fríggjadagur 27. januar 2006síða 11

Nr. 20 - 27. januar 2006 11 VIÐMERKINGAR Tað harmar meg, at Gerhard Lognberg og undirritaði, sum standa lið við lið í flestu etisku spurningum, í bløð­ unum síggja út til at vera ósamdir. Lat tað vera sagt, at vit báðir framvegis eru samdir um tað allarmesta, tó at onkur munur er, treyðugt so, sigur Bill Justinussen Gerhard Lognberg undrast í lesarabrævi um mína støðu til hansara útsagnir um tey samkyndu. Tíverri er onkur mis­skiljing íkomin, tí eg havi ikki nevnt nakað um, at Gerhard burdi verið sendur í geglið, og um tíðindafólkið hevur fingið tað burturúr tele­fonsamrøðuni við meg, so taki eg tað í meg aftur og biði um orsaka, tí tað var ikki tað, sum eg meinti. Men fyri at rudda allar mis­skiljingar av vegnum, skal eg her stutt greiða frá míni meining um ítøkiliga spurningin um at nokta lærarum starv, um teir eru samkyndir. Eg taki ikki und­ ir við at nokta fólki alment starv orsakað av teirra kyns­ ligu orientering. Ongin ivi skal tó vera um, at sum ein persónliga trúgvandi hevði eg ynskt, at øll, sum undirvísa og uppala børn vóru trúgvandi. Men tað krav kann eg ikki seta, tí tað er upp til fólk sjálvi at avgera. Eg meti tað eisini vera í stríð við ta samfelagsskipan, sum vit øll eru ein partur av, at nokta fólki sama rætt til starv, um tey lúka vanligu treytirnar fyri starvssetan. Persónligir eginleikar eru sjálvsagt ein týðandi partur av einihvørji starvssetanarviðgerð, men hetta eru altíð persónligir eginleikar, sum verða sett­ ir í mun til førleikan at røkja starvið. T.d. er tað ikki ein fyrimunur hjá ein­ um umsøkjara at hava alko­ holtrupulleikar. Nøkur viðurskifti eru felags fyri øll í okkara sam­ felag. M.a. hava øll somu skyldu at gjalda skatt. Eisini eru vit samd um, at øll hava sama rætt til arbeiði. Og tá talan er um almenn ar­beiðspláss, harímillum fólka­skúlan, er ongin ivi um, at øll hava sama rætt til at fáa starv, uttan mun til persónliga støðu annars. At nokta sam­ kyndum hendan rætt er at gera mismun á fólki, og tað tekur Miðflokkurin ikki undir við. Ein av orsøkunum til, at vit ikki vildu taka undir við broyt-ingaruppskotinum til revsilógina var júst, at vit ikki meta, at mismunur er í samfelagnum. Tí metti eg tað fyri mín part vera neyðugt at gera vart við hesa støðu. Og tá ið Gerhard Lognberg sigur sína meining um júst hendan spurningin, kunnu fleiri helst halda, at hinir løgtingslimirnir, sum eisini atkvøddu ímóti broytingar- uppskotinum, hava somu støðu sum hann. So er tann spurningurin vónandi greiður. Tað er ein erlig søk at hava eina støðu, og ongin skal ivast í, at eg virði Gerhard fyri hansara týðandi leiklut í øllum hesum málinum. Eisini kann eg leggja aft­ ur­at, at útsagnirnar hjá hon­um eru í alt ov stóran mun yvirtulkaðar bæði av fjølmiðlum og flokki hans­ ara. Til Gerhard frá Bill Løgtingsmaður Bill justinussen Tíðindaskriv Nú byrja vit aftur við nýggj­ um sjálvhjálparbólkum fyri børn og ung, sum hava mist foreldur ella syskin við deyða. Aldurin fyri luttøku er frá 8 ár og uppeftir. Higartil hava millum 50 og 60 børn og ung verið við í sjálvhjálparbólkum. Bólkarnir eru ætlaðir sum ein hjálp, til at fáa ein liviligan gerandisdag. Bólkurin veitir ikki akutta kreppuhjálp. Tí skal nakað vera fráligið, síðani avvarðandi doyði. Vanliga umleið tveir mánaðir. Hinvegin sær tað ikki út til, at tíðin kann blíva ov long. Ung, sum hava mist for­ eldur ella syskin fyri fleiri árum síðani, hava eisini havt gleði av bólkunum. Tíðin gongur skjótt, og arbeiðið við sjálv­hjálp­ar­ bólkum er drúgt. Tey, sum vilja verða við frá byrjan, vera tí biðin um at siga frá sum skjótast. Tað kann gerast hjá Annu Dalsgaard á tlf. 319552/5195552 ella T-postur janna@kallnet. fo, og hjá Jóngerð Poulsen á tlf. 316419/227074 ella T- postur jongerd.poulsen@ skulin.fo. Berin: Sjálvhjálparbólkar fyri børn og ung www.sosialurin.fo www.sosialurin.fo