mikudagur 18. januar 2006síða 15

Nr. 13 - 18. januar 2006 15 Ein av bestu donsku troubadurunum Sebastian kemur í mars til Føroyar at spæla konsert í Norðurlanda­hús­ inum. Á pallinum verður bara Seba­ stian, ein mikrofon, ein gittari og ein lagaskattur, sum er vorðin ein stórur partur av sjálvari donsku fólkasálini Niels Uni Dam nielsuni@sosialurin.fo Eftir at Sebastian í 10 ár ikki hevði verið á palli sum einstaklingur, fór hann í 2003 aftur á eina konsertferð, ið gjørdist ein brakandi success. Tá konsertferðin almnet var av, var eftirspurningurin enn størri enn áðrenn hon byrjaði, tí hevur hann higartil spælt 42 útseldar konsertir sum einstaklingur. Nú kemur konsertferðin til Føroyar. Allastaðni hann hevur spælt, eru áhoyr­arar streymaðir til fyri uppliva kanska tann besta trubadurin, ið danir nakrantíð hava havt. Hann er einsamallur maður á pallinum við gittara og sang­um, ið hann hevur skrivað seinastu 30 árini. Konsertin í Odense varð tikin upp og er at fáa á fløgu og DVD. Lagaskattur Seinastu 30 árini hevur Seba­stian givið út fleiri enn 30 útgávur, so lagaskatturin er stórur, millum nútímans klassikararnar eru løg sum Når lyset bryder frem, Rose, Vårvise, Du er ikke alene, Romeo, Måske ku’ vi, Sangen om Langfart, Sørøver Jenny, Ostesangen, Sommerfuglen og Den lille malkeko, Hodja fra Pjotr og sjálvandi tónleikurin úr Ronju Ránsmannadóttir. Sebastian var í Føroyum í sambandi við bæði venj­ ingarnar og fram­førsl­ una av Ronju í Norð­ur­ landahúsinum. Nógv mentur Ummælini av konsert­ ferð­ini vóru sera góð. Um­mælararnir hildu hann vera búnaðan nógv av tí langa steðginumHann var mentur undirhaldari á sín egna serstaka hátt við sjálvironi og eini rúgvu av hita. Lens Kryger í Fyns Stiftidende skrivaði t.d. um evnini hjá Sebastian at fáast við kenslur: „ Strofer, der genkalder lyde, dufte og følelser og konfronterer én med minder, man troede længst var glemt ... Det kræver en poet af en ganske særlig kaliber at turde være romantisk, skrøbelig, ja næsten pinagtig inderlig - vel at mærke uden at det bliver tæerkrummende. Og sådan en poet er Sebastian - måske den bedste vi har.”. Nógv virdur Sebastian starvast annars í gerandisdegnum innan danska sjónleikaheimin. Hann arbeiðir nú við at skriva ikki minni enn tveir nýggjar sangleikir, ið væntandi hava frum­ framførslu komandi ár. Hann eigur ein stóran leiklut í nýggjari danskari mentanarsøgu, og hetta er hann eisini heiðraður fyri. Hann fekk í mars 2003 “Danish Folk Award” í Tønder, og nakrar mánaðir seinni i juni fekk hann heiðursprísin frá Skagen Festival fyri sítt “unikke bidrag til den danske sang” og í 2004 fekk hann heiðursprísin frá IFPI til árliga Danish Music Awards 2004. Atgongumerkini eru enn ikki sett til sølu, men lýst verður við hes­um í Kringvarpinum og á heimasíðuni hjá Norður­ landahúsinum, verður sagt úr Norðurlandahúsinum. Sebastian spælir í Føroyum Við fleiri enn 30 útgávum gjøgnum árini, er Sebastian ein av fólkakærastu troubadurunum í danska tónleikaheiminum Aftur í dag eru nýggj tilboð at heinta hjá íløguhugaðum føroyingum. Sparikassin hevur í tíð­inda­ skrivi booða frá, at tey nú kunnu bjóða føroyingum at keypa part í danska KapitalPleje A/S. Í tíðindaskrivi verður sagt, at saman við Føroya Sparikassa standa 17 dansk­ir peningastovnar aft­ an fyri KapitalPleje A/S, og Sparikassin er einasti peningastovnur í Føroyum, ið hevur partabrøvini í KapitalPleje A/S til sølu. – Sum lógin er í løtuni, fáa privatpersónar ikki skattligan frádrátt fyri rentur av lánum til íløgur og kunnu heldur ikki mótrokna hesar í møguligum vinningi, hóast vinningurin er skattskyldugur. Hendan trupulleikan sleppa fólk undan, um tey keypa parta­ brøv í Kapitalpleje A/S, tí tað er felagið, sum tekur lán til íløgur, og