mikudagur 15. februar 2006síða 6

6 Nr. 33 - 15. februar 2006 Nógv hendur í Vágum um vikuskiftið. Vága­ tunnilin er ókepis og í samband við tað spíla vágafólk seg út við alskyns tiltøkum Vikuskiftið Inna Tørnroos inna@sosialurin.fo Tunnilin er ókeypis frá kl 06.00 leygardagin 18 februar til kl 06.00 sunnudagin kl 19 februar. Handlarnir í Vágum hava leingi opið leygardagin. Mat­vøruhandlarnir stongja kl 17.00 meðan alllir hinir hava opið til kl 20.00. Àrliga tiltakið hjá Lions Club Vágar verður í ítróttarhøllini á Giljanesi leygardagin. Tiltakið plagar at vera hildið føstulávints sunnudag, men er í ár flutt. Tiltakið er samstundis eitt sindur broytt í mun til tað siðbundna. Tað byrjar klokkan 17 við at formaðurin í LC Vágum, Dánjal Christoffersen bjóðar vælkomin, samstundis byrj­ ar eisini mattombola og kaffi­borð við køkum har til ber att keypa sær ein kaffimunn. Klokkan 18.00 letur stórt fiskaborð upp í fim­ leikarøllini, har Uni Gullfoss, kokkur, fer at borðreiða við nógvum ymiskum køldum fiskarættum. Brandur Enni syngur Tey, sum ikki eru so svong hava møguleika fyri at hoyra Brand Enni syngja inni í ítróttarhøllini. Tann framførslan byrjar eisini klokkan 18.00. Klokkan 18.30 byrjar bamsu­tombola, og klokkan 18.45 verður farið undir afturvendandi eydnuhjólið, sum vanliga hevur verið tað berandi á Lions tiltakinum á Giljanesi. Klokkan hálvgum átta byrjar mattombola, og ein hálvan tíma seinni, klokk­an 20.00, fer Magni Christi­ ansen at syngja á pallinum í høllini. Tiltakið heldur fram til klokkan 23.00. Atgongumerkið kostar 20 krónur og er samstundis lutaseðil um eina flogferð. Drigið verður, tá tiltakið endar. Til at sleppa til stóra fiskaborðið í fimleikarhøllini krevst eisini serstakt at­gongumerki á kr. 150,-. Sangløta Kirkjan í Miðvági skipar fyri afturkomandi tiltakinum „Syngið við“. Tiltakið hevur fýra ár á baki og er blivit so væl dámt at fyrireikararnir hava verði noyddir at flyta úr Missiónshúsinum og inn í Miðvágs kirkju har betri pláss er. – Tað hava verið eini 120- 150 fólk hvørju ferð vit hava skipað fyri hesum, sigur Svein Thomasen, sum er ein av fyrirekarunum. Hetta er fyrstu ferð til­takið er í samband við at Vága­ tunnilin er ókeypis. Ung­ dómskórið og Manskórið úr Vágum fara eisini at lut­taka. Tiltakið byrjar kl 20.00, og bæði vaksin og børn eru vælkomin at tríva í ein av teimum kendu missi­ ónssangunum, heilsa fyri­ reik­arirnir. Búskapar- og løg­ frøðingafelag Føroya skipar í kvøld fyri einum »Kveikjandi kvøldi um skipan av framtíðar eftirlønar- og tryggignar­ marknaðinum« EVNISFUNDUR Búskapar- og Løgfrøð­inga­ felag Føroya skipar nú fyri enn einum áhugaverdum evnisfundi. Kveikjandi kvøld um skip­ an av framtíðar eftirlønar- og tryggingarmarknaðinum í Føroyum, verður miku­ kvøldið 15. februar kl. 19.30 á Hotel Hafnia. Á skránni verður: • Marner Jacobsen, stjóri í Før­oya Sparikassa, og limur í arbeiðsbólkinum, ið gjørdi frágreiðingina »Dynamikkur á kap­it­al­ marknaðinum« í oktober 2005, fer at hava framløgu um, hvørji átøk hann met­ ur verða neyðug fyri at menna føroyska eftirlønar- og tryggingarmarknaðin. • Palli Petersen, ið er limur í nevndini, ið fylgir við ein­ skiljingini av LÍV, hevur framløgu um, hvørja loysn hann metur verða rættast, tá umræður einskiljing av lívstryggingarfelagnum LÍV v. m. • Bárður Nielsen, lands­­stýr­ is­maður í eftir­løn­armálum v.m., fer at greiða frá, hvørjar loysnir kunnu hugs­ast tá umræður eftir­ lønarøkið í Føroyum. • Møguliga fer Bjarni Djur­ holm, landsstýrismaður í tryggingarmálum v.m., at greiða frá hvørjar ætl­anir hann hevur, tá umræður føroyska trygg­ ingarmarknaðin og LÍV. • Pallborð, ið svarar spurn­ ingum. Hetta skuldi borgað fyri góð­um kjaki um, hvussu vit best skipa eftirlønar- og tryggingarmarknaðin í Føroyum framyvir, held­­ur Búskapar- og Løg­ frøðingafelagið. Føroyar eru eftirbátur tá umræður at skipa eftir­løn­ ar­økið, og stendur føroyski tryggingarmarknaðurin framm­an fyri stórum av­­bjóð­ ingum, tá latið verð­ur upp fyri kapping mót­vegis Íslandi og øðrum út­londum. Menning av før­oyska eft­­ir­­lønar- og trygg­ing­ar­ marknaðinum er tí eitt sera viðkomandi mál, ið hevur stóran týdning fyri føroyska samfelagið, og vónar BLF, at felagið - við almennum fundi um hetta evni - kann vera við til at fáa eina gjølla viðgerð av málinum, fyri soleiðis vera við til at tryggja, at rættar avgerðir verða tiknar nú og framyvir. Tiltakið er alment – og eru øll hjartaliga vælkomin, heilsar Búskapar- og Løg­ frøðingafelag Føroya. Nógv tiltøk í Vágum Skipan av framtíðar eftirlønar- og tryggingarmarknaðinum Lions Club í Vágum skipar fyri tiltaki› á Giljanesi leygardagin Vágatunnilin er ókeypis allan leygardagin