mánadagur 23. januar 2006síða 22

22 Nr. 16 - 23. januar 2006 Samráðingarnar við B36 um nýggjan sáttmála slitnaðu, og nú verður Pól Thorsteinsson aftur at síggja í gulu og svørtu NSÍ-troyggjuni Pól aftur í NSÍ Fríggjadagin skriv­ aðu NSÍ og Pól Thor­steinsson und­ir avtalu, sum ber við sær, at fyrr­verandi B36 liðformaðurin nú skal umboða NSÍ Fótbóltur Jákup Mørk jakup¨sosialurin.fo Maðurin, sum í oktober sum B36 liðformaður tók móti FM steypinum, fer í ár ikki at vera at síggja í hvítu og svørtu B36 troyggj­uni. Seinasta mánadag skriv­ aðu vit her á síðuni, at stígur var komin í samráðingarnar millum Pól og B36. Onnur lið høvdu áður liðið fram við í royndunum at knýta spælaran at felagnum, og hesar royndir gjørdust ikki minni ítøkiligar, nú tað tóktist vónleyst hjá honum at halda fram í B36. Fríggjadagin kundu runavíkingar so boða frá, at teir høvdu vissað sær undirskriftina hjá fyrr­ verandi landsliðs­spæl­ aranum. Pól Thorsteinsson er ikki heilt ókendur í Runavík. Í 2002 um­boðaði Pól felagið í Runavík. Hetta árið vann NSÍ steypakappingina, og eins og teir fyri fyrstu og higartil einas tu ferð vunnu silvur í landskappingini. Samanlagt gjørdist hetta besta árið, sum NSÍ hevur havt, og tí er einki at siga til, at tey í felagnum eru fegin um, at Pól nú aftur er tøkur at styrkja um liðið. NSÍ fór hósdagin í síðstu viku undir leiðslu av Trygva Mortensen undir aftur venjingarnar á vøllinum við Løkin. Heldur ikki hesa ferð eydnaðist Kyndli at fáa nakað við sær av Skála, har StÍF enn hevur greiðar vónir um pláss í bæði FM- og steypafinaluni Hondbóltur Jákup Mørk jakup@sosialurin.fo Fyri aðru ferð innan tíggju dagar var Kyndil á Skála. Og fyri aðru ferð innan tíggju dagar mátti havnarliðið ásanna, at teir í løtuni ikki fáa gjørt stórvegis við strand­ ingarnar, sum aftur hesa ferð vunnu tryggan sigur. Greið yvirvág Eftir kiksaran móti KÍF sein­ asta vikuskiftið var trýstið á StÍF annars stórt undan dystinum. Enn eitt tap bar við sær, at liðið fyribils var koblað av oddastríðnum í deildini, og tað var í øll­um førum ikki tað, sum strand­ ingarnar ætlaðu. Hinvegin hevði liðið kanska ein sálarligan fyri­ mun móti júst Kyndli, sum fyri stuttum fekk av at vita frá einum illa skerdum StÍF- liði í fyrru hálvfinaluni í Coca-Cola kappingini. Í mun til tann dystin hevði StÍF nú aftur Marian Cirloganescu í málinum, eins og Sveinur Justinussen var aftur á vøllinum. Tað styrkti StÍF liðið, meðan tað neyvan hevur styrkt fokus hjá Kyndli, at teir seinastu vikuna hava nýtt bæði tíð og orku at ilskast inn á dystarflytingina, sum eina longu tunga viku enn tyngri fyri teirra viðkomandi. Og sæð burtur frá allar fyrstu løtuni, so var heldur ikki stóvegis, sum bendi á, at Kyndil skuldi venda tungu gongdini, sum liðið tykist vera í í løtuni. StÍF fekk skjótt eyð­kenda verjuspælið at koyra, og við einum sera væl spælandi Marian í málinum, varð sjálvsálitið at kalla pilk­ að úr skotroyndunum hjá gest­unum. Tað hjálpti eina løtu, tá Jónleif Sólsker kom inn á vøllin at loysa Høgna Klein av sum spælskipara, men StÍF hevði ongan hug at sleppa takinum. Teir settu fulla ferð á seinastu løtuna undan steðginum, og við 13- 7 á talvuni tóktist uppgávan mest sum vónleys at loysa hjá Kyndli, tá farið varð inn til seinna