mánadagur 30. januar 2006síða 14

14 Nr. 21 - 30. januar 2006 Marknaðarrák Fríggjadagin í farnu viku varð vøksturin í amerikansku bruttotjóðarúrtøkuni fyri 4. ársfjórðing kunngjørdur, og hann var nógv minni enn vænt­ að. Bert 1,1% ímóti væntaðu 2,8%. Sostatt vaks amerikanski búskapurin tilsamans 3,1% í fjør. Hóast sjálvt BTÚ-talið var eitt vónbrot, tóku marknaðirnir ikki so illa ímóti tí. Partabrøv hækkaðu, og renturnar vóru á leið óbroyttar. Mett verður, at hækkandi oljuprísurin í heyst hevur verið við til at fáa vøksturin í BTÚ at minka, millum annað við at toga samlaða virði av inn­ flutningi upp. 3,1% er ein heilt hampuligur vøkstur, og haraftrat vórðu vøksturin í bæði privatari nýtslu og prísvøkstri væl størri enn væntað. Hetta hevur nógv at týða, tí privat nýtsla er 2/3 av amerikanska búskapinum. Renturnar hækka Hóast BTÚ úr USA var nógv verri enn væntað, hildu lánsbrævarenturnar áfram at hækka í farnu viku. 10-ára danska rentan hækkaði 0,11% til 3,46%. Innloysingar í úrtíð til apríl-terminina síggja ikki út til at gerast stórar, so stutt realkredittlánsbrøv geva væntandi góðan vinning. Roknskapur frá Novo Nordisk Úrslitið hjá Novo Nordisk fyri 4. ársfjórðing í fjør var 18% lægri enn árið fyri. Orsøkin var serliga, at Novo ikki endurtók eina gjaldoyraverju, sum áður hevur stuðlað inntøkunum. Novo Nordisk er tó bjartskygt um komandi árið, og væntar, at úrslitið fer at hækka meira enn 10% og at sølan í minsta lagi fer at hækka 10%. Hóast úrslitið fyri 4. ársfjórðing var vánaligt, er Novo Nordisk framvegis eitt gott og væl rikið felag, ið lítil váði er tengdur at. Kursurin á Novo Nordisk liggur í løtuni á 344, men Kaupthing metir, at kursurin eigur at liggja einar 10 krónur hægri. Hesa vikuna Hendan vikan verður sera hendingarík. Tað koma ein rúgva av týdnigarmiklum lykla­ tølum og fleiri áhugaverdir roknskapir, m.a. frá Erics­ son. Hesin kann ávirka parta­ brævamarknaðirnar. Viðv. lyklatølunum, verður dentur serliga lagdur á prísvakstrartøl báðu megin Atlantshavið, um­framt amerikonsku arbeiðs­ marknaðar­frágreiðingina, sum kemur fríggjadagin. Um hon verður góð, stuðlar hetta eisini undir partabrøvum á okkara leiðum. Vøksturin í USA minni enn væntað Vika 5 2006 Donsk 10-ára renta Vísital fyri norrøn partabrøv Gjaldoyru Íløgufeløg Kursur +/- % Kursur +/- % USD 617,09 0,4% Lánsbrøv í DKK 102,60 -0,6% JPY 5,26 -1,4% Evru Lánsbrøv 172,01 -0,7% GBP 1.091,11 0,2% Norrøn Partabrøv 110,69 0,7% NOK 92,35 -0,1% Altjóða Vøkstur 73,00 -1,4% Broytingar eru útroknaðar í mun til fyri viku síðan. Myndirnar vísa gongdina seinastu 3 mánaðirnar. 