ikki íleggjarar sum privatpersónar. Av­kastið verður skattaða netto­ avkastið, eftir at útreiðslur til rentur, umsiting v.m. eru drignar frá í felagnum. Føroya Banki er sam­ stundis komin við tilboði um tryggar íløgur, soleiðis at teir nú eisini kunnu bjóða somu vøru, sum Kaupthing hevur havt í fleiri ár, og sum Sparikassin eisini kom við í farnu viku. Hjá Føroya Banka er talan tó um íløgur í japansk virðisbrøv. – Lánsbrævið er knýtt at japanska TOPIX-vístalinum. Hækkar vísitalið javnt í 5 ára gildistíðini, kastar lánsbrævið upp í 30 prosent í rentu av sær árliga. Tilsamans kann íløgan geva 150 prosent í rentu. Lánsbrævið gevur í minsta lagi 1 prosent í rentu um árið. Vinningur er sostatt tryggjaður við íløg­uni, verður staðfest í tíðndaskrivinum frá Føroya Banka. TOPIX-vísitalið er eitt partabrævavísital, ið er sett saman av fleiri enn 1.600 fyritøkum á virðis­bræva­ markn­aðinum í Tokyo. Fyri­tøkurnar eru í 33 vinnu­greinum, og vísitalið umboðar tí væl gongdina í japnaska búskapinum. -mørk Tryggar íløgur og skattafyrimunir Stríðið í SEV tykist nú enda við, at stýrið verður valt av nýggjum, og eisini er sannlíkt, at umboðs­ nevndar­for­maðurin, Hans Tausen Olsen, verður koyrdur frá. Leivur Hansen kemur ivaleyst at halda fram sum stýrisformaður SEV Terji Nielsen terji@sosialurin.fo Í farnu viku bendi alt á, at innanhýsis stríðið í SEV fór at enda við, at Klæmint Weihe fór at verða koyrdur frá sum stjóri, og at Leivur Hansen misti sessin sum stýr­isformaður. Men nú hevur stríðið tikið eina aðra gongd. Hava tryggjað sær neyðugu undirskriftirnar Leivur Hansen, stýrisfor­ maður, sigur, at minnilutin í SEV-stýrinum - tað eru umframt Leiv sjálvan, Kristian Fríðrik Olsen og Poul Arne Jacobsen, hevur tryggjað sær tær neyðugu 24 undirskriftirnar í umboðsnevndini, sum skulu til fyri at krevja nýval av stýrinum. – Fyri at krevja nýval av SEV-stýrinum, skal ein triðingur av limunum í umboðsnevndini skriva undir hetta krav. Vit hava í øllum førum tryggjað okk­um tær neyðugu 24 undirskriftirnar, og tær fari eg at handa umboðsnevndar­ formanninum, Hans Tausen Olsen, fríggjadagin, sigur Leivur Hansen, sum enn ikki dugir at siga, um teir hava tryggjað sær avgjørdan meirilut í umboðsnevndini. Leivur verður vinnarin Fríggjadagin var fundur í SEV-stýrinum, og eftir tann fundin handaði minnilutin í stýrinum Hans Tausen Olsen eina áheitan um at kalla inn til eykafund í umboðsnevndini beinanvegin. Dagsskráin, sum minni­ lutin vil hava til eykafundin í nevndini, inniheldur mill­ um annað viðurskiftini hjá umboðs­nevndar­formann­ inum yvir fyri stýrinum. Somuleiðis er eitt punkt á dagsskránni, ið snýr seg um, hvørt nýggjur um­boðsnevndarformaður skal veljast. Tað er eisini sett á dagsskránna, um nýtt stýri skal veljast. Um Leivur Hansen og hin­ir í minnilutanum í SEV-stýrinum tryggja sær meirilutan í umboðsnevndini, so er ógvuliga sannlíkt, at Hans Tausen Olsen verð­ur koyrdur frá sum um­boðsnevndarformaður. Eisini er tað sannlíkt, at stýrið síðani verður valt av nýggjum, og tá fær Leivur Hansen kanska meirilutan í einum nývaldum stýri. Á henda hátt kann stað­ festast, at Leivur Hansen við taktiskum snildi hevur tryggjað sær formanssessin í SEV-stýrinum, og sam­ stundis sleppur hann av við summar av teimum, ið hann hevur havt mesta stríðið av. SEV-stýrið fer á fund aftur komandi fríggjadag, og tá verður hildið fram við tí dagsskrá, sum var á fundinum farna fríggjadag. Hetta fundarvirksemi er tó til fánýtis, um so er, at SEV- stýrið verður koyrt frá á næsta umboðsnevndarfundi. Ridlar undir Hans Tausen Olsen Leivur Hansen á veg á stýrisfund í SEV seinasta fríggjadag. Tá bendi nógv á, at stýrisnevndarformaðurin bleiv koyrdur frá, og at Klæmint Weihe fekk uppsagnarskriv. Mynd: Jens Kr. Vang