fríggjadagur 27. januar 2006síða 21

Nr. 20 - 27. januar 2006 21 Óli fegnast um lutakastið – Lutakastið var heilt gott, og serliga tey sterkastu londini í okkara bólki eru sera áhugaverd, sigur liðformaðurin á landsliðnum Fótbóltur Eyðun Klakstein eydun@sosialurin.fo Óli Johannesen telist mill­um teir royndastu spæl­ararnar á fótbólts­ lands­liðnum, og hann ætlar sær at verða við í næstu undankapping, har nýggjar og spennandi avbjóðingar eru fyri framman. – Tað ber altíð til at ynskja sær eitt betri luta­ kast, men tað kundi eisini spælt nógv verri av. Tað verður strævið at fara til Georgia og Ukraina at spæla, men dystirnir ímóti Fraklandi og Italia eru sera spennandi uppgávur, sigur Óli Johannesen. – Eg hevði sum nógv onnur ynskt mær at fing­ ið Ongland í okkara bólk, men Frakland og Italia er eisini sera gott. Vit hava ongantíð roynt okkum ímóti Italia áður, og tað er altíð spennandi at spæla ímóti eini tjóð sum Fraklandi, sum telist millum tær sterkastu í heiminum. Vil hava stig Ein annar spurningur er, hvussu vónirnar eru hjá føroyska landsliðnum at fáa nakað stig burtur úr næstu undankappingini. – Vit skulu hava okkurt stig, men eg tori ikki at siga, hvussu nógv og ímóti hvørjum vit skulu fáa tey, sigur Óli Johannesen. – Hava vit ein góðan dag, so ivist eg ikki í, at vit kunnu fáa okkurt burtur úr onkrum dysti í hesum bólkinum. Vit skulu so í øllum førum ikki enda á null, sigur hann. Lutakastið til næstu EM-undankappingina var í Sveis fríggjdagin. Úrslitið gjørdist hetta. Bólkur A Portugal Pólland Serbia-Montenegro Belgia Finnland Armenia Aserbadjan Kasakhastan Bólkur B Frakland Italia Ukraina Skotland Litava Georgia FØROYAR Bólkur C Grikkaland Turkaland Noreg Bosnia-Herzogovina Ungarn Moldova Malta Bólkur D Kekkia Týskland Slovakia Írland Wales Kypros San Marino Bólkur E England Kroatia Russland Ísrael Estland FYR Makodonia Andorra Bólkur F Svøríki Spania Danmark Letland Ísland Norðurírland Liktinstein Bólkur G Holland Rumenia Bulgaria Slovenia Albania Hvítarussland Luksemborg Tað verða nógvar heimsstjørnur at halda skil á hjá føroyska fót­bólts­ lands­liðnum í næstu EM-undankappingini – Andrei Schev­ chenko, Thierry Henry, Alessandro Del Piero og Fran­ cesco Totti kom allir til Føroya at spæla næsta árið EM-lutakast Eyðun Klakstein eydun@sosialurin.fo Lutakastið hjá føroyska fót­ bóltslandsliðnum til næstu EM-undankappingina var á góðari leið. Tá ið lutakastið var komið í helvt sá einki út, tí tá vóru londini Georgia, Litava og Ukraina komin úr pottinum, men í einum blandi við Skot­land, Italia og Frakland gjørdist lutakastið heilt gott. Tað kundi saktans enda nógv verri, um Føroya til dømis komu í marrubólk A, ella drógu Grikkaland og Turkaland sum tey sterkastu londini. Tvey bæði londini, sum Føroyar fingu úr teimum sterkastu bólkunum, eru sera áhugaverda ítróttarliga og fíggjarliga. Áskoðararnir vilja gjarna síggja Frakland og Italia spæla í Føroyum, og landsliðsspælararnir sleppa at royna seg ímóti teimum bestu. Mugu eystureftir Føroyska landsliðið sleppur tó ikki undan ferðum eystur­ eftir, og tað kann verða sera trupult at ferðast til bæði Ukraina og Georgia, har mótstøðan eisini verður sera hørð. Føroysk feløg hava ikki góðar royndir at ferðast so langt at spæla fótbólt, og landsliðið fær tvær sera truplar uppgávur har. Hini bæði londini í okkara bólki liggja undir miðal og yvir miðal. Litava er ikki so langt burtur sum Georgia og Ukraina, men heldur ikki so áhugavert sum Skot­ land, har føroyingar aftur sleppa at royna seg í hesi undankappingini. Heimsstjørnur til Føroya Føroyska landsliðið sleppur í næstu EM-kappingini at spæla seg ímóti nøkrum av størstu stjørnunum í aljtóða fótbólti nú á døgum. Nakrir av heimsins allar­bestu álopsspælarum koma til Føroya, tí Andrei Schevchnko er stóra stjørnan á ukrainska landsliðnum, og á franska landsliðnum er Thierry Henry skarprættari. Harafturat kemur Italia við álopsinnaðum spælarum sum Alessandro Del Piero og Francesco Totti. Aðrir fótbóltsspælarar, sum føroyingar sleppa at uppliva í Føroyum, eru Patrick Viera (Juventus), Darren Fletcher (Manchester United), Alessandro Nesta (AC Milan), Andrea Pirlo (AC Milan), Gianluigi Buffon (Juventus) og David Trezeguet (Juventus bara fyri at nevna nakrar. Dystirnir í næstu EM-und­ ankappingini verða spældir frá komandi heyst og eitt ár fram. Heimsins bestu koma til Føroya Føroyingar sleppa næsta árið at dystast við Italia og Frakland, har fleiri av kendastu og bestu fótbóltsspælarunum í heiminum spæla EM 2008