mánadagur 9. januar 2006síða 7

Nr. 5 - 6. januar 2006 7 Landsstýrismaðurin í vinnnumálum, Bjarni Djurholm, hevur rúsdrekkamál undir sær, og hann sigur, at tað eru kunngerðir á veg, ið møguliga fara at lætta um tilveruna hjá matstovunum. Rúsdrekkalógin Terji Nielsen terji@sosialurin.fo Bjarni Djurholm sigur, at tá ið tað snýr seg um mál, ið hava við rúsdrekkalógina at gera, krevur tað altíð drúgva politiska viðgerð. Trupult at handfara – Tá ið okkurt mál við­víkj­ andi rúsdrekkalógini ella kunngerðir í hesum sambandi eru fyri politiskt, er tað altíð nógv uppmerksomheit um tað, og hesi mál eru ógvulga trupul at handfara, sigur Bjarni Djurholm. Landsstýrismaðurin greiðir tó frá, at broyting­ar­ uppskot hava verið til hoyr­ ingar, og at svarini upp á hoyringsskrivini eru á veg aftur til vinnumálaráðið. Bjarni Djurholm sigur seg vænta, at málið liggur á hansara borði aftur um ein mánað ella so, og síðani verður tað lagt fram á landsstýrisfundi. – Hetta er eitt ótrúliga trupult mál, men nakrar av teimum broytingum, sum eru væntandi, eru eitt nú, at tað fer at verða gjørligt hjá eitt nú matstovum at keypa upp á borg, og eisini kann væntast, at stórir kundar fara at fáa mongdaravsláttur í Rús­drekkasøluni, sigur Bjarni Djurholm. Sambært landsstýris­mann­ inum er ein trupulleiki á økinum, at ásetingarnar fyri virkseminum hjá Rús­ drekkasøluni eru ógvuliga mótstríðandi. Hann nevnir sum dømi, at stovnurin skal hava eitt ávíst yvir­ skot, samstundis sum hann skal verða við til at tálma rúsdrekkanýtsluna í Føroyum. Bjarni Djurholm, landsstýrismaður: – Arbeitt verður við broytingum Bjarni Djurholm, landsstýrismaður í vinnumálum, sigur, at broytingar eru væntandi, ið hava við sær, at matstovur kunnu keypa upp á borg og fáa mongdaravsláttur í Rúsdrekkasøluni. savnsmynd Vág­ bingar fáa nummar Vágur: Næstu dagarnir fáa øll hús í Vági sendandi eitt nummar at seta á húsini. Hetta verður gjørt, nú adressuskráin – gøtunøvnini – fyri Vágs kommunu eru góðkend Í skrivinum verður upplýst gøtunavn og gøtunummar. Gøtunumrini, ið setast skulu á húsini, verða latin ókeypis, og fólk kunnu, um áhugi er fyri tí, fáa hjálp til at seta tey á húsini. Eitt kortablað verður eisini sent við, har fólk verða biðin um at skráseta, hvar á matriklinum vatnleiðing, elkaðal, telefonkaðal,kloakkir, rottangi v.m. eru, og síðani senda upplýsingarnar til kommununa. - Eisini er ætlanin at fara undir at skráseta staðarnøvnini (býlinganøvnini) í Vágs kommunu, soleiðis at hesi kunnu verða varðveitt til eftirtíðina, sigur Vágs Býráð í tíðindaskrivi. Í gjár var eitt Boeing 737 flogfar hjá Sterling á vitjan í Vágum. Talan er um eitt av gomlu flogførunum hjá Maersk Air, ið fylgdi við, tá ið Maersk Air og Sterling løgdu saman, og flogfarið hevur mangan áður vitjað í Vágum. Flogfarið, OY-API, hevur framvegis gomlu Maersk litirnar, men Sterling stendur á síðuni á tí, sum tað eisini sæst á myndini. Flogfarið, ið er av slagnum Boeing 737-500, kom úr Aalborg, og tað var danska verjan, ið hevði leigað flogfarið í sambandi við manningarskifti á einum av verjuskipunum. tn Á Hotel Vágum hava tey nú gjørt av, at tað ikki longur skal verða loyvt at roykja á matstovuni á gistingarhúsinum. Roykibann Terji Nielsen terji@sosialurin.fo Teir gestir, sum mánadagin leita sær á matstovuna á Hotel Vágum, noyðast at gera sær greitt, at skulu tey festa sær í eftir eina betri máltíð, verður neyðugt at fara út úr matstovuni at gera hetta. Fólk spurt eftir royki­ banni Kári Hentze, stjóri á Hotel Vágum, sigur, at seinnu árini eru fólk blivin alsamt meiri tilvitað um roykibann á almennum støðum, og alsamt færri hava roykt á matstovuni. – Fólk hugsa meiri og meiri um roykingina, og tað eru øgiliga fá, sum í dag roykja á matstovuni. Í útlandinum er tað vanligt, at tað ikki er loyvt at roykja á matstovum, og hetta sæst eisini aftur her, tí eingir útlendingar roykja á matstovuni, sigur Kári Hentze. Stjórin á Hotel Vágum sigur, at seinastu tíðina hava fleiri fólk spurt eftir, um gistingarhúsið fór at seta fullkomið roykiforboð á matstovuni, og nú verður hetta so gjørt. – Eg vænti ikki, at hetta verður nakar trupulleiki, tí flestu fólk fara sum er út at roykja. Um til dømis skeið er á gistingarhúsinum, so fara skeiðluttakararnir út at roykja í steðgunum. Eingin setur seg á matstovuna at roykja, greiðir Kári Hentze frá. Gamal kenningur vitjaði Tað líkist sær sjálvum, gamla flogfarið hjá Maersk Air, sum nú hoyrir undir Sterling. Flogfarið var á vitjan í Vágum í gjár í sambandi við manningarskifti á einum av donsku verjuskipunum. Mynd: www.floghavn.fo Roykibann á matstovuni Frá mánadegnum av fer tað ikki longur at verða loyvt at roykja á matstovuni á Hotel Vágum