týsdagur 31. januar 2006síða 18

Útróðrarbáturin, Barmur á Eiði, sum gjørdi tað rættiliga gott á útróðri í síðstu viku, er ein av fleiri bátum, sum SD- Beding við Fjøruvegin í Runavík hevur longt. Virkiseigarin, Søren Svenning Danielsen, sigur, at áhugin fyri at leingja bátar er rættiliga stórur Handverk Vilmund Jacobsen vilmund@sosialurin.fo Tað er stórur áhugi fyri at leingja glastrevjabátar. Í fjør longdi glastrevja­virk­ ið, SD-Beding í Runavík, einar átta bátar, og í løtuni hevur felagið sáttmálar um einar 10 bátar aftrat, sum skulu leingjast í hesum ári­ num. Søren S. Danielsen, virk­is­eigari, sigur, at eftir­ spurningurin eftir at leingja glastrevjabátar er so stórur, at teir í løtuni ikki klára at nøkta eftirspurningin. Barmur á Eiði Ein av bátunum, sum SD- Beding hevur longt, er út­róðrarbáturin, Barmur hjá Sonna Kallsoy á Eiði. Hetta er ein íslendskur bátur av slagnum, Gáski, sum var 28 føtur langur. Nú er hann 37 føtur. Søren sigur, at teir vórðu lidnir við bátin júst til regatta-siglingina í fjør summar. – Vit hava skilt, at Sonny er væl nøgdur við bátin, sum fekk eitt tríggjar metrar longri dekk, enn hann hevði áður. Hann sigur, at SD-Beding skar Barm í helvt og setti tveir metrar upp í miðjuna á bátinum. Síðan varð dekkið lyft upp aftureftir og bygt heilt aftur á hekkuna. – Við umbyggingini gjørd­ ist lastin tvífalt so stór. Barm­ ur kundi und­an um­bygg­ing­ ini hava eini seks kør í last­ ini, og eftir umbyggingina var plass fyri umleið 12 kør­um. Barmur fekk eisini nýggjar slengrikjølar, sum vísa seg at rygga sera væl á at slíkum bátum. Ber lastina betur Søren S. Danielsen sigur, at ein bátur, sum Barmur, ið verður so nógv størri, ikki vinnur topp-ferðina, sum hann tekur til. – Men samstundis ber báturin lastina nógv betur. Hann sigur, at báturin ein góðan útróðrardag, har veiðan kanska liggur um eini 5.000-7.000 pund, ber lastina nógv betri og gongur skjótari enn fyri leingjanina. Eigarin av SD-Beding sig­ur, at teir hava fýra bátar til leingingar í løtuni, og tað tekur einar 4-6 vikur at leingja ein bát – alt eftir, hvussu nógv teir hava at gera á virkinum. Spurdur, um tað ber til at leingja allar glastrevjabátar, sigur Søren, at tað saktans ber til, og sum heild heldur hann, at hetta er ein góð íløga. – Eg haldi, at menn eru væl nøgdir við teir bátar, sum vit hava longt, sigur Søren S. Danielsen. Einir 12 mans arbeiða hjá SD-Beding í Runavík. Nr. 22 - 31. januar 2006 18 Stórur áhugi fyri at leingja Útróðrarbáturin Barmur, sum er ein Gáski-bátur, verður longdur á SD-Beding Báradrangur er ein Aqua-Star, sum varð longdur tveir metrar , úr 33 upp í 39 føtur – Vit hava sáttmálar um einar 10 glastrevjabátar, sum skulu leingjast í hesum árinum, sigur Søren S. Danielsen, virkiseigari Mynd: Vilmund Jacobsen