fríggjadagur 10. februar 2006síða 23

Nr. 30 - 10. februar 2006 23 Birita Wardum kemur heim at styrkja um hópin, sum eisini hevur Ásu á Neystabø á navnalistanum Kvinnufinalan Jákup Mørk jakup@sosialurin.fo Talan var um beiskan bita, tá Neistin í fjør mátti lúta fyri Stjørnuni í finaludystinum. Leingi hevði Neistin tá bestu kortini á hondini, men at enda koppaði javnvágin kort­ini. Sama søgan hevur eisini endurtikið seg einar tvær ella tríggjar ferðir síðani tá, og ti skal eingin ivast í, at talan verður um nakrar uppsettar spælarar, sum fara á vøllin leygardagin. Loysir seg ikki Hóast uppsettar, so hava tær í Neistanum tó roynt at fyri­reika seg til dystin á van­ ligan hátt. – Tað loysir seg nokk sjáld­ an at blása fyrireiking­arnar til slíkar dystir ov nógv upp. Vit vita allar, hvat hetta snýr seg um, og tí mugu vit syrgja fyri at fáa okkara besta spæl fram. Og so ikki meira enn tað, heldur Annika Thomsen, sum væl kann verða ein av heilt týdningarmiklu spæl­ arunum leygardagin. Hon sigur, at tær høvdu sína seinastu venjing hós­ kvøldið. Fríggjadagin skuldu tær hittast at síggja seinasta dystin, sum tær spældu móti Stjørnuni, og í aðrar mátar mugu tær so bara fyrireika sum vant. Styrktur hópur Við at hyggja at navnaseðl­ in­um, so sæst kortini, at Neist­in hevur lagt nógv fyri í fyrireikingunum til dyst­in. Birita Wardum, sum hevur verið uttanlands í nøkur ár, men sum spældi við alt grundspælið, kemur heim til dystin. Hartil er Ása á Neystabø nú eisini tøk. Hon breyt annars hond­ina, tá Neistin seinast spældi móti Stjørnuni, men sein­ astu vikuna hevur hon vant, og hon verður tí helst í hóp­ inum. Hartil hevur eisini ver­ ið tosað um at fáa Anniku Ljósstein heim til dystin, men tann ætlanin er so slept, skilst. Tað kundi annars verið eitt lítið kuriosum í hesum, tá Annika hevur fingið sína hondbóltsuppaling í Stjørn­ uni. Halda góðu gongdini Tá tosið fellur inn aftur á sjálvan dystin, heldur Annika, at tær fyrst og fremst mugu hugsa um seg sjálvar í fyrireikingunum. – Tað hevur gingið væl sein­astu dystirnar. Eftir at vit í fyrru hálvfinaluni móti StÍF spældu ein vánaligan dyst, hava vit veruliga lyft okkum. Spælið hevur koyrt væl, og tað verður eisini neyðugt leyg­ardagin. Uppskriftin verð­ur tann vanliga, har vit fyrst og fremst skulu fáa verjuna at rigga, og síðani kunnu vit so byrja at hugsa um álopspartin, heldur hon. – Vit vilja í øllum førum gera alt tað, sum vit eru mentar, soleiðis at tað hesa ferð verður okkara túrur at lyfta steypinum, slær Annika Thomsen fast at enda. Sleppur Una Olsen aftur í ár upp á pallin eftir Coca- Cola steypinum, fær Stjørnan samstundis steypið til ognar Kvinnufinalan Jákup Mørk jakup@sosialurin.fo Í Klaksvík royna spælararnir at gera sum minst burturúr, at dysturin leygardagin er eitt sindur meira serligur enn aðrir dystir. Sum so kunnu tær kanska eisini taka tað nakað róligt, tí hetta at spæla avgerandi dystir er so ikki nakað nýtt fyribrigdi hjá liðnum. Tær hava at kalla verið fast­ur partur av føroyska hondbóltsoddinum seinastu fimm-seks árini. Og tey bæði seinnu árini hevur hetta givið úrslitð í millum