mánadagur 23. januar 2006síða 27

Nr. 16 - 23. januar 2006 27 Enski landsliðsvenjarin Sven-Gøran Eriksson hevur stevnt enska vikublaðnum News of the World, eftir at blaðið hevur kunngjørt eina samrøðu millum Eriksson og ein av tíðindamonnum blaðsins, ið var ílatin sum ein arabiskur oljusjeikur Blaðmaðurin billaði Eriks­ son inn, at hann var ein ríkur arabiskur oljusjeikur, sum hevði ætlanir um at keypa Aston Villa, og hann bjóðaði Eriksson starvið sum venjari í felagnum hjá sær, tá handilin einaferð varð endaligur. Á fundinum teirra millum segði Eriksson eisini mangt og hvat um teir ensku landsliðsleikararnar, sum er fallið fleiri teirra fyri bróstið. Eitt nú segði Eriksson, at Michael Owen ikki var nøgdur við tilveruna í Newcastle, og at hann fegin vildi finna annað felag. Øll samrøðan teirra mill­ um er prentað í News of the World, og tað hevur givið Eriksson stórar trupulleikar, nú hann skal vísa aftur og greiða frá øllum teimum óhepnu úttalilsinum. Advokaturin hjá Eriksson metir, at hetta er greitt brot á privatlívið hjá enska lands­liðsvenjaranum, og at fleiri av úttalilsum hans­ ara eru tikin út úr saman­ hanginum. -SíS Hoyvíkingarnir vóru um reppið at missa trygga leiðslu, tá KÍF noktaði at geva seg í vonleysari støðu Hondbóltur Jákup Mørk jakup@sosialurin.fo Er tað nakað, sum hevur eyð­kent avrikini hjá KÍF seinastu nógvu árini, so man tað vera stríðsviljin. Ein striðsvilji, sum núverandi venjarin hjá liðnum, Vagnur Johannesen, í mangar mátar var eksponentur fyri. Og sum hann nú eisini roynir at yvirføra á spælarar sínar. Tað gav at bíta, tá KÍF fyri viku síðani vann útidystin móti StÍF, og tað var um reppið, at tað eisini gav úrslit, nú kollfirðingarnir tókust við oddaliðið, H71. Talan var fyri tað nógva um ein javnan dyst, har hoy­víkingarnir tó tóktust hava munin. Men rættiliga leysir sluppu teir ikki av álvara. Í seinna hálvleiki kom tó meira glið á, og tá gestirnir eina langa løtu spældu við einum manni í undirtali, tóktist hetta gerast avgerandi vendin í dystinum. Hoyvíkingar vunnu sær ein fyrimun á seks mál, og við bara 12 minuttum eftir á talv­ uni, kundi hetta mest sum ikki kiksa. Tað gjørdi tað heldur ikki - men tað var nær við. Oddafiskarnir steðgaðu mest sum fullkomuliga upp seinastu løtuna. Kanska tí teir kendu seg ov vísar í sigrinum. Ella kanska tí teir gjørdust bilsnir av áhaldandi stríðsviljanum frá mótstøðuni. Seinastu fimm minuttirnar gjørdist spenningurin mest sum ov nógv av tí góða fyri heimaáskoðararnar, sum sóu munin minkað niður í tvey mál. Við at taka eitt time-out fekk Hannis tó frið yvir sínar menn, soleiðis at seinasti min­utturin varð koyrdur heim uttan tað heilt stóra hóvastákið. Við sigrinum hildu hoy­ víkingar fast um oddasessin, har teir framvegis hava vestmenningar undir liðini á sær. H71-KÍF 22-20 (11-10): Mundu mist oddasessin H71-KÍF 22-20 (11-10) Málskjúttar H71: Piti Negru 6, Halgir Dahl Olesen 5, Tróndur Vatnhamar 4(2), Johnny Durhuus 3, Bjarni Sørensen 2, Niels Viggo Niclasen 2 KÍF: Arnbjørn Hansen 5(1), Damir Oros 5(1), Karl Jóhan Djurhuus 4, Teitur Joensen 2, Gert Hansen 2, Mirko Milinkovic 1, Petur Martin Poulsen 1 Brotskøst: H71 2, KÍF 4 Útvísingar: H71 1, KÍF 4 Dómarar: Kristian Johansen & Sámal Paulason FAKTA UM DYSTIN Hóast kollfirðingarnir her hava takið á Jakob Jónsson, so eru hoyvíkingarnir framvegis oddalið í Atlantic Airways- kappingini í hondbólti Mynd: Álvur Haraldsen Danska skattavaldið er av álvara farið í herna móti illgrunanum, sum leingi hevur verið vendir móti danska fótbóltsheiminum. Higartil eru 12 feløg løgd undir sjóneykuna, og sambært donskum miðlum eru skeivleikar at finna í roknskapinum hjá øllum hesum feløgum. Fýra superligufeløg eru higartil kannað, og øll hesi fáa nú ætlanarskriv við skattligum broytingum. Millum feløgini, sum eru kannað, er AaB, har Jón Rói Jacobsen og Súni Olsen spæla. Umboð fyri danska skatta­ valdið sigur við DR, at tey fyribils hava lagt ætlanir um at gera eftirlit hjá 36 feløgum. -mørk Skattavaldið eftir donskum fótbólti Claus Bech Jørgensen var ikki við á liðnum hjá Coventry, tá teir um viku­ skiftið vunnu stórsigur á Derby. Ikki minni enn 6-1 gjørdist úr­slitið, og styrkti hetta mynd­ina av Coventry sum einum liði, ið við stórum fetum er á veg burtur frá niðurflytingarstríðnum, sum fyrsta langa partin av árinum var ein hóttan. Tað var tó ikki fyrr enn í seinna hálvleiki, at Coventry veruliga fekk gongd á. Derby hevði longu eftir einum minutti lagt seg á odda, men fyri steðgin hevði Coventry vent hesum til 2-1. Seinnu trý korterini var tó eingin ivi. Við fýra málum rað fekk Coventry tær heilt stóru yvir­skriftirnar fram, meðan Derby hinvegin alt meira líkist einum møguligum nið­urflytara. -mørk Ein tann evnaríkasti ung­ lingaleikarin í Onglandi, Theo Walcott, hevur gjørt sáttmála við Arsenal Walcott er bert sekstan ára gamal, og fleiri feløg lógu framvið at keypa hann, men tað gjørdist nú Arsenal, ið dróg longsta stráið. Chelsea hevur eisini víst áhuga fyri Walcott, men hann metti, at hann best kundi menna síni evnir í Arsenal. Samlaði prísurin fyri Wal­ cott kann gerast 130 milli­ ónir krónur (12 milliónir pund), um hann gerst fastur leikari á besta liðnum hjá Arsenal, og um hann verður úttikin til enska landsliðið. Fyri fyrst hevur Arsenal lat­ið fimm milliónir pund, men væntandi skulu teir av við minst tvífalt so nógv seinni. Meðan Walcott og Wenger fegnast um nýggja sáttmálan, iðrar stjórin í Southampton seg um at hava mist ein so evnaríkan leikara. Hóast Southampton hevur fingið heilt fitt av peningi fyri Walcott, var tað ongantíð ætlanin hjá teim­ um at selja hann so tíðliga. -SíS Evnaríkur unglinga­leikari til Arsenal Stórsigur uttan Claus Eriksson dregur vikublað í rættin