fríggjadagur 27. januar 2006síða 8

8 Nr. 20 - 27. januar 2006 – Vit eiga húsið, sum tað stendur og skylda ikki eina krónu. Eingin króna er goldin í arbeiðsløn. Alt arbeiðið er gjørt sjálvboðið, og vit hava fingið dyggan stuðul frá fyritøkum í økinum, sigur formaðurin í Bátafelagnum á Bakka, Allan Poulsen. Sosialurin vitjaði í felagshølunum í gjárkvøldi Bátafelag Vilmund Jacobsen vilmund@sosialurin.fo Bátafelagið á Bakka er stovnað 29. september 2001. Endamálið hjá felagnum er at fylkja bátaeigarar og báta­ áhugað at skipa fyri felags tiltøkum og veita tænastu fyri limir og bátaeigarar annars. Eitt av málunum, sum felagið skjótt setti út í kortið, var at byggja eini felagshús Niðri á Støð, beint norðanfyri kappróðrarneystið og beint omanfyri bátahylin á Bakka. Húsið er nú alment tikið í nýtslu, hóast tað ikki er heilt liðugt enn. Ytri parturin er liðugur, og tað er snotuligi felagssalurin, sum er opin upp í tróðurið, eisini. Góður køkur er settur upp. Gongin er eisini liðug og almenna wc, sum er atkomiligt úr túni­num. Í hølunum verður eisini brúsa við wc, vaski og vaski­ maskinu, og í fýrrúminum er ætlanin at hava lítið verkstað, har bátaeigarar kunnu loysa smærri uppgávur. Lágt loft er í øðrum partinum av bygn­ inginum, og har er ætlanin at hava koyggjur, har vitjandi kunnu hvíla seg. Tikið í nýtslu Sosialurin vitjaði í Báta­ felagnum á Bakka í gjár­ kvøldi og hitti fýra av fimm limum í nevndini. Fyrr um kvøldið hevði alt býráðið í Runavíkar kommunu verið á vitjan og sæð hølini. Teir fimm, sum umboða nevndina í felagnum, eru: Allan Poulsen, formaður, Hanus Lamhauge, næst­ formaður, Atli Leitisstein, skrivari, Janus Knudsen, kassameistari og John Tórður Sigurðsson, nevndarlimur. Vit hittu allar hetta kvøldið undantikið Janus, sum ikki hevði høvi at vera við. – Vit eiga húsið, soleiðis sum tað stendur, og vit skylda ikki eina krónu. Alt arbeiði hevur verið sjálvboðið, og vit hava ikki goldið eina krónu í arbeiðslønum. Teir siga, at nógvar fyri­ tøkur og stovnar í økinum hava stuðlað felagnum undir byggingini, og ikki minst Runavíkar kommuna hevur verið felagnum ein dyggur stuðul. – Í samráð við kommununa hava vit bygt eitt alment wc í bygninginum, og tað var eisini í hesum sambandi, at býráðið vitjaði okkum í kvøld. Býráðið hevur gold­ ið wc, og vit eru eisini í aðrar mátar stuðlaðir av kommununi. Felagið hevur yvirfyri kommununi bundið seg til, at almenna wc’ið verður opið í tíðini, 1. apríl til 1. oktober, frá klokkan 08-20 á kvøldi. Tað er annars Runavíkar kommuna, sum eigur økið undir felagshúsunum. Hetta er eitt leiguøkið, sum er vanligt í slíkum føri, tá ið bygt verður niðri við sjóvar­ málan. Fleiri limir Bátafelagið á Bakka hevur tilsamans 63 limir. Øll, sum hava bát ella hava áhuga fyri bátum, kunnu gerast limir, og limagjaldið er 200 krónur um árið. – Nú húsið alment er tikið í nýtslu, vantar felagnum fleiri limir. Teir, sum mynda felagið, dylja ikki, at teir kundu hugs­ að sær, at nógv fleiri limir vóru í felagnum. – Fyrsta almenna tiltakið í húsunum, var ársveitslan, sum felagið skipaði fyri, 28. oktober í fjør. 30 mans vóru á veitsluni, og tá var felagshúsið at kalla fullsett. Felagshølini