mánadagur 16. januar 2006síða 14

14 Nr. 11 - 16. januar 2006 Atlantsmótið á vegamóti: Rimmar boriætlan fyri framman 2006 og 2007 kunnu gerast árini, tá gongd av álvara kom á aftur oljuleitingina á Atlantsmótinum. Hesi bæði árini verða eftir øllum at døma boraðir umleið 10 brunnar, fimm í bretskum og fimm í føroyskum øki. Talan er fyri tað mesta um leitibrunnar men eisini um avmarkingarbrunnar. Oljuleiting Analysa Jan Müller jan@sosialurin.fo Tá hugsað verður um, at oljufeløg hava borað einar 200 brunnar á Atlantsmótinum - fyri tað mesta vestan fyri Hetland - síðani miðskeiðis í 70-unum, so ljóða 10 brunnar í ár og komandi ár kanska ikki sum tað heilt nógva. Men seta vit hesar í sambandi við tað heldur laka borivirksemið, sum hevur verið í hesum økinum seinastu mongu árini, so er hetta ein ábending um, at nýggjar tíðir eru komnar til Atlantsmótið. Bjartskygnið er størri enn kanska nakrantíð og fleiri av heimsins størstu oljufeløgum eru sinnað til at brúka milliardir av krónum at bora brunnar í hesum enn lutvíst ókenda øki. Hóast olja og gass er funnið í fleiri av brunnunum, sum eru boraðir vestan fyri Hetland í 25 ár, so er hetta enn “bert” blivið til tríggjar stórar framleiðandi oljukeldur: Foinaven, Shiehallion og Clair. Hesar oljukeldur eru tiknar í nýtslu seinastu 10 árini og hava tær lutvíst stóran týdning fyri samlaðu oljuframleiðsluna í bretskum øki. Avgerandi spurningurin er tó, hvussu man kemur víðari tvs. ger fleiri lønandi fund. Tað er hetta, sum millum 20 og 30 stór og minni oljufeløg, royna at finna fram til við at gera seismiskar kanningar og síðani bora brunnar. Ein broyting til tað betra er so tann, at smærri olju- og gassfelt bráddliga eru vorðin áhugaverd, nú oljuprísurin er so nógv hækkaður og nú tøknin er so nógv ment. Tað, sum áður varð ov lítið til at útbyggja, er nú stórt nokk. 2004 undantak Hóast tað ikki hava verið stórtíðindi frá Atlantsmótinum leingi, so gjørdist 2004 eitt undantak, tá amerikanski oljurisin Chevron rakti við eina eftir øllum at døma risasstóra oljukeldu skamt frá føroyska markinum. Tað er henda oljukeldan, sum verður nevnd Rosebank/ Lochnagar, ið hevur broytt nærum alt á Atlantsmótinum. Hon er uttan iva orsøkin til stóra áhugan fyri at ogna sær nýggj leitilovyi bæði í føroyskum og bretskum øki. Ein kann siga, at hon er katalysatorur fyri tað, sum skal koma. Kemur tað so langt sum at henda oljakeldan verður útbygd til framleiðslu, so letur tað nógvar nýggjar dyr upp fyri komandi framleiðslur á føroyskum øki eisini. Hetta er sama mynstrið vit t.d. hava sæð rundan um Foinaven kelduna. Har eru aðrar oljukeldur funnar í grannalagnum, sum so eru bundnar uppí Foinaven framleiðslukjarnuna, og slík útbygging ger, at tað bráddliga loysir seg at útbyggja smærri oljukeldur, sum einsamallar fíggjarliga ikki megna at bera seg. Við hesum stóra oljufundi hevur BP, sum hevur sitið á førarasessinum á oljulokomotivinum á Atlantsmótinum, fingið ein kappingarneyta ella fyri tað viðspælara. Men við sína lið hevur Chevron eisini onnur stór oljufeløg so sum Statoil, Shell, Anadarko og Dong. Nógv virksemi Sosialurin hevur roynt at fáa innlit í tær fyri okkum føroyingar mest áhugaverdu verkætlanir á Atlantsmótinum í ár og komandi ár. Tað er líkt til, at tað verða boraðir 10 brunnar í 06 og 07. Seks av teimum eru leitibrunnar, meðan teir fýra helst eru avmarkingarbrunnar tvs. brunnar, sum verða boraðir nærhendis longu staðfestum fundum og sum hava til endamál at siga nakað um her veruliga er talan um rakstrarverdug fund. Hyggja vit at sergjørda analysukortinum síggja vit, at ein leitibrunnur verður boraður á føroyska landgrunninum í ár, meðan tað verða boraðir 1 leitibrunnur og 3 avmarkingarnbrunnar (appraisal) í bretskum øki vestan og norðan fyri Hetlandí ár. Brunnurin, sum verður boraður á føroyska landgrunninum, er Brugdan. Avtala varð gjørd herfyri millum ikki færri enn 8 oljufeløg við Statoil á odda um at bora gjøgnum basalt í summar. Boripallur er tøkur og setir á undirgrundina umleið 15. juli. Alt eftir hvussu gongst at bora gjøgnum basalt verður greitt einaferð í heyst, um MØGULIGIR BRUNNAR Í 2006 OG 2007