mánadagur 2. januar 2006síða 6

6 Nr. 1 - 2. januar 2006 - Vit halda tað ikki vera rætt, at føroysk línuskip skulu gjalda allan prísin fyri tann partin av føroyska fiskiskipaflotanum, sum fiskar av norskari kvotu eystanfyri, sigur formaðurin í Línuskipum Fiskivinna Vilmund Jacobsen vilmund@sosialurin.fo Rólant Poulsen sigur, at tað, sum serliga var til við­ gerð­ar á aðalfundinum hjá felagnum Línuskipum í sein­astu viku, var sáttmálin millum Føroyar og Noreg, sum enn ikki er komin upp á pláss. - Samráðingarnar millum londini bæði endaðu úr­slita­ leysar herfyri, men verða ætl­andi tiknar uppaftur í Dan­mark mkudagin. Hann sigur, at felagið Línu­skip varð ikki umboðað við seinastu samráðingar, tí formaðurin var ikki heima. Tískil varð felagið umboðað av Føroya Reiðarafelag í stað­in. - Men nú samráðingarnar verða tiknar uppaftur, ynskja vit at verða við, og í dag verður fyrireikandi fundur millum føroysku umboðini, sum síðan verða við í sam­ ráðingunum, sum verða upp­­afturtiknar í Danmark miku­dagin. Norðmenn burtur Rólant Poulsen sigur, at lim­ir­nir í felagnum Línu­ skipum hava álagt nevndini at virka fyri, at norskir línu­bátar verða útihýstir á Føroyaleiðini. - Vit halda tað ikki vera rætt, at føroysk línuskip skulu gjalda allan prísin fyri tann partin av føroyska fiskiskipaflotanum, sum fisk­ar av norskari kvotu eyst­anfyri. Hann vísir á, at 12 norsk línuskip hava havt loyvi at veiða undir Føroyum í senn um árið, og tað heldur felagið Línuskip er alt ov nógv. - Nú línuskipaflotin í bólki 3 er vorðin so stórur, hava vit brúk fyri teimum leiðum, sum norðmenn royna á, tá ið gýtingin er fyri, og nógvar leiðir eru stongdar. Hann vísir á, at inntøkurnar hjá føroyskum línumonnum eru falnar nógv seinastu tvey árini, samstundis sum útreiðslurnar til eitt nú agn og olju eru øktar. - Manningarparturin hjá okkum í fjør liggur um 280.000 krónur, meðan teir, sum sigla við flakatrolarunum og nótaskipunum, hava ein manningarpart, sum liggur um 450 og yvir 800.000 krónur. Tí duga vit ikki at síggja, hví vit skulu ”bløða” fyri tað, sum flakatrolararnir og nótaskipini veiða í norsk­ um sjógvi, sigur Rólant. Hann vísir á, at norskir línubátar í 2004 eru skrásettir at hava fiskað 4.600 tons und­ir Føroyum, serliga av brosmu og longu. Ymiskar sømdir - Umframt tað, sum vit kunnu fiska undir Føroyum, fáa vit nakrar túrar undir Ís­landi, men oftast eru vit komin heilt út í mai, áðrenn vit sleppa til Íslands. Rólant sigur, at Íslands- kvotan gevur umleið 2 mil­ jónir krónur til hvørt skipið - alt eftir, hvussu stóra kvotu skipini eiga har yviri. - Vit halda tó, at djúpa vatn­ið undir Føroyum í gýting­artíðini hevði givið okk­um meira enn hesar 2 mil­­jónir krónurnar, um norsk­ir línubátar tá ikki lógu á hesum leiðum og troyttu okkara grunnar. Hann heldur eisini, at norð­ menn sleppa alt ov lætt, tá ið teir fiska undir Føroyum, tí teir eitt nú kunnu skifta millum føroyskan sjógv og ES-sjógv á sama túri. - Vit kunnu hinvegin ikki skifta ímillum føroyskan og íslendskan sjógv – ella øvut, sigur hann. Órógvandi veiða Rólant sigur, at felagið Línu­skip ikki kann prógva, at nakað óregluligt fer fram hjá norskum línubátum und­ir Føroyum, men hann heldur tað vera órógvandi, at norsku skipini kunnu skifta millum føroyskan sjógv og ES-sjógv á sama túri. - Vit síggja javnan norsk línuskip liggja ímillum før­ oysku línuskipini og fiska – og teir siga seg tá fiska brosmu og longu. Vit siga ikki, at tølini hjá teimum eru skeiv, men okkum dámar avgjørt ikki hesa skipan, leggur hann aftrat. Í øllum førum staðfestir for­maðurin í Línuskipum, at norðmenn síggja stórt í at sleppa undir Føroyar at royna. - Hvørt ár iggja teir klárir longu millum jól og nýggjárs at koma higar at royna, og tað er ikki av ongum, heldur Rólant. Hann heldur, at føroysku línuskipini avgjørt áttu at sloppið út á djúpari vatn, tá ið nógvar av línuleiðunum eru stongdar um várarnar. - Men tá er ikki