fríggjadagur 3. februar 2006síða 15

Nr. 25 - 3. februar 2006 15 Bóka- útsølan nærkast 29. mars – 6. mai 2006 verður aftur skipað fyri stórari várútsølu av føroyskum bókum Bókaútsøla Í 1988 varð fyrstu ferð skipað fyri útsølu av før­oyskum bókum. Bók­handlarafelagið og Bókadeild Føroya Lærara­ felags skipaðu fyri, og var hetta stórhending tá. Nú vóru so nógvar føroyskar bøkur, at til bar at skipa fyri rimmar útsølu við fleiri hundrað bókum. Kortini er tað greitt, at føroyski bóka­markn­ að­urin er so mikið av­markaður, at tað ber ikki til at halda útsølu hvørt ár. Tí er føroysk bóka­útsøla bara 3. hvørt ár – og bøkurnar, ið verða seldar á útsølu, skulu í minsta lagi vera 3 ára gamlar. Tá ið tær hava verið á tveimum útsølum, sleppa tær ikki við aftur. Nú er so aftur bóka­út­ søla á skránni í døg­un­ um 29. mars til 6. mai. Bókadeild Føroya Lær­ ara­felags sendir í hesum døgum bræv til øll forløg, har boðað verður frá hes­ um og greitt verður frá treyt­unum at sleppa upp í part. Lýsing verður eisini sett í bløðini, so fólk, ið kanska eiga bøkur, sum stig­takararnir ikki vita um, kunnu gera vart við seg. Stór útsøluavís verður prentað og send í øll hús í landinum nakrar dagar, áðrenn útsølan byrjar. So kunnu fólk í frið og náð­um kunna seg við út­sølubøkurnar. Um fólk hava spurningar ella hug at práta við onkr­ an um útsøluna, eru tey vælkomin at tosa við Kára Árting í Bókasøluni í SMS (319575) ella við Niels Jákup Thomsen á Bókadeildini (317644). Ikki færri enn 2000 vitjanir hava verið á heimasíðuni www. eitt-fo.net, sum er kunningarsíða um fagnaðargonguna fyri føroyskum fjøl­ broytni, sum verður leygardagin. Hetta taka stigtakararnir sum greiða ábending um, at skarin verður stórur Fagnaðargonga Eina bylgju at kærleika hev­ ur onkur kallað fagnaðar­ gonguna, sum fer úr Sjón­ leikarhúsinum í Havn leyg­ ar­dagin klokkan 14 oman á Vaglið. Og tað er fitt sagt, so fyrireikararnir eru sjálvandi samdir, siga teir. Nú beint upp undir tiltakið halda tey seg hartil síggja greiðar ábend­ingar um, at skarin í gøtunum í Havn leygardagin verður stórur. Í dag høvdu einar 2.000 vitjanir verið á heimasíðuni, eitt-fo.net, sum er kunningarpallurin hjá fagnaðargonguni. Nøkur ein­tøk av plakatini, sum Suffía við Stein á Reproz hevur gjørt, eru hongd upp í høvuðsstaðnum, men øll kunnu taka hesa sera sigandi og snøggu plakat niður av somu heimasíðu og prenta hana út. Tónleikur fyri øll Fyrireikararnir frætta ann­ ars, at fólk úr alskyns um­ hvørv­­um ætla sær við til fagn­aðin. Sum tað ljóðar, verður Miðbýurin í Havn ein væl­signaður vavgreytur av dialektum, lívsáskoðanum, aldursbólkum og frábrigdum annars. Umframt nógv spæl, sang, gykl og góð orð, fer ein sonn tónleikalig spreinging at gella heilt úr Tórsgøtu nið­an í Norðurlandahúsið. Vit fara millum annað at hoyra: Dejavu, Havnarkórið, Kára Sverrisson, Lama Sea, Marius, Nikos Kapnas, Seks Stórar Veðrar við horn­um, Spælimenn og 200. Nevn­ast kann, at Seks Stórir Veðrar er messingsekstett við navnframa trombon­leik­aranum, Dávi Juul Magn­ussen, og at 40 ára gamla føðingardagsbarnið, Havn­arkórið, við Ólavi Há­tún á odda, fer at hava stórfingna konsert í Norð­urlandahúsinum aftan á fagnaðargonguna. Karin og kakao Klóka konan Karin Kjølbro kemur eisini við. Hon fer at siga nøkur ógloymandi góð orð um tað einfalda at vísa hvør øðrum virðing og geva hvørjum einstøkum borgara pláss og møguleika at liva lukkuliga her í landinum, sum vit øll elska. Og børnini? Nei, tey verða ikki slept upp á fjall men oman í Tórsgøtu. Tí við sunnara enda á Margarinfabrikkini er nevnliga okkurt deiliga ósunt á skránni. Har fæst GARA­SJUKAKA Í KAKA­ GARASJU. Tey børn, ið klára at siga hetta uttan himpr, fáa ókeypis kakao, bollar og góðgæti. Og hini, sum tíverri ikki klára tað, fáa sjálvandi eisini kakao, bollar og góðgæti fyri einki, siga fyrireikarnir, sum enda sína fagnaðar fráboðan um føroyskt fjølbroytni við orð­ unum hjá Paul Eluard: Okkum er til eydnu lagað at gera vatn til ljós, fáa dreymar í verk, gera óvin til vin. ave Í dag letur nógv um­røddi listamaðurin Ole Wich upp fram­ sýn­­ing í Leikalund í Klaksvík, har millum annað verk, sum ímy­ nda Klaksvík nú og í framtíðini eru at