3,20% 3,40% 3,60% 30/10 30/11 31/12 960 1000 1040 1080 30/10 30/11 31/12 Ein fyrsta viðgerð og svar upp á tveir fyrispurningar eru á skránni á fyrsta tingfundinum í hesum árinum LØGTINGIÐ Eirikur Lindenskov eirikur@sosialurin.fo Jólafrítíðin hjá Løg­ting­ in­um er liðug. Fyrsti løg­ tingsfundurin eftir nýggjár verður seinnapartin í morgin. Tingformaðurin hevur stevnt tinginum til fundar klokkan 13.30 í morgin – týsdagin 31. januar. Á skránni eru fýra mál. Tað fyrsta er fyrsta viðgerð av uppskoti til løgtingslóg um tinglýsingaravgjald. Eftir viðgerðina verður málið beint í fíggjarnevndina. Annað málið er, at Bárður Nielsen, landsstýrismaður í fíggjarmálum, skal svara fyri­spurningi frá Høgna Hoydal, løgtingsmanni, um fíggjarpolitikk og realløn hjá ymsum samfelagsbólkum. Triðja málið á skránni er, at Bjørn Kalsø, lands­­­­ stýrismaður í fiski­vinnu­ málum skal svara fyri­ spurningi frá Heidi Petersen, løgtingsmanni, um manning við skipum. Fram­løga er eisini á skránni. Sambært vegleiðandi skránni fyri tingarbeiðið, sum sæst á heimasíðuni hjá Løgtinginum, so er ætl­­anin eisini at hava ting­­fund mikudagin 1. februar. Tá verða munnligir fyrispurningar svaraðir. Mánadagin 6. og týs­ dagin 7. februar verður ung­ dóms­ting. Mikudagin 8. febru­ar er ætlanin at hava ófráboðaðar fyrispurningar á skránni og eisini 1. viðgerðir. Harafturat fer Bjarni Djur­ holm, landsstýrismaður í vinnumálum, at leggja fram frágreiðing um vinnupolitikk. Henda frágreiðingin verður tikin til orðaskiftis týsdagin 14. februar, og mikudagin 15. februar verða aftur munn­ligir fyrispurningar á skránni. Løgtingið hevur hildið frí síðani 20. desember, tá ið ikki færri enn tríggir fundir vóru. Umframt onnur mál so viðgjørdi tingið henda dagin á trimum fundum eyka­­fíggjarlóg, sum varð sam­tykt eftir at tað varð sam­tykt at víkja frá teimum í tingskipanini ásettu tíðar­ freistunum. Eftir at løgmaður hevði hildið nýggjársrøðuna, heitti Tjóðveldisflokkurin á ting­formannin um at kalla tingið saman at viðgera nýggju støðuna, sum teir mettu vera íkomna, eftir at løgmaður hevði boðað frá fráboðanini, sum danska stjórnin hevði sent til ST. Tingformaðurin svaraði, at hann ikki helt, at talan var um nakað mál, sum var so akutt, at tað var neyðugt at kalla tingið saman. Frá Ólavsøku og til jólar vóru 50 tingfundir. Tingið aftur úr jólafrí Klokkan 15 leygar­ dag­in byrjaði tann fyrsta av trimum kon­sertum við Lenu, Guðrun og Eivør í Norðurlandahúsinum Tónleikur dagfinn@sosialurin.fo Havfrýr. Soleiðis nevna Sansir og blaðið Kvinna Lenu, Guðrun og Eivør, tá tey skipa fyri konsertum við teimum. Í Danmark var samansetingin sera væl­ eydn­að, og nú hetta verður uppafturtikið í Føroyum, var útselt til tær báðar kon­ sertirnar leygardagin og til konsertina sunnudagin. Í steðginum í fyrstu kon­ sertini, sum byrjaði klokkan 15 leygardagin, fingu vit orð á fyrireikaran og blaðstjóran á Kvinnu, Lenu L. Mohr, og hon var sera væl nøgd við konsertina. Eisini visti hon at siga, at tær tríggjar songkvinnurnar vóru í essinum og vóru sera væl nøgdar, tá tær komu afturum pallin í steðginum. Klokkan 20 leygarkvøldið fóru tær tríggjar aftur á pallin í Norðurlandahúsinum og aftur sunnudagin var ein kon­sert, og útselt var til kon­sertirnar. Tað sigur ikki so lítið um áhugan fyri kon­ sertunum og um dygdina fram­førslunum. Lena, Guðrun og Eivør í essinum