týsdagur 10. januar 2006síða 6

6 Nr. 7 - 10. januar 2006 Stjórin í Rúsuni: Matstovurnar avgera sjálvar, hvat tær hava á vínkortinum Elsa Maria Holm Olsen, stjóri á Rús­ drekkasøluni, sigur seg ikki vera samda í øllum kritikkinum, sum Leif Sørensen og Johannes Jensen bóru fram í Sosialinum fríggjakvøldið, har teir m.a. fýltust á úrvalið. Hon sigur, at teir kunnu fáa so at siga alt, teir ynskja til teirra matstovur RÚSDREKKAMÀL Theodor E. D. Olsen theodor@sosialurin.fo   Í samrøðu við Sosialin í viku­skiftisblaðnum fýltust Leif Sørensen og Johannes Jensen, sum reka ávikavist Gourmet og Hotel Tórshavn og Hotel Føroyar, á føroysku rúsdrekkalógina. Umframt at finnast at prís­leguni í Rúsdrekkasølu Landsins, søgdu teir seg eis­ ini vera ónøgdar við úr­val­ ið. – Við tí úrvali, sum Rúsan hevur at bjóða fólki, lærir tú fólk at drekka mongdarvín heldur enn góðskuvín. Eg tími ikki at koyra góðskuna hjá mær niður, men tað eri eg noyddur til við tí úrvali, sum er av víni, segði Leif Sørensen millum annað, og Johannes Jensen samanbar úrvalið á hvítvíni við eina “kiosk í Jútlandi”. Opin fyri kritikki Elsa Maria Holm Olsen er stjóri á Rúsuni, og hon sigur, at tey eru opin fyri kritikki, men at hon ikki skilir júst handan kritikkin, tí úrvalið hjá Rúsuni er ikki bert tað, sum stendur á hillunum. – Vit hava skyldu at veita kundanum ta vøru, hann ella hon ynskir. Tað er bert at koma við ynskinum, so bíleggur Rúsdrekkasølan vør­una og kundin fær tað, hann ella hon vil hava. So­leiðis er eisini við mat­ stov­unum. Matstovurnar keypa vanliga ikki ta vøru, sum Rúsdrekkasølan hev­ ur standandi á hillunum Mat­stovurnar hava sum oft­ ast serlig ynski til øðrvísi vøru, og so bíleggur Rús­ drekkasølan hesa vøru til matstovurnar. Sostatt hava matstovurnar júst tað, tey vilja hava á vínkortinum, sig­ ur Elsa Maria Holm Olsen. Prísirnir politiskt ásettir Í vikuskiftisblaðnum fýltist Johannes Jensen eisini á, at eingin seljari frá Rúsini hevur verið hjá teimum tey seinastu 4 árini. Til hetta sigur nýsetti stjór­­in, at endamálið hjá Rús­­uni er at tálma nýtsluni, og tí hevur praksis higartil verið, at tey ikki fara út til viðskiftafólk at selja og har­ við beinleiðis ávirka søluna, men at tað gera leverandørar harafturímóti av sínum ein­ tingum, tá teir vitja í Før­ oyum. Leverandørarnir bjóða eisini matstovunum að­rar vørur, sum Rús­ drekka­­sølan hevur valt ikki at hava á hillunum. Um eitt­ hvørt er, sum hotellini og matstovurna ynskja broytt, eru tey vælkomin at seta seg í samband við Rús­drekka­ søluna. Stjórin leggur dent á, at tey eru til fyri kundarnar, men at prísirnar fáa tey ikki gjørt so nógv við, tí har hava tey lógarkarmar, sum eru politiskt ásettir. Hinvegin metir hon ikki, at matstovurnar hava nakran trupulleika, tá talan er um úrval, av tí tað ber til at bí­leggja so at siga alt rús­ drekka í heiminum heim til Før­oya gjøgnum rús­una. Tó eru avmarkandi áset­ing­ inar, tá tað kemur til øl og brennivín. Ølið má ikki vera sterkari enn 5,8 % og skal vera í íløtum, sum skulu end­ur­fyllast við upprunaliga innihaldinum og brennivíni, sum ikki má vera sterkari enn 60 %. Spurd um hetta ikki inni­ ber, at keyparin noyðist at bíleggja í stórum nøgdum, sigur Elsa Maria Holm Ol­sen, at tað nýtist ikki at vera so. Tað ber til at bí­leggja eitt slag av víni, og so fáa hetta heim við í einum vínkassa við 6 fløskum. At bíleggja ein vínkassa við 6 fløskum eigur ikki at vera nakar trupulleiki hjá einari