hálvleik. Lykladystur í Vestmanna Her eydnaðist heldur ikki Kyndli at gera stórvegis. Eina løtu fingu teir verjupartin at rigga munandi betri, men skjúttarnir høvdu framvegis ikki rætta dagin, og tí kom sigurin hjá StÍF ongan tíð í vanda. Við sigrinum fingu strand­ ing­arnir aftur rættað kósina, sum var farin nakað av lagi við tapinum seinast. Og tað skerst ikki burtur, at teir framvegis standa í eini rættiligari góðari støðu, nú endin av kappingarárinum so smátt er farin at hómast. Við fimm málum á odda skal vilja illa til, um liðið ikki røkkur steypafinaluni, sum teir mest sum av vana plaga at vinna. Og júst tann eginleikin, at spæla væl í teimum »stóru« dystunum tykist eisini at skumpa liðið fram móti nøkrum, sum líkist eini favoritt-støðu í FM- stríðnum.. Enn eru bara tvey stig upp til finaluplássið, og koma strandingar somiki langt, so eru fá lið, sum standa teimum kurl í dystum av hesum slag. Hjá Kyndli tykist talan í løtuni at vera um sera tung­­an sjógv. Eitt er, at teir longu mikudagin enn eina­ ferð skulu takast við strand­ ingarnar. Annað er, at teir bara tríggjar dagar seinni skulu til Vestmanna at spæla. Tann dysturin tykist nú av álvara at verða uppgerðin, har gjørt verður av, hvørt Kyndil í føðingardagsárinum framhaldandi skal verða ein av FM-biðlunum. Ella um liðið bara skal sessast við, at hetta var eitt av teimum árunum, har heilt illa vildi til. Eftir tapið fyri VB seinast, fekk Stjørnan aftur skútuna á beint, tá tær høvdu vitjan av Kyndli leygardagin. Tað var ongan tíð vænt­ andi, at Kyndil skuldi gera nakað heilt stórvegis við Stjørn­una. Spælararnir á heimaliðnum høvdu heldur ikki stórvegis trupulleikar av dystinum, har tær stútt og støðugt hildu gestirnar væl aftan fyri seg, soleiðis at tey bæði stigini vórðu fingin til høldar. Stjørnan er við sigrinum ájøvn hinum báðum odda­lið­ unum í FM-endaspælinum í Sunset-kappingini, meðan Kyndil við ongum stigi er niðasta liðið í hesum bólk­ inum. Øll fýra liðini eru tó vís í hálvfinaluplássum, men tað er lítil ivi um, at tey samstundis ynskja sær oddasessin. Uttan at taka nakað frá Kyndli, so eru tær á pappírinum væl veikasta liðið í bólkinum, og tað má tí roknast sum greiður fyrimunur hjá fremsta liðn­ um at spæla hálvfinalu móti grøna havnarliðnum. Hartil fær vinnarin av teirri hálvfinaluni fyrimunin av heimavølli í eini møguligari triðu hálvfinalu. Tíverri hava vit ikki mót­ tik­ið dómaraseðilin fyri dyst­in, so eingi hagtøl eru skrásett. -mørk Bára Klakstein var aftur við hjá Stjørnuni, eftir at hon var burturstødd seinasta vikuskifti Mynd: Bárður Lydersen Stjørnan-Kyndil 29-20: Stjørnan rættaði kósina StÍF-Kyndil 24-17 (13-7): Kyndil tykist uppsteðgað Annars sterka bakketan hjá Kyndli hevði ilt við at finna meskarnar, tá StÍF aðru ferð á rað vann tryggan heimasigur á Kyndli StÍF-Kyndil 24-17 (13-7) Málskjúttar StÍF: Alexandur Johansen 9(4), Bent Djurhuus 3, Artur Johansen 3, Borgar Danielsen 3, Sveinur Justinusen 2, Bárður Danielsen 2, Leivur Justinusen 1, Martin Hansen 1 Kyndil: Janus Einar Sørensen 6, Ragnar Stakksund 4, Marius Joensen 2, Ken Zachariassen 2(1), Høgni Klein 1, Hjalti M. Jacobsen 1 Brotskøst: StÍF 5, Kyndil 2 Útvísingar: StÍF 5, Kyndil 2 Dómarar: Petur S. Dahl & Hallur Danielsen FAKTA UM DYSTIN