øðrum tveimum vunnum steypa­finalum. Hugurin at spæla finalur hvørvur tó ikki, bara tí spæl­ arar eru vanar við hetta. Og Una Olsen, liðskipari á lið­num, er eisini skjót at staðfesta, at tær eru spentar til dystin. – Tú verður ongan tíð troytt av at spæla slíkar dyst­ ir. Um nakað, so er talan um ein enn meira serligan dyst hesaferð. Vinna vit, so hava vit jú vunnið steypið trý ár á rað, og tí kunnu vit tryggja okkum tað til ognar, sigur hon. Í finalu kann alt henda Finalusigurin fyri einum ári síðani kom til høldar eftir dyst móti Neistanum, sum jú eisini er mótstøðuliðið leygardagin. Ta ferðina vóru tað tó leingi tær bláu, sum høvdu munin, men at enda knógvaðu reyðu stjørnurnar kortini mótstøðuni. Ein dyst­ ar­gongd, sum eisini hevur endurtikið seg einar tvær- tríggjar ferðir, tá Stjørnan og Neistin hava spælt. Vísandi til hetta slær Una eisini fast, at talan ikki verður um nakran lættan dyst. – Tað plagar jú at verða tikið til, at ein finala er ein finala. Tað er bara ein dystur, har alt verður avgjørt, og tí kann alt henda. Og Neistin hevur eisini eitt gott lið. Tal­ an hevur ofta verið um sera tættar dystir móti teimum sein­asta árið. So vit taka einki fyri givið. Hugsa ikki sum favorittar Skal metast um sannlíkið und­an dystinum, so munnu tey flestu nokk meta Stjørn­­una sum favoritt til steyp­ið. Bæði tí Stjørnan í landskappingini hevur sýnt seg sum sterkasta liðið. Men kanska eisini, tí Neistin enn ikki hevur megnað at bast klaksvíkarkvinnunum, hóast møguleikin onkra tíð hevur verið heilt stórur. Nakað, sum kanska bendir á, at Stjørn­an er tað avgerandi pett­ið kaldari, tá avgerandi støð­urnar í dystinum eru. Una vil sum so ikki av­ vísa, at hetta ger Stjøruna til favorittar. Men hon av­sann­ ar púrasta, at hetta er nak­ að, sum spælararnir taka til sín. – Tá úrslitini hava verið, sum tey hava verið, so eru vit kanska betra liðið á pappír­ inum. Og sum so trívast vit ikki illa sum favorittar. – Men tú skalt eisini minn­ ast til, at Neistin hevur eitt fínt hondbóltslið, sum hev­ ur havt sera góð úrslit sein­ astu tíðina. So talan verð­ur um ein knallharðan dyst. Tað ræður um at koma væl ígongd við dystin uttan ov nógvar nervar. Og so má verjan fáast at rigga alt fyri eitt. Ger hon tað, so plagar restin av spælinum at fylgja við av sær sjálvur, sigur lið­ skiparin hjá Stjørnuni. Ein liðskipari, sum vónar, at hon leygardagin fyri triðu ferð á rað kann lyfta stór steypið upp móti stjørnunum. Neistin styrkir seg til finaluna Við skotsterka vinstra arminum kann Annika Thomsen væl gerast ein av heilt týðandi Neista-spælarunum í kvinnufinaluni leygardagin Stjørnan vil eiga steypið Tvær tær seinastu steypafinalurnar hevur Una Olsen lyft Coca-Cola steypið. Ger hon tað aftur hesaferð, er steypið ogn hjá Stjørnuni Dystir um vikuskiftið Coca-Cola kappingin, finalur Kvinnur Dagur Kl. Dystur Dómarar 11.02 15.00 Neistin-Stjørnan Heri Petersen & Dánjal Samuelsen Menn 11.02 17.00 VÍF-StÍF Eyðun Samuelsen & Andreas F. Hansen Flogbóltur Meistaradeild kvinnur 12.02 14.00 KÍF-Mjølnir ÍF 12.02 15.00 TB-SÍ Dráttur Meistaradeild menn 12.02 16.00 Nøvan-Mjølnir SÍ