matstovu. - Fólk kunnu fáa øll sløg, tey vilja hava, tí vit kunnu útvega so at siga alt, sigur Elsa Maria Holm Olsen. Eyka útreiðslur, kunnu tó standast av vørum, sum eru serliga torførar at fáa fatur á. Í 2004 vóru 470 rúsdrekkasløg í fasta vøruúrvalinum (príslistanum), og Rúsdrekkasølan útvegaði harum­ framt umleið 300 aðrar vørur eftir serligum ynski. Tað vóru serstakliga skeinkistøð og matstovur, ið gjørdu nýtslu av hesi tænastu. Í 2005 var fasta vøruúrvalið økt til næstan 500. Søla av vørum á príslista var í 2004 72 mill.kr. ella 69% av allari søluni og vørur, sum ikki eru á príslista 33 mill.kr. ella 31% av søluni. Fyri 2003 var lutfallið fyri vørur á príslista 65 mill.kr. ella 60% av søluni og vørur sum ikki vóru á príslista 44 mill.kr. ella 40% av søluni. Nýggjari hagtøl um úrvalið: 247 sløg av víni 35 sløg av heitvíni 132 sløg av brennivíni 19 sløg av øli íalt 490 sløg   Um ein fløska av víni kostar 100 krónur í Rúsuni, er býtið hetta: Innkeypsprísur: 40 krónur Frakt: 2 krónur Tollur: 18 krónur Mvg: 19, 50 krónur Pant: 2,50 krónur Vinningur: 18 krónur Árliga sølan hjá Rúsdrekkasøluni er uml. 100.000.000,00 kr. Út yvir toll og MVG letur Rúsdrekkasøla Landsins eitt árligt avlop til Landskassan. Í 2006 er avlopið ásett at vera: kr 11.848.000 FAKTA Bill Justinussen heitti í gjár á fútan um reisa ákæru ímóti Ole Wich, men er ov tíðliga at siga, um fútin ger nakað við málið frítt orðaskifti Theodor E. D. Olsen theodor@sosialurin.fo Í lesarabrævi í gjár heitti Bill Justinussen, løgtingsmaður fyri Miðflokkin, á fútan um at reisa ákæru ímóti Ole Wich fyri tað, sum í hansara verð minti um landasvik. Orsøkin til hetta vóru myndir á heimasíðuni hjá Ole Wich, har hann tvinnar Merkið saman við tekstum sum t.d. “homoFObia”. Sostatt hevur Bill Just­inus­ sen ikki meldað Ole Wich beinleiðis til løgregluna, men í rættargangslógini § 742 stk. 2, stendur skrivað: “Politiet iværksætter efter an­meldelse eller af egen drift efterforskning, når der er rimelig formodning om, at et strafbart forhold, som forfølges af det offentlige, er begået”. Sostatt kann ákæruvaldið fara inn í málið og ákæra listamannin. Ella við sum Finnn Ougaard sjálvur orðaði seg við viðtali við Sosialin í morgun, so fylgir ákæruvaldið sjálvandi tí sum hendir í samfelagnum, og tí kann tað vera nóg mikið at heita á fútan í bløðunum um at reisa ákæru ímóti ein­ um persóni. Varafútin upplýsir tó, at enn er alt ov tíðliga at siga, um ákæra verður reist ímóti Ole Wich. Mikið kjak hevur stungið seg upp av myndunum hjá Ole Wich, og hevur hetta ivaleyst eisini verið enda­ málið hjá honum, tí sum hann sjálvur segði í samrøðu við Sosialin í gjár, var eitt aðalmálunum við myndunum at fáa fólk at hugsa og taka støðu til málið samkynd og avgerðina hjá løgtinginum um ikki at flokka kynsliga orientering millum rasu, etn­ iskan uppruna ella átrúnað í revsilógini. Bill Justinussen er tó ikki tann fyrsti sum meldar í hes­um máli. Stutt fyri jól var tónleikabólkurin 200 á løgreglustøðini í Havn og meldaði hvalvíkarprest fyri eitt lesarabræv, men tað málið bleiv víst aftur av fútanum. Í blaðnum í gjár róði Bill Justinussen fram undir, at hansara fráboðan til løgregluna var eitt aftursvar til meldingina hjá 200. Elsa Maria Holm Olsen, stjóri í Rúsuni, skilir ikki kritikkin frá matstovueigarum Fútin ikki tikið støðu til Ole Wich Enn er ov tíðlig at siga nakað um, hvørt ákæra verður reist móti Ole Wich, sigur varafútin Mynd: Álvur Haraldsen