eru ikki stór, men felagið hevur valt ikki at leypa fram av. – Vit vilja heldur eiga tað, vit hava enn læna okkum út á sjógv, soleiðis at felagið verður ov tungt at reka. Norðanfyri felagshúsið er eitt hampiliga stórt øki, sum kommunan hevur planerað. – Yvirfyri kommununi hava vit sett okkara ynski fram um, at økið ikki fer til onnur endamál, tí hvør veit, um vit ikki einaferð seinni fara at byggja upp í húsini. Nevndin sigur, at nú hølini kunnu nýtast, verður ikki meira gjørt fyribils. – Vit fara ikki undir at gera tað, ið eftir er, fyrr enn vit eiga fyri tað. Vit ætla okk­ um ikki at læna pening upp á húsið, siga teir. Eisini undirhús Enn hevur nevndin í Báta­ felagnum ikki gjørt av, hvussu húsið, ið ætlanin eis­ ini er at brúka sum eitt slag av undirhúsi, verður opið. – Vit kundu hugsað okkum, at menn komu saman til prát og hugna. Ætlanin er, at húsið verður opið leygarmorgun og ein annan dag í vikuni. – Men hvussu hetta verður skipið, hava vit ikki tikið endaliga støðu til enn. Vit, sum eru í nevndini, hava allir lyklar, og somuleiðis hava vit eisini latið lyklar til einstakar menn, sum koma oman higar at seta seg eina løtu. Teir siga, at meðan arbeitt hevur verið upp á húsið, hava hølini verið opin, og menn eru dotnir inn á gólvið til prát. Flokkurin, 2.HHb á Føroya Hand­ ils­skúla, skipar í morgin fyri fleiri ymiskum tiltøkum á skúlanum til frama fyri námsferð Tiltak Beinta K. Jacobsen, starvsnæmingur Leygardagin, 28. januar, verður stórur familjudagur á Føroya Handilsskúla. Tá fer skúlaflokkurin 2.HHb at skipa fyri ymiskum til­ tøk­um til frama fyri náms­ ferð. Tiltakið verður frá klokk­an 11-19, og skráin fyri dagin er rættiliga fjøl­ broytt. Nógv á skránni Næmingarnir í 2.HHb bjóða sær vaska bilar við skúlan, samstundis sum fleiri tiltøk verða fyri børn. Ein spildurnýggj hoppiborg verður á fyrsta sinni roynd við skúlan; hetta er ein sonevnd Tar­ zan-Hoppiborg. Á skránni verður loppi­ marknaður, køkutombola, og fólk kunnu keypa sær bíligt smyrjibreyð og pylsu­ breyð aftur við kaffi, te ella sunkist. Klokkan 15 byrjar eisini ein Sudoku-kapping á skúla­num. Tey kreativu børnini sleppa eisini at royna seg hendan dagin. Skipað verður fyri eini teknikapping, har vinnarin verður funnin klokkan 18. Tá verða allar tekningarnar koyrdar í ein posa, og síðan verður ein tilvildarlig tekning tikin upp úr posanum sum gerst vinnari. Vinningurin av teknikappingini verður ein posi við góðgæti. Námsferð 2.HHb á Føroya Hand­ ilsskúla fer á námsferð til Athen síðst í mars, og tí vóna tey, at hópur av fólki – bæði børnum og vaksnum – koma út á skúlan leygardagin at verða við í ymisku tiltøkunum. Næmingarnir, sum eru 20 í tali, hava framm­ anundan skipað fyri ymiskum tiltøkum, eitt nú køkutombola og sjavs- kappingum, og teir hava eisini selt skava og vinn- seðlar. Familjudagur fyri námsferð Fá bilin vaskaðan, meðan tú spælir sudoku, og børnini verða ansaði Mynd: Vilmund Jacobsen Bátafelagshúsið á Ba Felagshúsið er í allar mátar atkomiligt, eisini í rullistóli, við breiðari og lagaligari uppgongd Mynd: Vilmund Jacobsen Her er ætlanin at gera koyggjur, har vitjandi kunnu hvíla seg Mynd: Vilmund Jacobsen