mánadagur 9. januar 2006síða 22

22 Nr. 6 - 9. januar 2006 Leingi argaðu koll­ firðingar, men tá Ingi Olsen varð sendur á vøllin, fekk VÍF vent dystinum til egnan fyrimun Hondbóltur Jákup Mørk Tað er nærum eitt ár síðani, at VÍF í steypafinaluni fekk eitt álvarsligt skot fyri bógvin. Slitið í økslini hevði leingi argað Inga Olsen, men bert fáar minuttir inni í steypafinaluni, var nóg mikið. Ingi noyddist av vøllinum, og eftirfylgjandi varð hann lagdur undir drúgva skurðviðgerð. KÍF argaði Tey flestu mundu tá halda, at hetta samstundis markeraði endan á aktiva leiklutinum, sum Ingi hevur havt í før­ oyskum hondbólti seinastu 20 árini. 20 ár, har VÍF støðugt hevur verið partur av føroyska oddinum, og - aloftast - við Inga Olsen í einum sentralum leikluti. Seinasta dystin í grund­ spæl­inum var Ingi tó aftur partur av VÍF-liðnum, tá VÍF spældi móti Neistanum. Tað ferðina var leikluturin kanska ikki so eyðsýndur, men tað var hann, tá VÍF leygardagin vitjaði hjá KÍF. Fyri steðgin vildi nevnliga lítið og einki bera til hjá VÍF. KÍF hevur ofta argað grannarnar fyri norðan, og soleiðis tóktist eisini vera hesaferð. Hóast spælið ikki var flótandi, so stríddust und­ ir­tippaðu heimamenninir væl, og frustratiónirnar hjá VÍF gjørdust spakuliga alt sjónligari. Hetta broyttist tó, tá Ingi Olsen varð sendur á vøllin. Enn er dystarvenjingin kanska ikki so góð, sum hon hevur verið. Men eyga fyri spælinum og evni at stýra hevur hann enn sum fáur. Og hessir eginleikar vóru týdningarmesta orsøkin til, at VÍF fekk koppað dystinum til egnan fyrimun. Sjampanjuhondbólt gjørd­ ist talan kanska ikki um. Men teir fingu stigini, sum skuldu til, og enn eru teir partur av bólkinum, sum eltir annan av finalusessunum í Atlantic Airways-kappingini. Leingi hevði Neistin eitt sera gott tak á StÍF, men seinastu 20 minuttirnar prógvaðu favorittarnir sítt virði Hondbóltur Jákup Mørk Einasti dysturin, sum Neist­in hevur vunnið hetta kappingarárið, var í fyrsta umfarinum av grund­ spælinum, tá StÍF vitjaði. Sunnudagin var um reppið, at bláu menninir endurtóku tann sigurin, tá StÍF vitjaði. Strandingar vóru nak­að skerdir, nú Leivur Just­in­us­ sen ikki fekk spælt, og leingi tóktist heimaliðið at hava ein heilt greiðan fyrimun av hesum. Neistin byrjaði dystin væl, og tað gjørdi ikki støðuna verri, at Marian Cirloganescu miðskeiðis í fyrra hálvleiki fekk reytt kort. Hetta tá hann leyp út eftir púra blanka Trónda Kragesteen, sum var í kontra-álopi. Eitt skifti eftir hetta tókt­ist eisini, sum skuldi Neistin veruliga renna frá StÍF. Teir vunnu seg upp á 10-5, men seinastu løtuna undan steðginum fingu strandingar tó aftur fatur á rætta endanum. Og eftir steðgin kom so av álvara ferð á vanliga ferð­miklu strandingarnar. Eina løtu megnaði Neistin at fylgja teimum, men um miðjan hálvleikin skrædnaði av álvara. Úr 17-14 broyttist støðan til 19-24, og so vóru týdningarmiklu stigini mest sum vís. At Neistin seinastu løtuna minkaði um munin, mundin bila minni í so máta. Strandingar eru framvegis bert tvey stig aftan fyri odda­ liðið. Og megna teir aftur at vinna næsta vikuskifti, tá teir spæla móti KÍF, fer tað at síggja so heilt hampuligt út hjá teimum. - Eg segði ongantíð, at eg fór at gevast. Men eg segði, at eg fór at umhugsa støðuna, sigur Ingi Olsen, sum nú aftur er partur av besta mansliðnum