mánadagur 2. januar 2006síða 20

20 Nr. 1 - 2. januar 2006 Fyrst kom Kaupthing við sínari ætlan í Føroyum. Nú letur til, at íslendski lands­ bankin ikki ætlar at lata hetta fara aftur við borðinum, og ar­beiðir tí við somu ætlanum Peningastovnar Snorri Brend Tað hevur leingi ligið í luftini, at íslendskir pen­ ingastovnar ætlaðu at vinna sær fótafestið á føroyskari jørð. Hin sonevndi Íslands­sátt­ málin gav grundarlag fyri hesum. Hóast hesin enn ikki er komin heilt í gildi enn, so sæst longu fyrsti gróðurin av hesum. Í farna mánaði kom fram, at íslendski bankin Kaupthing ætlaði at byrja við virksemi í Føroyum. Og honum á baki hevur nú Landsbanki Íslands lagt ætlanir um tað sama. Enn eru øll viðurskifti ikki greið hesum viðvíkj­ andi, og heldur ikki er nøk­ ur tíð­ar­ætlan løgd. Men gongst sum ætlað fer Landsbanki Íslands at lata upp deild í Føroyum í næstum. Tekur tíð Enn er ov tíðliga at siga nakað um, hvat slag av virk­ semi, sum íslendski Lands­ bankin ætlar sær undir í Føroyum. Sum skilst so ætlar Kaupthing sær at satsa uppá vinnu­lívið í Føroyum Í fyrsta umfari er ætlanin ikki at Kaupthing skal veita privatum kundum lán, og ætlanir eru heldur ikki um at stovna deildir kring landið. Kaupthing bankin í Føroyum verður at meta ein deild hjá Kaupthing Banka í Íslandi, og sum hevur deild­ir í 10 londum. Tí er ikki óhugsandi, at Landsbankin ætlar tað sama. Men um teir fara undir veruligt bankavirksemi, við t.d. eini bankadeild fæst eingin at siga nakað um í løtuni. Hinvegin skilst, at bankin hevur fingið fatur á einum umboðsmanni í Føroyum. Hesin umboðsmaðurin er nú í ferð við at leggja lunnar undir virksemið hjá hesum íslendska stórbankanum her á landi. Enn er heldur ikki greitt, hvar Landsbankin fer at lata upp deild í Føroyum. Mest hugsandi er tó, at hetta verður í Havn. Sosialurin hevur verið í samband við viðkomandi umboðsmann, men hann sigur seg onga viðmerking hava í løtuni. Málið tekur ta tíð, sum krevst, er stutta viðmerking hansara. Vit ætlaðu eisini at fáa orðið á ein av stjórunum í Landsbanka Íslands, men hetta eydnaðist ikki í dag, av teirri einfaldu orsøk av bankin var stongdur. Eitt av størstu nøvnunum í donskum tónleiki í løtuni Carpark North koma til Føroyar. Hetta er fyrsta festivalnavnið, ið er alment í tónleikaárinum 2006 TÓNLEIKUR Niels Uni Dam nielsuni@sosialurin.fo Í teldubrævið við nýggj­ ársheilsan til Planet.fo skriv­ ar sangarin Lau: "Vit gleða okkum longu til í summar, tá vit enn einaferð koma til Føroyar, har vit skulu vitja ein av tykkara festivalum." Í heyst spældu Carpark North tvær sera væleyðn- ­­að­ar kon­sertir í Fuglafirði. Fyrra kon­sertin við bólk­ inum var full­komiliga út­seld, og sal­ur­in í Ment­an­ arhúsinum kók­­aði. Tí varð skipað fyri eini eykakons­ ert. Henda gjørdist meira intim, einans 50 áhoyrarar vóru sunnukvøldið, og hetta dugdi bólkurin væl at brúka til at skapa ein annan nærleika. Men nú fáa føroyingar høvi at hoyra bólkin aftur, enn er ikki greitt hvønn festival talan er um, men vit arbeiða við at kanna málið. Í samrøðu við Sosialin aftan á konsertirnar í heyst søgdu limirnir í Car­ park North, at teir vildu sleppa aftur til Føroyar, tí upplivingin hevur verið so jalig. "Det var helt vildt fedt", segði sangarin Lau. Hann greiddi frá, at undan konsertina kendu teir í bólkinum so at siga onki til Føroyar, og høvdu teir tískil onga hóming av, hvussu teir fóru at blíva móttiknir av føroyingum. Men teir vórðu ovfarnir av teimum lívligu áhoyrarunum, sum veruliga góvu teimum eitt minnið fyri lívið. Nú fáa teir hetta høvið. Afenginn ynskir føroyingum gott nýggjár Gott nýggjár til lundarnar, hvalirnar og kóparnar, Kristian, Sharon, Hergeir og G!. Øll undurfull fólk millum Hattarvík og Mykines, Trøllanes og Akraberg. Eitt avslappað og íblástursfylt gott nýggjár, ynskir øll tann bastard-etniska familjan úr Retrograd, Afenginn. Afenginn vitjaðu Føroyar í summar og millum nógv deilig og minnilig minnir, kunnu vit nevna túrin við báti til Fugloynna (við kinakassum og aldum, ein synkopastisk mongd av vøkrum, blíðum og undurfullum fólki, skerpikjøt, grind við brombersós, seyð, The Final Countdown, seyð, bjór, hinu ferð vit sóu ein seyð o.m.a. Afenginn Gleðiligt nýtt ár ynskja Hjálmar Góðu føroyinga takk fyri frálíka móttøku á G! í summar, vónandi síggjast vit aftur næstu ferð. Tað var veruliga stuttligt at vitja tykkum góðu vinir. Vónandi verður komandi ár eydnuberandi og gleðiligt fyri tykkum øll. Hjálmar Íslendski Lansbankin ætlar sær eisini til Føroya Landsbanki Íslands ætlar sær nú at víðka um virksemið við at lata upp deild í Føroyum Carpark North koma aftur til Føroyar