargreinunum, sum er best kend í Føroyum. Og tann kappingin hevði eisini góða undirtøku hóskvøldið Heini Mortensen vann greiðan sigur, tá kappast varð í finaluni í fótbólti