mánadagur 23. januar 2006síða 25

Nr. 16 - 23. januar 2006 25 Daiva var ikki á VB-liðnum, sum eisini hevði aðrar týðandi manglar. Og so gjørdist talan um rættiligt sorl í Hálsi Hondbóltur Jákup Mørk jakup@sosialurin.fo Stóri spurningurin, sum varð settur undan dystinum sunnudagin, var, hvussu nógv VB var vert, nú Daiva Toumaite ikki var við. Tað er so eingin sum helst ivi um, at langlimaði litavin hev­ur ver­ið týdningarmesti grunds­ tuðulin hjá VB sein­astu kapp­ ing­­arárini, og tí var reyða kort­­ið, sum hon fekk seinast, eitt álvarsligt skot fyri bógvin hjá VB. Tað stóð eisini hampuliga skjótt greitt, at uttan stór­ skjúttan var VB so heilt av­gjørt til at tosa við hjá Neist­anum. Eisini hóast tær bláu innan tvær vikur hava sagt farvæl við bæði Ásu á Neystabø og Anniku Ljósstein. Tað gjørdi heldur ikki støð­­una hjá VB betri, at Asta Armonavitute als ikki tykist vera komin seg heilt eftir heilaskjálvtan, sum hon fekk fyri viku síðani. Stinni málverjin var ikki nógv meira enn ein skuggi av sær sjálvari hesaferð, og tá VB so eisini misti Rannvá Augustinussen miðskeiðis í fyrra hálvleiki, var ikki nógv eftir á liðnum. Tað merkti, at álitið í stór­an mun varð plaserað á hálv­ skaddu Mar­ynu Zylko og Christinu Holm, og tað var ikki nóg mikið. Heldur ikki hó­ast fleiri av spælarunum hjá VB avgjørt longu hava prógvað, at tær eisini koma at hava eitt orð at siga í føroyskum kvinnuhondbólti framyvir. Og so kundi Neistin av álv­­ara rulla seg út. Hóast tær ikki hava vunnið nakað meistaraheitið í skjótt nógv ár, so er Neistin í mangar mátar framvegis sterkasta kvinnuliðið í landinum. Ikki minst, tí føroyska breiddin á liðnum er somikið stór. Tí merkti fráveran hjá teimum ikki liðið eins nógv, sum tað ger hjá so nógvum øðrum, og so hava teir nú eisini fingið tann eyka trumfin, sum Katrin á Neystabø eigur at verða. Enn er Katrin kanska ikki í fullgóðari venjing, og eftir at hava verið uttanlands í nøkur ár, skal hon sjálvsagt integrerast á liðið aftur. Men bara skotstyrkin í sjálvum sær eigur avgjørt at vera eitt gott vápn hjá Neistanum, sum nú av álvara tykist vera til reiðar at seta endaspurtin inn. Men tað verður so ikki utt­ an kapping. Stjørnan hevur í ár víst seg sum sterkan fav­ oritt, hóast heldur ikki tær eru ásærligar. Og VB skal so heldur ikki avskrivast heilt. Tað veldst tó í stóran mun um, hvussu snikkaleysar suð­uroyarkvinnurnar sleppa undan skaðum, tá veruliga avgerandi dystirnir standa fyri framman. Sum er, so er hópurin somikið smalur, at hvør tann einasta frávera merkist. Tann trupulleikin hava Neistin og Stjørnan ikki í eins stóran mun, og sunnudagin var hetta í øllum førum væl og virðiliga avgerandi fyri útfallið av dystinum. Neistin-VB 35-17 (18-9): Skerda VB fekk av at vita Neistin-VB 35-17 (18-9) Málskjúttar Neistin: Nicoleta Radu Hansen 11, Annika Thomsen 8(1), Unn Kragesteen 6, Katrin á Neystabø 4, Mildrið Jacobsen 2, Mia Káradóttir 2, Anna Clementsen 2 VB: Laila Jespersen 4, Christina Holm 4, Maryna Zylko 4(1), Sára Samuelsen 2, Svava Vestergaard 2, Rannvá Augustinussen 1 Brotskøst: Neistin 3, VB 1 Útvísingar: Neistin 2, VB 2 Dómarar: Karstin Joensen og Kristian Joensen. Tóktust ikki altíð eins avgjørdir. FAKTA UM DYSTIN VB hevði ikki Daivu Toumaite við í hópinum, og saman við øðrum skerjingum var hetta nógv meira, enn tunni hópurin megnaði at bera Mynd: Álvur Haraldsen