týsdagur 27. desember 2005síða 11

Nr. 248 - 27. desember 2005 11 Kynslívið hjá føroy­ ingum, seksleikur og make-over eru nøkur av innsløgunum, ið verða partar av nýggjárssendingini “Í Káta Horninum” hjá Kringvarpinum, ið verður send á Sjónvarp Føroya Nýggjársaftan Sjónvarp Niels Uni Dam nielsuni@sosialurin.fo Nýggjárssendingin hjá Sjón­ varpinum í ár verður ikki fyri børn og sartar sálir. Vert­irnir Elin í Stórustovu og Tróndur Vatnhamar fara at taka pulsin á tí, ið hevur rørt seg í Føroyum seinasta árið, og pulsurin er høgur. Vit vóru við, tá Sjónvarpið beint fyri jól tók partar av sendingini upp í hølunum hjá Gourmet við Skálatrøð. Elin og Tróndur vóru veitslu­­skrýdd og friseraði av einslistum. Elin hevði ver­ið í Vestmanna hjá Roy­ al hárfríðkanarstovuni og longt sær hárið, toppurin og niðurdeilurin eru føroysk snið­geving, sniðgivin til Elina. Tróndur var í klass­ iskum svørtum klædningi, og hárið var sum slokt aftureftir. Hann greiddi frá, at hann hevði ætlað sær til hárskera, men tíðin hevði ikki verið til tað, tí var Mafiaútsjóndin ein neyðloysn, men hon klæddi væl til bandittasliga smílið. Sendingin er eitt samstarv innanfyri Kringvarpið, har Elin umboðar útvarpið og Tróndur og myndakvinnan Bjørg Mohr Andersen um­ boða sjónvarpið. Hetta er aðru ferð, at El­in um­ boðar útvarpið á sjón­varps­ skíggjanum, fyrru ferð­ina var í sambandi við Atlantic Music Event, og hon tykist at trívast á skíggj­anum. Elin greiddi okkum frá, at hetta er ein lætti­soppa­ sending, eitt slag av Nýggj­ árspunki, segði hon, Trónd rópa tað. Tá tey fóru í holt við sendingina, settu tey seg niður og tosaðu um, hvat var hent í árinum, og royndu at viðgera nøkur rák, ið hava verið uppi hetta árið. Burtur úr hesum kom eitt bland av ymiskum stuttligum og eisini onkrum nokkso provo­ kerandi. Elin og Bjørg hava t.d. ver­ ið í Danmark og tikið partar av sendingini upp. Tær hava vitja handilin Lust mitt í Keypmannahavn, ið selir seks-leikur og eggjandi und­ir­klæði. Har hava tey práta við tvey av føroysku við­skiftafólkunum og við handilskonuna, um hvat før­oy­ingar plaga at keypa og hvussu tey eru sum við­ skiftafólk. Elin sigur, at hugskotið til hetta kemur frá Dildoparty’unum, ið hava verið í ár. Elin luttók á einum av hesum fyri útvarpið fyrr í ár og varð tikin av bóli av stóra keypihuganum. Hetta kvøldið keyptu føroysku konu­fólkini fyri 20.000 kr. Tað ber tí til at koma til niðurstøðuna, at leikur eru vorðnar partur av kynslív­ inum hjá føroyingum. Hetta er tí eitt rák, ið var vert at nema við í eini tílíkari send­ ing, heldur Elin, ið lovar, at m.a. ein ljósreyður dildo fer at luttaka í Gourmet parti­ num av sendingini. Eitt annað rák eru tær so­kallaðu make-over send­ ingarnar, ið eru á nærum hvørj­ari útlendskari sjón­ varpsrás, hetta verður eisini nomið við í sendingini, har onkur kendur og onkur minnið kendur fáa eitt “make over”. Men hetta er bert okkurt smávegis av tí, ið verður í Káta Horninum. Elin sigur, at sendingin ivaleyst kann provokera onkran, og at hon als ikki er fyri børn. Sendingin verður send í SVF leygarkvøldið nýggjársaftan, hon er fimm korter og byrjar kl. 22. Nýggjárið í SvF verður ikki fyri børn Elin og Tróndur vóru veitsluskrýdd og í góðum Nýggjárshýri Bjørg Mohr Andersen stóð fyri myndatilfarinum í sendingini