mikudagur 1. februar 2006síða 12

12 Nr. 23 - 1. februar 2006 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Myndin er av konfirmantunum, sum blivu fermdir í Havnar kirkju tann 2. oktober 1904. Vit kunnu bert navngeva 5 av persónunum. Teir eru: Aftasta røð uttast t.v.: Hans Jacob Jacobsen (Hans Jakke í Smæruni). Í triðju røð f.v.: nr. 3) Samuel Peter Samuelsen, Fuglafjørður. Nr. 5) Knud Sofus Lambaa, Havn og nr. 6) Poul Titus Samuelsen, Kirkjubøur. Og í fremsta rað f.v.: Gentan sum situr sum nr. 3 er Rosa Johannesen (gift Dal- Christiansen). À myndini eru 13 dreingir og 10 gentur. 14 dreingir og 11 gentur blivu fermd, sostatt vanta tveir konfirmantar á myndini. Teir konfirmantarnir sum ikki eru navngivnir eru: Hans Martin Napoleon Hansen (Nólsoy), Daniel Johannes Danielsen (Hestur), Johannes Sofus Thomsen (Havn), Edvard Ove Hansen (Havn), Georg Vilhelm Eglund (Havn), Sofus Emil Jacobsen (Havn), Niels Peter Alberg Holm (Nólsoy), Thomas Sigurd Niclasen (Havn), Mikkel Hansen (Nólsoy), Peter Sofus Johannesen (Havn), Jensine Sofie Elisabeth Nybo (Hvítanes), Elsebeth Pouline Sofie Danielsen (Hvítanes), Juline Andrea Vilhelmine Frederikke Niclasen (Velbastaður), Maria Jacobine Poulsen (Nólsoy), Maren Anna Jacobsen (Nólsoy), Anna Sofie Jensen (Havn), Anna Sofie Rubeksen (Havn), Oluffa V. Fritza Hansen (Havn), Inger Juliane Marie Joensen (Havn) og Isabella Cathrine Susanne Nicodemussen (Havn). Vónandi eru tað lesararar, sum kunnu hjálpa okkum við at fáa øll nøvnini uppá pláss. Vinarliga ringið til Birgar Johannessen á tlf. 314647 ella 214647. PS! Hendan myndin er rættuliga illa farin. Er tað nakar, sum eigur eina betri mynd? Tórshavnar alfrøði: Konfirmantar í 1904 Dagurin í morgin 2. februar. Kyndilsmessa. Er upprunaliga ein mariumessa og varð hildin til minnis um vitjan Mariu í halgidóminum 40 dagar eftir føðingina, sum siður var hjá jødiskum konum. Henni til minnis og barninum til heiðurs vórðu kertur og kyndlar tendraði, og av tí kemur navnið missa candelarum. Navnið candela merkir vaksljós. Victor Danielsen doyði hendan dagin í 1961. Frá mánadegnum 16. til fríggjadagin 27. januar var Fríði Magnusson Olsen, sum gongur í 9. a í Runavíkar skúla, í starvsvenjing á Bila­ søluni í Hoyvík. Fríði er 15 ára gamal (verð­ ur 16 í mai) og ritu­víkingur. Honum dámar væl at skúva og arbeiða við ymiskum mek­aniskum, tí valdi hann at koma á eitt bilverkstað í starvsvenjing. Har fekk hann innlit í hvussu tað gongur fyri seg. Honum dámdi best á skaða- og lakkeringsdeildini. Fríði sigur við Sosialin, at hann ger ongan ítrótt, men hann hjálpir ofta beiggja sínum at bóndast. Annars kundi hann eisini hugsað sær at havt okkurt arbeiði afturat, so um onkur hevur brúk fyri ein stórum og sterkum manni at hjálpa sær, so er bara at ringja til 261920. Fríði Magnusson Olsen, Rituvík: Í starvsvenjing á Bilasøluni í Hoyvík Hotel Hafnia hevur fingið nýggjan chefkokk. Hann eitur Magni Jakobsen, er 31 ára gamal og úr Havn Tíðindaskriv Magni byrjaði sína hotel karrieru á Hotel Hafnia fyri nærum 10 árum síðani. Tá byrjaði hann sum uppvaskari í køkinum, var seinni av­­ loysari fyri húsavørðin og fastur náttarvaktur. Áðrenn hann fór til Danmarkar at læra til kokk, arbeiddi hann tvey ár í móttøkuni. Tískil hevur Magni gott innlit í øll viðurskifti á hotellinum. Í Danmark byrjaði hann í læru á teirri kendu og virdu matstovuni, Restaurant Sai­ son, har hann arbeiddi undir Erwin Lauterbach, sum er kendur í kokkaverðini um allan heim. Har arbeiddi hann eisini saman við ”År­ets kok ’99”, Rasmus Grønbeck. Bróðurpartin av læru­ tíðini var hann á Hotel D´Angleterre, sum er eitt av teimum fáu 5 stjørnaðu hotellunum í Danmark og partur av “Remmen Hotels”. Tað var tá eisini tað einasta danska hotellið í ”Leading Hotels of the World” sam­ takinum. Her hevði hann m.a. heið­urin at borðreiða fyri Margrethu Drotning og øðrum kendum fólkum sum t.d. Dalai Lama, Bruce Springsteen, Mike Tyson og EU leiðarum. Krydd-gentan, Mel C., bílegði eisini hansara góðu grønmetissuppu at hava við í termofløsku á pallin at mýkja røddina undir solo- konsertini í Parkini. Í lærutíðini arbeiddi hann í frítíðini eisini fyri aðrar fyritøkur, m.a. hevur hann gjørt mat til tann danska aðalin á “Den Kongelige Skydebane, Sølyst”. Harafturat var hann fast í vælútbygdu ostadeildini hjá ISO, har hann lærdi alt, sum er vert at vita um ostar. Sum partur av lærutíðini í ”Remmen Hotels” arbeiddi hann eisini á Sophie Amalie Hotel í Nyhavn. Har fekk hann møguleikan at vera útsendur til tað luxuriøsa ”Chateau Eza” í Frankaríki, sum hevði eina Michelin stjørnu. Hetta slottið liggur uttast á einum forbergi í Nice, og er útnevnt ”Luxury Small Hotel of the World”. Sostatt hevur starvsleið hansara frá uppvaskara til chefkokk verið long og fjølbroytt, men nú er hann so komin á rætta stað, og væntað vit at fáa stóra gleði av hansara dugnaskapi og kunnleika her á Hotel Hafnia. Eitt tað, sum hann serliga hevur tikist við, síðani hann byrjaði í nýggja starvinum, er, umframt tað vælumtóktu kvinnubuffetina, at snikka saman eitt nýtt à la carte kort til matstovuna. Har eru nógvir góðir rættir í at velja, sum hava støðið í teim góðu rávørunum, sum tað er gjørligt at fáa í Føroyum og til Føroyar. M.a. er av­tala fingin í lag við Hera Guttesen og Trónd Niclasen úr Bø um at keypa ½ ára gamlir kálvar frá teimum, so at vit nú kunnu bjóða lekkurt kálvakjøt úr Bø. All­ ir rættirnir á kortinum eru merktir av tí nýggja rákinum innan matvørulist í Europa og eru sera spennandi. Nýggja à la carte kortið byrj­ aði 30. januar. Nýggjur chefkokkur á Hotel Hafnia