fríggjadagur 10. februar 2006síða 9

Nr. 30 - 10. februar 2006 9 tað ringasta Fríðgerð Heinesen er borgarstjóri í Leirvík. Hon fegnast um, at bygdarráðið nú stendur saman um fjøruloysnina við tunli, men hon er ikki sannførd um, at landsmyndugleikarnir fara at ganga ynskjunum hjá einmælta bygdarráðnum á møti Mynd: Vilmund Jacobsen Borgarstjórin í Leir­ vík, Fríðgerð Heine­ sen, heldur ikki, at Tavan og virk­semið á havna­lag­num annars nýt­ast at stúra fyri so nógvum órógvi, meðan arbeiðið við fjøruloysnini verður framt Leirvík Vilmund Jacobsen vilmund@sosialurin.fo Sum vit áður hava nevt í Sosialinum, stúrur í hvussu er ein partur av vinnuni í Leirvík fyri órógvi, um ein fjøruloysn – við ella uttan tunnil – verður framd í staðin fyri ætlaði vegurin omanfyri bygdina. Tavan í Leirvík hevur bein­ leiðis mótmælt eini verkætl­ an um fjøruloysn við ymisk­ um grundgevingum. Felagið stúrir fyri, at møgu­ leikarnir fyri útbygg­ingum og dagliga arbeiðnum við virkini á havnalagnum verða skerdir við eini fjøruloysn. – Flestu virkir í dag hava eisini tørv á stórum øki til eitt nú bilstøðlar, sigur fe­lagið. Tavan heldur eisini, at ant­ in talan verður um fjøruloysn við ella uttan tunli, verður virksemið í minsta lagi rætti­ liga nógv órógvað, meðan verkætlanin verður framd. Hetta heldur felagið ikki kann umgangast. Ikki avbrot Borgarstjórin í Leirvík, Fríðgerð Heinesen, heldur hin­vegin, at Tavan og virk­ semið á havnalagnum annars ikki nýtist at stúra fyri so nógvum órógvi, meðan ar­ beiðið verður framt. – Vit hava tosað við NCC og J & K Petersen um, hvussu teir kundu hugs­að sær, at ætlanin verður framd. Felagið sigur, at ætlanin er at bera so í bandi, at eitt pettið verður gjørt í senn, soleiðis at avbrotið verður minst møguligt. Soleiðis vil felagið syrgja fyri, at lagt verður omanyvir aftur so hvørt, sum tunnilin omanfyri virkini verður bygdur. Fríðgerð heldur ikki, at nak­ ar vandi er fyri, at vegurin til virkini verður avbrotin, so ikki verður komandi til og frá. – Tað verður alla tíðina kom­andi til virkini, antin sunnanfyri ella norðanfyri, staðfestir hon. 18 mánaðir Hon vísir á, at við í verk­ ætlanini verður eitt nú ein fylling norðanfyri, har nið­ ur­koyringin verður til tunn­ ilin. – Eg vænti, at koyrandi verður niðanfyri ætlaða tunn­ ilin og út á havnalagið, tá ið henda fyllin er komin. Fríðgerð Heinesen væntar tí ikki, at talan verður um nakað serligt avbrot, meðan verkætlanin verður framd. NCC og J & K Petersen hava sagt, at tað fer at taka feløgunum tilsamans 18 mán­aðir at fremja arbeiði – frá tí, at ”spakin” verður sett­ur í, til koyrandi er. Vinnan skal ikki stúra fyri avbroti Virkini stúra fyri avbroti og skerdum útbyggingarmøguleikum, um fjøruloysnin verður framd Mynd: Vilmund Jacobsen