mikudagur 4. januar 2006síða 12

12 Nr. 3 - 4. januar 2006 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Óli Jóhan Samuelsen í Vági andaðist á Suð­ ur­oyar sjúkrahúsi 2. januar, 79 ára gamal. Jarðarferðin verður kunngjørd seinni Hilmar Heinesen, Tórs­ havn, andaðist leygar­ dagin 31. desember, 61 ára gamal. Jarðarferðin verður úr Kirkjugarðskapellinum hósdagin klokkan 13. Beinir Holm, Tvøroyri, andaðist nýggjársaftan, 76 ára gamal. Kistan fer úr kapellinum á Suðuroyar Sjúkrahúsi mikudagin klokkan 18.00. Jarðarferðin verð­ ur úr Tvøroyrar kirkju hós­dagin klokkan 13.00. Andlát og jarðarferðir Dagurin í morgin 5. januar. Símeon. Halgimenni úr Kilikiu í Lítluasia, sum doyði í árinum 459. Fekk navnið Stylites, tá ið hann í 422 fekk sær tilhald á einari 6 alin høgari súlu. Súla eitur stylos á grikskum. Hebráiska navnið Shimon er av somu rót sum navnið Sámuel og merkir lítli Sámal. Hósdagin 5. januar fyllir Leivur Olsen, Hoyvík, 65 ár. Leivur er føddur í Kvívík í 1941 og vaks upp har. Foreldrini høvdu telefonstøðina í Kvívík og har kom, sum vera man, nógv fólk á gátt. Í 1958 leitaði Leivur sær til Havnar á háskúla. Árið eftir fór hann í læru hjá Thomas Dam. Enn í dag minnast mong henda fryntliga lærlingin, og handilslívið skuldi eisini gerast hansara lívsleið. Eftir lokna lærutíð ar­beiddi hann ymsastaðni, til hann fyrst í sjeytiárunum byrjaði sum sjálvstøðugur sølumaður, og Leivur hevur virkað sum slíkur síðani. Sum ferðandi sølumaður í eini 35 ár er Leivur kendur í nærum hvørjum króki í landinum. Leivur giftist við Marnu, fødd Dam, úr Sandavági í 1965. Tey taldust millum teirra, sum bygdu í Hoyvík fyrst í sjeytiárunum, tá Hoy­ víkin enn lá nakað uttan fyri Havnina. Tey eiga synirnar Dagfinn (f.1967) og Theodor Eli (f. 1976). Leivur hevur gingið høgt uppí familjuna og synirnar. Av lyndi er hann hjálpsamur og fryntligur og tolsemi er eitt eyðkenni. Hetta vátta óivað tey, ið kenna hann. Men familjan er altíð komin í fremstu røð, og enn sum áður er hann beinanvegin til reiðar, um okkurt er, ið hann kann vera til hjálpar við. Í dag fegnast hann um abbadøturnar báðar, Torgerð og Elisu. Leivur og Marna ganga høgt upp í hús og urtagarð, og einum nýtist ikki at hyggja so longi at vakra urtagarðinum á Mýrini, fyri at fáa eyguni upp fyri, at her eru fólk, ið ganga upp í at fríðka um, og at nógvir arbeiðstímar liggja aftan fyri vøkru sjónina. Leivur Olsen 65 ár 5. januar 1971 fekk Føroya Fiskimannfelag nýggjan formann. Talan var um Óla Jacobsen, sum nú hevur siti sum formaður í felagnum 35 ár. Hann tók við eftir Erlend Patursson, sum tá hevði sitið sum formaður í 15 ár. Til formansvalið vóru vóru trý valevni: Erlendur Patursson í Havn, Óli Jacobsen í Norðragøtu og Johan Hendrik Joensen í Sumba. Óli var valdur við 500 atkvøðum, Erlendur fekk 464, og Johan Hendrik fekk 56 atkvøður. Tilsamans 1145 fiskimenn greiddu atkvøðu. Kelda: Myndaárbókin - árið ið fór 1971 Óli Jacobsen fiskimanna­ felagsformaður í 35 ár um... ...er lisin -so ert tú við! www.sosialurin.fo veitst tú ikki tað?