hósdagur 2. februar 2006síða 15

Nr. 24 - 2. februar 2006 15 Høgni hóttir James Blunt James Blunt liggur aftur hesa vikuna ovast á 15 teimum bestu, men vinnarin av planetini fyri bestu fløgu Høgni Lisberg er um at koppa fyrrverandi NATO- hermanninum. Niels Uni Dam nielsuni@sosialurin.fo Høgni Lisberg og lagið, Learn To Ride On Waves, hava seinastu vik­urnar klatra stig fyri stig upp eftir 15 teimum bestu. Lagið hjá unga leirvíkinginum er hesa vikuna komið upp á annað pláss, beint í hølunum á Goodbye My Love hjá James Blunt. Learn To Ride On Waves, ið er tikið av bestu fløguni í 2005, Morning Dew, er higartil størsta hittið hjá Høgna, og hevur uttan iva verið ein av orsøkunum til, at heilt nógv sms atkvøddu Morning Dew, sum bestu fløgu á Planet Awards. Í seinastu sending kom danskt/føroyski bólkurin Fuzzphase inn á fimta pláss, men hetta tykist mest at hava verið eitt upplop, tí hesa vikuna er bólkurin dottin ikk i færri enn seks pláss niður á ellinta pláss. Samstundis roynir enn eina útiseta bólkur seg við einum eykalag, talan er um Amazonair við føroyska gittarleikaranum Pæturi Sivertsen. Lagið hjá bólkinum Because Tonight, fekk sera góða umrøðu, tá bólkurin í fjør luttók í donsku tón­ leikakappingini Live Con­test. Poppkorn hava ikk i long­ur lagið, Sjeikurin, á listanum tí tað er fall­ ið fyri tíðarfreistini, í stað­in er hesa vikuna lagið “Droymi mitt um dagin” komið inn, lagið kom beint inn á tíggjunda pláss. Hini føroysku løgini á listanum er Grannin hjá Páll Finnur Páll á sætta plássi og Timburmenn hjá Peturi Pólsyni, ið er á fjúrtanda plássi. Í gjár byrjaði tíðindamaðurin Georg L. Petersen í nýggjum starvi á tíðindadeildini í sjónvarpinum. Georg hevur seinnu mongu árini annars starvast á Dimmalætting, og hann er eisini ein av eigarunum av blaðnum Starvssetan Terji Nielsen terji@sosialurin.fo Sjónvarpsheimurin er tó ikk i heilt fremmandur fyri Georg, tí tá ið hann gekk á journalistskúla í Danmark, var hann eitt skifti í starvs­ venjing í Sjónvarpi Føroya. Vil royna okkurt nýtt Spurdur, hvussu tað ber til, at hann hevur valt at fara av Dimmu oman í sjónvarpi, sigur Georg L. Petersen: – Eg vildi fegin royna okk urt nýtt, um møguleiki var fyri tí. Eg haldi eisini, at tað er umráðandi, at man heldur seg koyrandi og ikk i læsur seg fastan í einum starvi, sigur Georg L. Petersen. Sum áðurnevnt hevur Georg áður havt sína dagligu gongd í sjónvarpinum, og tá ið hann lærdi til tíðinda­ mann, skrivaði hann eis­ini høvuðsuppgávu í sjón­varps­ miðlinum. Georg greið­ ir eisini frá, at seinasta se­mestrið hjá honum á skúl­ anum var um sjónvarp, og at hann altíð hevur havt stóran áhuga fyri hesum miðli. At Georg nú er farin at starvast í einum loftmiðli, merkir tó ikk i, at hann hevur vent blaðheiminum bakið: – Hetta er framvegis í sama yrki, og eg havi avgjørt ikk i sagt blaðheiminum far­ væl. Tað var eisini í fullari sátt og semju, at eg fór av Dimmu, og eg havi smekk að nakra hurða aftan fyri meg, sigur Georg L. Petersen, sum væntandi fyrstu ferð verður at síggja á skíggjanum í Degi og Viku sendingini í kvøld. Georg nú í sjónvarpinum Georg L. Petersen, tíðindamaður, byrjaði í gjár í nýggjum starvi í sjónvarpinum, eftir at hann seinnu mongu árini hevur starvast á Dimmalætting, har hann eisini er ein av eigarunum Leygardagin hevur skeið fyri systkin hjá menningartarnaðum. Sagt verður, at tað er stórur tørvur hjá systkinum at hitta onnur børn, sum eru í somu støðu sum tey Skeið Terji Nielsen terji@sosialurin.fo Tað verða tey bæði Terji Koll­sker, sálarfrøðingur og Angela Petersen, sum er náms­frøðingur og hevur eina vaksna menningartarnaða systir, ið skipa fyri skeið­ inum. Hava góðar royndir Fía Petersen, ið er ein av stig­ takarunum til skeiðið, sigur, at hetta er ikk i fyrstu ferð, at Javni skipar fyri einum slíkum skeiði. – Vit hava roynt tað nakrar ferðir áður, og tað hevur ver­ið við góðum úrsliti. Sein­astu ferð, at vit høvdu eitt slíkt skeið, var í 2002, og tað eydnaðist avbera væl. Millum annað tóku nøk­ur av børnunum stig til sjálvi at gera ein leik um eina familju við einum menningartarnaðum barni, og tann leikur lýsti ógvuliga væl nakrar av teimum trup­ ul­leikum, ið stinga seg upp í eini slíkari familju, og tá kom nógv fram. Tað skeiðið var tóætlað eitt sind­ur eldri børnum, enn skeiðið komandi leygardag er, greiðir Fía Petersen frá. At vaksa upp sum systk­ in hjá einum menn­ing­ar­ tarnaðum barni, er ikk i altíð líka lætt, og Fía Petersen sig­ ur, at børnini eisini skulu liva við, at teirra familja er eitt sindur øðrvísi enn aðrar familjur. – Tað menningartarnaða barnið fyllir nógv í dag­lig­ degnum hjá familjuni, alt eftir hvussu stórt brek tað hevur. Av somu orsøk blíva systkini eisini meira tolerant og helst eisini sjálvbjargin, sum sjálvsagt er gott. Hin­ vegin kann tað eisini hava við sær, at børnini ikk i vilja út við nøkrum kenslum, sum tey kanska halda ikk i eru loyvdar, og tað kann verða óheppið, siga tey í Javna. Bæði prát og handaligt Skeiðið, sum verður í høl­un­ um hjá Javna leygardagin, verður skipað á tann hátt, at teir 23 luttakararnir, ið higartil hava teknað seg til skeiðið, partvís arbeiða saman og partvís í tveimum bólkum. – Teir báðir skeiðsleið­ar­ar­ nir fara at tosa við børnini í felag, men tey fara eisini at býta børnini upp í tvey. Tá fer Terji Kollsker at tosa við børnini meiri út frá einum sálarligum sjónarmiði, meðan Angela Petersen fer at gera okk urt meiri handaligt við teimum. Nú veit eg ikk i nágreiniliga, hvussu hetta verður gjørt hesaferð, men seinast var tað nakað við, at børnini málaðu nakrar kenslur, ið tey høvdu, greiðir Fía Petersen frá. Hon heldur, at tað er sera stórur tørvur á slíkum skeiðum, og luttakarartalið á skeiðnum skuldi verið eitt gott prógv um tað. Skeið fyri systkin hjá menningartarnaðum Tað hevur víst, at tað er stórur tørvur á skeiðum fyri systkum hjá menningartarnaðum, og tí skipar Javni fyri einum slíkum komandi leygardag. savnsmynd