hjá VÍF Hondbóltur Jákup Mørk Tá tú sum 37 ára gamal fær ein somikið álvarsligan skaða, at skurðviðgerð og langur steðgur er neyðugt, munnu tey flestu hugsa, at hetta var tað. Í øllum førum, um talan er um ítróttarfólk í fremstu røð. Men Ingi Olsen er kanska ikki sum tey flestu. Í øllum førum er hann nú aftur at síggja á besta mansliðnum hjá VÍF, og leygardagin enntá í avgerandi leikluti. Sjálvur leggur hann tó dent á, at hann ongantíð staðfesti, at hann fór at gevast, tá hann í vár varð lagdur undir skurð. – Talan var sjálvandi um álvarsligan skaða. Og eg umhugsaði sjálvur støðuna væl og virðiliga. – Mær dámar tó somikið væl, at spæla hondbólt. Og eg kenni eisini meg sjálvan somið, at ongantíð vildi melda út, at eg fór at gevast, sigur hann. Síðani á summarmála, tá armurin slapp úr fatli, hevur talan so verið um strævna uppvenjing. Og hóast armurin enn ikki hevur somu styrkina, so heldur hann, at hann nú væl er førur fyri at spæla. – Eg veit ikki, um armurin nakran tíð endurvinnur fullu styrkina, men tað kann eg liva fyriuttan. Tað týdningarmesta er, at eg kenni meg ikki í størri vanda enn allir aðrir spælarar. Eg eri ikki bangin fyri, at sami skaðin aftur skal gera um seg, um eg eitt nú verið taklaður, so í so máta eri eg klárur, sigur spælarin, sum ikki so mikið sum spældi ein dyst við sonevnda old- boys liðnum hjá VÍF. Tað vil siga liðnum, har flestu av eldru liðfeløgunum hjá Inga í dag hugna sær við hondbóltinum. – Eg spældi eitt lít­ið sindur við móti Neist­ an­um seinasta dystin í grundspælinum. Og so spældi eg aftur hetta vikuskiftið. Undir venj­ing­ ini hevur málið alla tíðina verið, at eg skuldi koma fyri meg aftur kropsliga. Tað hevur tíbetur eydnast, og beint nú eri eg bara fegin um aftur at vera ein partur av liðnum, sigur Ingi Olsen at enda. Vildi spæla aftur Síðani 14. apríl hevur talan verið um uppvenjing hjá Inga Olsen. Nú er hann við aftur, og tað munnu bæði Ingi sjálvur og vestmenningar sum heild vera fegnir um Mynd: Álvur Haraldsen Neistin-StÍF 24-26 (11-9): Neistin kløkkaði strandingar Tróndur Kragesteen var í nógvum førum ein stór hóttan móti StÍF. Men í longdini var hetta tó ikki nóg mikið hjá Neistanum, sum tó s‡ndi framstig í spælinum Mynd: Álvur Haraldsen Neistin-StÍF 24-26 (11-9) Málskjúttar Neistin: Blagoje Buha 10(1), Tróndur Kragesteen 5, Birgir Poulsen 4, Karl Oddmar Rasmussen 2, Dann Thorleifsson 1, Roar Dalsgarð 1, Kári Horn 1 StÍF: Alexandur Johansen 8(6), Artur Johansen 5, Bent Djurhuus 3, Borgar Danielsen 3, Bárður Danielsen 2, Jørmund Joensen 2 Brotskøst: Neistin 1, StÍF 9 Útvísingar: Neistin 6, StÍF 2 Diskvalifikatión: StÍF 1 (Beinleiðis reytt) Dómarar: Kristian Johansen & Sámal Paulason FAKTA UM DYSTIN KÍF-VÍF 24-27 (11-10): Ingi vendi dystinum Leingi høvdu vestmenn­ing­ arnir tað sera strævið, men at enda fingu teir kortini knógvað kollfirðingunum Mynd: Álvur Haraldsen KÍF-VÍF 24-27 (11-10): Málskjúttar KÍF: Rógvi Weyhe 5, Petur Martin Poulsen 5, Arnbjørn Hansen 5(2), Sune Davidsen 4, Gert Hansen 3, Mirco Milenkvic 1, Karl Jóhan Dhurhuus 1 VÍF: Sámal Joensen 9, Áki G. Olsen 6, John Zachariassen 5, Sjúrður Poulsen 3, Agnar Joensen 2, Harald Bjørgvin 1, Ingi Olsen 1 Brotskøst: KÍF 2, VÍF 2 Útvísingar: KÍF 5, VÍF 4 Diskvalifikatión: VÍF 1 (Beinleiðis reytt) Dómarar: Kristian Joensen & Karstin Joensen FAKTA UM DYSTIN