mánadagur 13. februar 2006síða 23

Nr. 31 - 13. februar 2006 23 Toppdysturin í Havn endaði við tepr­um sigri til vest­ mannaliðið. Teir eru nú hálvt stig fremstir undan seinasta um­fari. Eisini er sera spennandi í botn­ inum Talv Carl Eli Nolsøe Samuelsen Tað kann ikki verða meira spennandi. Hetta minnir ikki sørt um fótbóltskappingina í fjør, tá einki var avgjørt und­ an seinasta umfari í dystinum um gullið, eins og fleiri lið stríddist í botninum. Vestmenningar hava spaku­­liga etið seg inn á havn­­ar­menn. Eitt skiftið vóru havnarmenn tvey stig fremstir, men seinastu fýra umførini hava vent gongd­ ini. Hetta vikuskiftið var dup­ ultumfar á skránni og tískil var nógv uppá spæl hjá øll­ um seks liðunum. Alt var og er enn púra opið í toppi og í botni. Samson legði Helga Spenningurin var í hæddini tá oddaliðini settust við talv­borðið í hølum Havnar Telvingafelags í 8. umfari leygardagin. Skjótt sást, at vestmenningurin á triðja borði, Samson Højgaard, hevði greiðan fyrimun ímóti stjørn­uni Helga D. Ziska. Helgi hevði telvað óneyvt og Samson revsaði hetta á bestan hátt og hevði longu í miðspælinum ein rók meira. Hóast Helgi treiskaðist, var eingin ivi um úrslitið. Tey mongu sum høvdu væntað eitt trygt stig til Havnina á 3. borði, fóru so dyggiliga skeiv. Martin Poulsen hevði fyrr í talvinum ímóti John Rødgaard havt fyrimun, men mátti geva seg eyka nógv fyri at halda javnvágina í einum torførum endatalvi. Hetta eydnaðist honum. Talvið á 2. borði var rætti­liga javnt. Við trimum finnum fleiri, leikti Carl Eli N. Samuelsen fyrst skeivt í herviligu tíðarneyðini, fyri síðani fullkomiliga at kol­ lapsa. Olaf letur ikki slíkan møguleika fara og vann hann tí stutt eftir. Jákup á Rógvu Andreasen vann við góðum teknikki á Andrias Ziska. Ein óføra flottur sigur til vestmenningar. Fyri fyrstu ferð í kappingini lógu teir nú einsamallir fremstir. VT 22,5 og HT 21,5. Í Kollafirði vann útiliðið Klaksvík 2 tepran 2,5 – 1,5 sigur. Rani Nolsøe av­­gjørdi dystin við sínum sigri á Torbjørn Thomsen. Hini trý talvini endaðu við javnleiki. Klaksvík 1 og Hvalvík leiktu 2-2. Øll talvini endaðu við javnleiki. Ikki stórvegis broyttist í botnstríðnum eftir 8. umfar. 9. umfar Dysturin millum Vestmanna og Klaksvík 1 kundi eins væl endað við javnleiki, men oftani hava oddalið ­ eyka í sær. Í einum rætti­ liga javnum endatalvi, eydn­ aðist tað Jákup á R. Andrea­ sen at vinna á Tumm­as Mart­ini Sólsker. 2,5-1,5 til Vestmanna. Framanundan høvdu John Rødgaard og Ólavur Sim­­onsen leikt javnt. Carl Eli vann trygt sítt talv ímóti Finnbjørn Vang, meðan Wille Olsen bjargaði klaks­ vík­ingum eitt kær­komið stig, tá hann vann á Samson. Fegnir vórðu vestmenn­ing­ar tá Jákup avgjørdi dystin. Jákup hevur sanniliga verið raskur á 4. borði. Hann hevur nevnliga vunnið øll síni seks talv hann hevur telvað á 1. liði. Havnarmenn minka um munin Við 3-1 sigrinum á Klaksvík 2 minkaðu havnarmenn um munin. Nú er bert hálvt stig upp til oddaliðið úr Vest­ manna. Steintór Ras­mussen vann sum skilst eitt sera gott talv ímóti Olaf Berg. Martin vann eitt drúgvt talv á Rana og hinar uppgerðirnar vunnu havnarmenn eisini sum vænt­ að. Hóast greiða sigurin, eru havnarmenn valla nøgdir. Klaksvíksliðini eru nú jøvn aftast. Eingin dreymastøða hjá sigursvanda felagnum. Hvalvíkingar vunnu 3-1 á kollfirðingum. Við sigrinum hava hvalvíkingar loksins reist seg frá aftasta plássi. Men tryggir eru teir als ikki. Tað eru eingi av fýra teimum aftastu liðunum. Seinasta umfar verður 4. mars, tá allir dystirnir í øll­­um deildunum verða telv­ aðir undir somu lon í Vest­ manna. Vestmenningar møta kollfirðingum í 10. og sein­ asta umfari, havnarmenn skulu royna seg ímóti Klaks­ vík 1, meðan Hvalvik og Klaks­vík 2 leika triðja dystin í 1. deild. NM fyri