roynandi á hesum leiðum fyri norsku línubátunum, sigur hann. Rólant Poulsen sigur seg hava skilt, at eftirlitið við norsku línubátunum í før­ oyskum sjógvi er økt. - Men tað man vera rími­ liga torført hjá mynd­ug­­leik­ unum í eini handa­vend­ing at staðfesta, hvat er í eini frystilast við eini 20-30 kuldastigum, sigur for­mað­ urin í Línuskipum. Líggjas Johannesen úr Klaksvík ynskti ikki afturval, og í hansara stað varð Eirikur Olsen av Tvøroyri valdur. Formaður í felag­ num er Rólant Poulsen Aðalfundur Vilmund Jacobsen vilmund@sosialurin.fo Felagið Línuskip hevði aðal­fund á Bátasavninum í Leirvík í síðstu viku. Eins og Føroya Skipara-og Navigatørfelag og Føroya Fiski­mannafelag, heldur fe­­lagið Línuskip eisini aðal­­fund millum jól og nýggj­árs, tí tá eru flestu fiskimenn heima. Rólant Poulsen, for­mað­ ur í felagnum, sigur, at fund­urin var væl møttur. Fleiri skip - Síðan ruddað varð upp mill­um bólkarnar við línu­ skipum, hoyra nú tilsamans 26 skip til hendan bólkin, og ofta møta bæði reiðarar og skiparar til fundar, tá ið aðalfundur er. Hann sigur, at áður vóru 19 ella 20 skip í bólkinum, men síðan eru tey skipini komin aftrat, sum vóru í bólki 4. - Skipini, sum komin eru aftrat úr bólki 4, eru eitt nú línuskip, sum eru ”um­gjørdir” útróðrarbátar, t.v.s. at fleiri fiskiloyvir eru løgd saman í tað eina. Nú eru vit soleiðis 26 skip í bólki 3, sum eru línuskip yvir 110 brt. Einir 13-15 mans eru umborð á hvørj­ um av hesum skipum, og soleiðis er hetta vorðin ein stórur skipabólkur við nógvum arbeiðsplássum. Rólant Poulsen sigur, at á aðalfundinum hevur hvørt skip eina atkvøðu, og limaskapurin kostar 5.000 krónur fyri hvørt skipið um árið. Eirikur nýggjur Tveir limir í nevndini í Línu­skipum standa fyri val­ ið annaðhvørt ár og tríggir annaðhvørt ár. Í ár stóðu soleiðis tveir limir fyri vali. Líggjas Johannesen úr Klaksvík ynskti ikki aft­ur­ val, og í hansara stað varð Eirikur Olsen av Tvøroyri valdur. Teir, sum umboða nevnd­ ina í Línuskipum í dag, eru: Rólant Poulsen, Eiði, for­maður, Jóhannes Olsen, Toftir, næstformaður, Tor­ leif Sigurðsson, Klaksvík, kassameistari, Dánjal Jákup Vilhelm, Norðskáli og Eirikur Olsen, Tvøroyri. Á aðalfundinum kom­ andi ár standa Rólant og Jó­hannes fyri vali, og Rólant Poulsen sigur, at tá ætlar hann at leggja frá sær sum formaður. - Eg bjóðaði mær at fara úr nevndini á aðalfundinum næstseinast, tí eg hevði selt skipið, Morgunstjørnuna, men aðalfundurin ynskti tá, at eg helt fram. Men nú verður tað so bara hetta árið aftrat, sigur Rólant Poul­sen. Felagið Línuskip havt aðalfund Meðan fundirnir hjá Føroya Skipara-og Navigatørfelag og Føroya Fiskimannafelag vórðu hildnir í Havn, helt felagið Línuskip aðalfund á Bátasavninum í Leirvík Mynd: Vilmund Jacobsen Føroyskir línumenn: Burtur við norskum línu- skipum á føroyskum øki Føroyskir línumenn vilja hava norsku línubátarnar úr føroyskum sjógvi. Hetta hava limirnir í Línuskipum álagt nevndini at arbeiða við Mynd: Vilmund Jacobsen Línuskipið, Morgun­ stjørnan, hevur skift heimstað og er vorðin ein partur av línuskipaflotanum hjá toftamonnum Eigaraskifti Vilmund Jacobsen vilmund@sosialurin.fo Línuskipið, Morgunstjørnan, sum P/F Múlavík á Eiði hevur átt, hevur aftur skift eigara. Tað vóru Kristian Julius Jacobsen og Rólant Poulsen, sum áttu Morgunstjørnuna, men fyri einum ári síðan seldi Rólant síni partabrøv í felagnum til Kristian Julius, sum síðan einsamallur hevur átt felagið, P/F Múlavík. Toftamenn keypa Nú hevur Kristian so avgjørt at selja toftamonnum við Jó­hannesi Olsen, sum eigur felagið P/F Eysturoy og línuskipini, Eysturoying og Sigmund, felagið Múlavík. Kristian Julius Jacobsen og Rólant Poulsen áttu Morg­ unstjørnuna og Vesturland, sum Thor í Hósvík keypti fyri umleið trimum árum síðan. Nú hevur so Morgun­stjørn­ an eisini skift heimstað og er vorðin ein partur av línu­skipaflotanum hjá tofta­ monnum. Toftamenn hava nú keypt Morgunstjørnuna