mikudagur 11. januar 2006síða 21

7 Fløgur Rókur Jákupsson Jakobsen rokur@sosialurin.fo Tutl fløgur eru væl um­boðaðar í tilnevningini um at gerast árs­ins fløga.Talan er um blandaðan tón­ leik, men felags fyri tær allar er, at Plátufelagið Tutl hevur útgivið all­ar tilnevndu fløgurnar uttan tí eini. Tann eina, sum Tutl ikki hev­ur útgivið, er fløgan “Førist” hjá Páll Finnur Páll. Planet setti seg í samband við skrivaran í Tutl­nevndini fyri at fregnast um, júst hví Tutl er so væl umboðað í til­nevningini. “Tað hevur gingið sera væl hjá Tutl í ár”, sigur Knút H. Eyst­ur­ stein, sum hevur verið skrivari í Tutl­nevndini í tvey ár. Afturat hon­um eru Sólarn Solmunde og Ólav­ur Olsen í nevndini. Hann for­telur okkum, at Tutl dominerar út­gávumarknaðin í Føroyum í løtuni, og sostatt er nógvur tónleikur at taka av í úrvalinum hjá Tutl. Men or­søkin til at tað hevur ligið so væl fyri man vera tann, at tað eru góð­ir bólkar sum velja at koma til Tutl, og bólkarnir tykjast at vera fegn­ir um samarbeiði. Tutl stuðlar føroyskum tónleiki Spurdur um hví bólkar velja at geva tónleikin út umvegis Tutl, met­ir Knút, at Tutl bjóðar bólkunum holla vitan og hjálp. “Tá ið bólkar velja at geva tónleik út ígjøgnum okk­um (Tutl, blðm.), vita teir at vit hjálpa teimum við nógvum við­urskiftum. Vit hjálpa teimum fíggj­arliga við at framleiða og út­geva tónleikin. Men tað sum kanska ger Tutl til nakað serligt fyri bólkarnar er, at teir koma á okk­ara katalog sum útlendingar hava at­gongd til. Vit selja tónleikin í sølubúðum, men sanniliga eisini á netinum, og hetta er helst ser­ liga spennandi fyri tónleikarar sum vilja marknaðarføra seg í út­landinum. At tónleikurin verður seldur um­vegis heimasíðuna www.tutl.com, gev­ur útgávuni veldugar møguleikar at gera vart við seg aðrastaðni enn her í Føroyum. Men hetta gerst al­samt meiri vanligt í útheiminum, og sjálvandi vil Tutl ikki verða eft­irbátur hvat tí viðvíkur. Øll hendan hjálpin byggir á tí ásann­an, at tað er tungt og hart at útgeva tónleik, um man sjálv/ur skal hanga uppá tað heila. Sostatt geva vit tónleikarunum eina hjál­ pandi hond, og teir geva okkum tað sum vit liva av – tónleikin. Knút vísur eisini á, at Tutl ikki velur og vrakar útgávur. Øll sleppa framat hjá Tutl, tí hetta er eitt plátufelag sum stuðlar øllum tón­leiki. Botnstøði hækkar Fløgurnar sum eru tilnevndar í strembanini eftir at gerast árs­ins fløga, eru mestsum nútímans tón­leik­ ur. Um nakað undantak er, so er tað “Dámliga gøtan” hjá Tveimum av Kam­arinum”. Men tað er ein ásannan, at fløgan “Alt” hjá Kim Hansen ikki er at finna millum hesar fløgur, hó­ast hon er tann mest selda fløgan í 2005. Hví man tað vera, spyrji eg Knút. “Tað er ilt at meta um, men tað eru dómsnevndir sum avgera slíkt. So man kann ikki siga, at tað endi­liga er samanhangur millum kvan­ ti­tet og kvalitet, tí tað eru fólk sum hava skil fyri tónleiki, sum meta um dygdina”, sigur Knút. “Men vit kunnu staðfesta, at støð­ið á tónleikinum, sum kemur út í Føroyum, er hækkandi. Vit leggja merki til, at tónleikarirnir kykla meiri um tónleikin nú enn teir gjørdu áður, og hetta sæst aftur í kvali­tetinum í útgávunum. Ljóðið er gott og tónleikurin er væl spældur. Tað merkir í síðsta enda, at tað gong­ur rætta vegin í føroyska tón­ leiki­num”, vísur ein avgjørdur Knút H. Eysturstein á. 2006? Tutl hevur sum sagt verið sera virk­ið í 2005, men hetta merkir als ikki, at 2006 verður minnið spenn­ andi. “Risastova” við Yggdrasil er júst útkomin, og aðrar spennandi verk­ætlanir eru á gáttuni. Ein før­ oysk­ur rappari, sum er búsitandi í Kan­ada fer at geva eina fløgu út um­vegis Tutl, og afturat tí koma Gest­ir og Marius út við hvør sínari fløgu. At enda spyrji eg Knút, hvørja før­oyska fløgu honum dámdi best í 2005. “Tað má helst verða “Viva La Repulica” hjá 200”, sigur hann. “Hon var eitt veruligt wake up call hjá okkum øllum. Vit fingu eitt spark í reyvina frá 200, og tað vóru ikki bara vit, sum dáma tón­leikin hjá teimum, sum merktu tað. Fløgan er sera væl spæld, og ljóð­ið er í topp, so vit koma ikki utt­an um, at hetta var ein hin besta føroyska fløgan í nógv, nógv ár”, sigur Knút Háberg Eysturstein at enda. Tutl tutlar víðari! Tað er onki at dylja yvir, at 2005 var eitt framúr ár hjá plátufelagnum Tutl. Í hesum døgum royna bæði Dimmalætting og Sosialurin at gera upp, hvørjar fløgur vóru bestar í árinum. Og tað tykist sum um tað er rættiliga breið semja um, at fløgurnar Viva la Repulica, Koma, A Place to stand on, Dámliga gøtan og Morning Dew eru millum tær bestu. Felags fyri hesar fløgur er, at tað er Tutl sum stendur fyri útgávuni