unglingar verður komandi vikuskiftið í Finn­ landi. Vit fara í komandi talv­­­teigi at hyggja at og eftir­­­meta úrslitini hjá okkara besta ungdómi. Sandavágsgarpar Hugaligt er at sígga, at sanda­ vágsmenn veruliga hava brynj­ að seg út hetta kapp­ing­arárið. Teir hava longu við nærum 100 prosent vissu tryggj­að sær uppflyting úr 2. deild og í 3. deild eru teir eisini trygt fremstir. Og góði stimin endar ikki her, tí í unglingabólkinum eru teir í finaluni ímóti Róki. Fyrri finaludysturin endaði 2- 2. Seinni og avgerandi finalu­ dysturin verður 04. mars. Sunnudagin var steypa­kapping í am­boðs­fimleiki í høllini á Stórheyggi í Havn. Hetta var tann næsta av trimum steypa­kappingum. Hesaferð kappaðust fimleikararnir á gólvinum FIMLEIKUR Lív Reinert Kjeld liv@sosialurin.fo Sunnudagin var tann næsta av trimum steypakappingum hjá Føroya Fimleikasambandi á skránni. Hesaferð var tað Havnar Fimleikafelag, sum skipaði fyri. Umleið 20 fimleikarar frá Havnar Fimleikafelag, Ljósinum, Støkk og Klaksvíkar Fim­ leikafelag kappaðust á gólv­ inum. Fimleikararnir kappaðust eins og seinast í fýra bólkum; kvinnur, kvinnuunglingar, menn og mansunglingar. Kapp­ingin gekk skjótt og væl, og var sera spenn­andi. Fim­ leik­ar­ar­nir menna seg í hvørj­ um, og kapp­ing­in harðnar teirra mill­um. Tað sæst, at síðan lop­gólvið var keypt fyri nøkr­um árum síðani, eru am­boðsfimleikararnir í Før­oy­um farnir nógv stig fram. Seinasta steypakappingin í amboðsfimleiki á hesum sinni verður komandi leyg­ ardag í fimleikahøllini í Glyvra Skúla. Tá fara kvinn­ ur og kvinnuunglingar at kapp­ast á bitanum, meðan menn og mansunglingar skulu kapast í ringunum. Fim­ leikafelagið Støkk verður vert­ur fyri hesi seinastu kapp­ingini. Vestmenningar skutin frammanfyri Talvúrslit og -støður 8. umfar Havnin-Vestmanna 1,5-2,5 Martin Poulsen-John Rødgaard 0,5-0,5 Olaf Berg-Carl Eli Nolsøe Samuelsen 1-0 Helgi D. Ziska-Sasmon Højgaard 0-1 Andrias Ziska-Jákup á Rógvi Andreasen 0-1 Kollafjørður-Klaksvík2 1,5-25 Torbjørn Thomsen-Rani Nolsøe 0-1 Grettir Djurhuus-Steintór Rasmussen 0,5-0,5 Hanus Joensen-Rani Baldursson 0,5-0,5 Karl Louis Johansen-Rógvi Dragaberg 0,5-0,5 Klaksvík1-Hvalvík 2-2 Ólavur Simonsen-Haldur Suni Johansen 0,5-0,5 Finnbjørn Vang-Finnbjørn Zachariassen 0,5-0,5 Wille Olsen-Martin Brekká 0,5-0,5 Tummas Martin Sólsker-Sámal Christiansen 0,5-0,5 9. umfar Hvalvík-Kollafjørður 3-1 Haldur Suni Johansen-Hans Kristian Simonsen 0-1 Finnbjørn Zachariassen-Torbjørn Thomsen 1-0 Martin Brekká-Karl Louis Johansen 1-0 Gunnar Joensen-Jón Olsen 1-0 Vestmanna-Klaksvík1 2,5-1,5 John Rødgaard-Ólavur Simonsen 0,5-0,5 Carl Eli Nolsøe Samuelsen-Finnbjørn Vang 1-0 Samson Højgaard-Wille Olsen 0-1 Jákup á Rógvi Andreasen-Tummas Martin Sólsker 1-0 Klaksvík2-Havnin 1-3 Rani Nolsøe-Martin Poulsen 0-1 Steintór Rasmussen-Olaf Berg 1-0 Rani Baldursson-Helgi D. Ziska 0-1 Rógvi Dragaberg-Andrias Ziska 0-1 Støðan eftir 9. umfar 1 Vestmanna 25,0 2 Havnin 24,5 3 Kollafjørður 15,5 4 Hvalvík 15,0 5 Klaksvík2 14,0 6 Klaksvík1 14,0 Spennandi steypakapping í amboðsfimleiki Úrslitini sunnudagin vóru hesi: Kvinnur: Nr. 1 Elinborg T. Durhuus, Ljósið 7,6 stig Nr. 2 Anita Knudsen, Støkk 7,3 stig Nr. 2 Monika Poulsen, Støkk 7,3 stig Kvinnuunglingar: Nr. 1 Kristina Toftegaard, Støkk 9,3 stig Nr. 2 Silja Højgaard, Støkk 9,2 stig Nr. 3 Natasha Barbara Olsen, Ljósið 7,2 stig Menn: Nr. 1 Øssur D. Eiriksfoss, HF 8,45 stig Nr. 2 Høgni R. Øster, HF 7,75 stig Nr. 3 Rósing Dam, HF 7,6 stig Mansunglingar: Nr. 1 Olivur D. Eiriksfoss, HF 7,75 stig Nr. 2 Jákup Debus Hansen, Støkk 6,5 stig Nr. 2 Jóni Christiansen, HF 6,5 stig Havnar Fimleikafelag vann øll heiðursmerkini hjá monnunum. Øssur D. Eiriksfoss vann, Høgni R. Øster endaði á øðrum plássi, og á triðja plássinum var Rósing Dam