týsdagur 17. januar 2006síða 6

6 Nr. 12 - 17. januar 2006 Tað er nú greitt, at stríðsval verður um formanssessin í Starvs­manna­ felagnum Formansval Áki Bertholdsen aki@sosialurin.fo Fyri fyrstu ferð í mong ár er tað nú greitt, at tað verður stríðsval um formanssessin í Starvsmannafelagnum. Starvsmananfelagið hev­ur aðalfund 4. mars og freistin at stilla valevni upp til formansvalið var úti sunnu­ dagin. Og nú er greitt, at tað verða tvey valevni til for­ mans­valið. Gunnleivur Dalsgarð, sum er formaður, hevur bjóðað seg fram at taka eitt tørn afturat. Men samstundis hevur Heini Joensen eisini stillað upp til formansvalið Gunnleivur Dalsgarð hev­ ur verið formaður í Starvs­ mannafelagnum síðani 1997, tá ið hann tók yvir eftir Jákup Danielsen, sum tók seg aftur. Síðani hevur Gunnleivur verið afturvaldur og hetta verður fyrstu ferð, at hann fær mótvalevni. Heini Joensen hevur ar­beitt hjá Skógrøkt landsins, men tí starvinum fór hann úr 1. januar og fór ístaðin í tíðaravmarkað starv hjá Starvsmannafelagnum til 1. mars 2006. Hann var annars næst­ for­maður í Starvs­manna­ felagnum, men eftir lógum felagsins, kann starvsfólk hjá fel­agnum ikki samstundis verða nevndarlimur, og tí er hann nú farin frá sum næstformaður Ístaðin fyri hann kom eykalimurin, Niels Petersen í nevndina. Samstundis tók Selma Ellingsgaard við sum næstformaður fram til aðalfundin. Hini í nevndini í Starvs­ mannafelagnum eru John Kjær og Eimi Fossdalsá. Umstrídda leiðara­ starvið á frítíðar­ skúlanum á Tvøroyri endar nú í rættinum Leiðarastarv Áki Bertholdsen aki@sosialurin.fo Tvøroyrar býráð noyðist nú í rættin at verja sína støðu í nógv umstrídda mál­inum um leiðarastarvið á frítíðarskúlanum á Tvør­ oyri. Tað er Pedagogfelagið sum nú hevur stevnt Tvør­ oyr­ar Býráð í málinum. Tað er nakað síðani at av­gerð varð tikin um at stevna Tvøroyrar Býráð, men nú er so stevningin send. Tað, sum Pedagogfelagið krevur, er endurgjald til tann umsøkjaran, sum ikki fekk leiðarastarvið á frítíðarkúlanum. – Í hesum førum hendi tað, at einasti umsøkjari, sum leyk formligu krøvini í starvslýsingini varð settur til viks og tað krevja vit endurgjald fyri, sigur Jarvin Feilberg Hansen, formaður í Pedagogfelagnum. Kortini er ongin endur­ gjalds­upphædd nevnd í stevn­ingini so tað verður nakað, sum rætturin verður at taka støðu til. Málið um leiðaran á Frítíðarskúlanum á Tvøroyri var rættiliga umstrídd og tað endaði heilt hjá Løgtingsins umboðsmanni. Tað byrjaði tá ið leiðarin á Frítíðarskúlanum summarið 2004 fór í farloyvi í eitt ár. Í tí sambandi søkti bý­ ráðið eftir pedagogi til fyri­ bilsleiðari. Ein peda­gog­ur og ein lærari søktu og tað end­aði við, at lærarin varð settur. Hetta vildi Pedagogfelag­ ið ikki góðtaka, tí eftir lóg­ini skal leiðarin á frí­tíð­ arskúlanum verða peda­gog­ ur. Fe­lagið hótti eisini við at niðurleggja arbeiðið á frí­ tíðarskúlanum. Hinvegin tvíhelt býráðið um, at læraraútbúgvingin í hesum føri kundi javntstill­ ast við pedagogin og at lærarin var betri egnaður til starvið. AFTUR OG FRAM Síðani ferðaðist málið aftur og fram ímillum bý­ráðið á Tvøroyri, Pedagogfelagið, Almanna- og heilsumálaráðið og sak­ førarar hjá pørtunum. Tað endaði við, at Tvør­ oyrar býráð noyddist at ógild­að starvssetanina av læraranum sum leiðara fyri frítíðarskúlan og at lýsa starvið leyst av nýggjum. Men til starvið varð sett av nýggjum, varð sami lærari settur sum fyribils leiðari. Tað endaði so við, málið varð lagt fyri Løgtings­ins um­boðsmann. Hann metti, at máls­ viðgerðin var so óforsvarlig, at hann kundi ikki annað enn geva kommununi eina sera álvarsliga átalu fyri hand­faringina av hesum mál­inum. Viðmerkingarnar og niðurstøðan frá umboðs­ mann­inum verða lagdar við stevningini. Tað er nú greitt, at Jarvin Feilberg Hansen verður sitandi sum formaður í Pedagog­felagnum í tvey ár afturat Formansval Áki Bertholdsen aki@sosialurin.fo Ovasta leiðsan í Peda­gog­ felagnum verður óbroytt næstu tvey árini. Tað er greitt, nú freist­in at stilla valevni upp til for­ mansvalevni á kom­andi aðal­ fundi var úti sunnu­kvøldið. Pedagogfelagið hevur aðal­­fund á Hotel Føroyum 18. februar og nú freistin at stilla valevni upp til for­ mansvalið, er úti, er bara eitt valevnið á listanum og tað er formaðurin, Jarvin Feilberg Hansen. Hann kemur sostatt at halda fram sum formaður. Annars standa eisini tveir aðrir nevndarlimir fyri vali. Talan er um Maud Wang Hansen og Leila Petersen og tær stilla báðar uppaftur. Hini í nevndini eru Jógvan Philbrow og Rógvi Fossádal. Valskeiðið í peda­gog­ felagnum er tvey ár. Gunnleivur fær kapping Tvøroyrar Býráð stevnt Nógv umstrídda málið um leiðaran á frítíðarskúlanum á Tvøroyri endar nú í rættinum, har endurgjald verður kravt til tann umsøkjaran, sum varð vrakaður Hesuferð fær Gunnleivur Dalsgarð kapping um formanssessin í Starvsmannafelagnum Jarvin verður sitandi Jarvin Feilberg Hansen verður framhaldandi formaður í Pedagogfelagnum, tí ongin annar boðar seg fram