síggja Listaframsýning anna@sosialurin.fo Listin hjá Ole Wich er altíð skipað kring eitt konsept, sum síðani ger av, hvørjum miðli verkið verður gjørt í. Hann hevur arbeitt við akv­ ar­ell og máling, skulpturi og kollagum, teksti og ljóð­ kollagum, tónleiki og dansi, installatión og list í miðlum og á alnetinum. Náttúra og politisk list À framsýningini í Leika­lund eru millum annað gra­fikk­ prent úr røðini “Stara­blindi” um føroyska staran at síggja. Myndirnar vísa star­an, Stur­ nus vulgaris faro­ensis, sum ongin hevur sæð hann fyrr. Eisini verða tríggjar máln­ ingakollagur at síggja, sum ímynda Klaksvík nú og í fram­tíðini. Seinastu tvey árini hevur Ole Wich havt installatiónir við á G!-festivalinum – í 2004 saman við Tummas Ják­up Thomsen, har hann sýndi fram verkið “Køsturin”, har tankin var bert at brúka skramb­ul og annað tilfar, sum longu var at finna í bygn­inginum, har verkið varð sett upp. Listamaðurin Goodipal hevði tá tvær kon­sertir í bygn­inginum. Til G!-festivalin í fjør gjørdi Ole Wich verkið “Torturur á G!” Installatiónin varð gjørd eftir áheitan frá Amnesty International, Før­oya Deild, sum skeyt upp, at Ole Wich varpaði ljós á tortur við at gera eitt torturkamar á festi­ valinum, so fólk kundu fáa eina kenslu av slíkum brots­verkum, sum verða framd hvønn dag kring í heiminum. Seinasta verkætlanin hjá Ole Wich var nógv umrødda HomoFObia verkið, sum varpar ljós á støðuna hjá teimum samkyndu í Før­ oyum. Við myndum á al­netinum festi verkið skjótt í eitt kjak um trongskygni og talufrælsi í Føroyum. Endurskoðað fatan av gomlum ímyndum Í næstum fer Ole Wich at arbeiða við fotoverkinum “Land­­nem”, sum snýr seg um at skapa eina aðra fat­ an av kroppi og føroyska landslagnum. Ì løtuni arbeiðir hann við verkinum “Den blinde plet”, sum snýr seg um føroyska nationalismu og eina endurskoðaða fatan av ímyndini Nólsoyar Páll. Eisini arbeiðir hann við verk­inum, “vitaminnord.info”, sum snýr seg um at skipa ein dátugrunn á alnetinum yvir útlendingar, sum hava latið týðandi íkast til føroyska mentan. Á heimasíðuni www.ole­ wich.com ber til at síggga eitt yvirlit yvir verkini hjá listamanninum. Framsýningini hjá Ole Wich í Leikalund letur upp í dag kl 16.00 og verður at síggja allan februar mánað. Ein bylgja av føroyskum fjølbroytni Suffía við Stein, grafikari hevur gjørt plakatina til fagnaðargonguna fyri føroyskum fjølbroytni Ole Wich í Leikalund Skrá Fagnaðargonga. Leygardagin 4. februar kl. 14 • Vit savnast við Sjónleikarhúsið klokkan 14. • Gongan fer oman eftir Niels Finsens gøtu við tónleikarum, bannarum og gyklarum á odda. • Við Steinatún verður steðgað. Við slagorðunum »Píka! Tit eru ikki øll líka« fer maður, sum hevur skil fyri menn­­iskja­ligum frábrigdum, at skilja gánandi gonguna sundur. • Gongan heldur lýðin leiðina fram oman á Vaglið, har hildið verður fram við hesi dagsskrá: • Háfloygdur einglaleikur. • Salsastúvningur í rútmugrýtu (fólk verða stúvað saman og hitað upp við roðandi karibiskum rútmum). • Klók kona sigur nøkur kærleiksfull orð. • Talukór. • Felags sangur. Aftaná tiltakið á Vaglinum fáast bollar og kaka í KAKAGARASJUNI í Tórsgøtu, - gakk eftir luktinum! Síðani fara øll tuskandi yvir í Tórsgøtu, ið er umbroytt til Tónleikagøtu: • Á Margarinfabrikkini eru sangir og søgur til børn. • Á Meiarínum ræður rokkurin. • Í Miðlahúsinum eru trubadurar og fólkatónleikur. Umframt tónleikin í Tórsgøtu er konsert í Norður­ landa­húsinum • Í Norðurlandahúsinum Kórsangur við Havnar­ kórinum Skrá fyri tónleikin: Í Miðlahúsinum: Spælimenn (Jákup Lutzen, Sharon Weiss, Hilmar Joensen, Ívar Bærentsen, Kristian Blak, o.fl.) Kári Sverrisson Nikos Kapnas (violin/bratsch) Búi Dam Trio (Búi Dam, Mikael Blak, Rógvi á Rógvu) Knút H. Eysturstein (og Heðin Ziska Davidsen) Seks Stórir Veðrar (messing sekstett: Tróndur Olsen, Ken Jones, Niklas Mouritsen, Pauli Petersen, Dávur Juul Magnussen, Glenn Samuelsen) Á Meiarínum: Marius, 200, Lama Sea, Dejavu Á Margarinfabrikkini: Søgur, spøl og sangir fyri børnum við Hjørdis Johansen og fleiri frá Dramaverkstaðnum Í Norðurlandahúsinum: Havnarkórið við Ólavi Hátún á odda, Kórið hevur 40 ára jubileumskonsert leygardagin kl 16:00 í Norður­ landa­húsinum.