fríggjadagur 17. februar 2006síða 21

Nr. 35 - 17. februar 2006 21 Ella kanska bæði. Tað tykist vera einasta gongda leiðin, um nakrar munagóðar broytingar skulu gerast í verandi FSF- rakstrinum, um rúm skal verða fyri at luta meira pening út til feløgini Roknskapar­ analysa Jákup Mørk jakup@sosialurin.fo Skulu føroysku fótbólts­fel­ øg­ini hava fleiri pengar úr kassanum hjá FSF, so eru neyvan fleiri enn tveir vegir til hesar. Snøgt sagt, so má talan annað hvørt verða um fleiri inntøkur. Ella eisini mugu skerjingar gerast í rakstrinum. Tí hóast FSF á pappírinum er ein sera solventur felags­ skapur við einum eginpeningi á góðar 18 mió kr., so er talan ikki um nakran ríkan felagsskap. Tað eru nevnliga tvær høvuðsorsøkir sterku fígg jarstøðuna. Og hvørgin hevur nakað við raksturin anno 2006 at gera. Fyrst og fremst, so hevði tað veldugar stuðuls­ upphæddir frá UEFA við sær, tá FSF-húsið við Tórs­vøll varð bygt. Hesar upphæddir vórðu bókaðar á eginpeningskontina hjá FSF - tær minka jú ikki um virðið á bygninginum - sum soleiðis gjørdist væl og virðiliga positiv um júst tað mundið, sum fígg jartrotið í FSF-kassanum var størst. Einki jackpot Hartil skoraðu Føroyar rætti­ liga jackpot, tá lutakastið fyri fýra árum síðani potaði okkum í bólk við Týsklandi. Talan var tá framvegis um gomlu avtaluna við sports- five, sum í nógv størri mun enn í dag sveigg jaði eftir, hvørji mótstøðulið Føroyar fingu. Hepna lutakastið tveitti knappar 4 mió eyka í FSF-kassan, og saman við stuðlinum til bygningin svarar hetta hampuliga neyvt til eginpeningin hjá FSF, sum hann er í dag. Nýgg ja avtalan gevur ikki somu møguleikar fyri einum ordans jackpot í luta­kast-eydnuspælinum, og tí ber illa til, at FSF skal vinna sær meira pen­ ing tann vegin. Aðrar upp­hæddir, sum Føroyar fáa úr altjóða luttøkum sín­um eru pengar, sum eru beinleiðis oyramerktir til landsliðsarbeiðið, og sum tí ikki kunnu lutast út feløgini. Talan skal tí helst verða um skerjingar, um botnlinjan skal betrast nakað munandi. Fyrisitingarliga eru neyvan tær stóru sparingarnar at finna. Herdu FIFA- og UEFA-krøvini krevja heilt einfalt, at fyrisitingin er á einum nøktandi støði, og tí eru øktu lønarútreiðslurnar (2.093 tkr. í 2005) neyðugar. Illa ber til at hugsa sær aðrar stórvegis sparingar í fyrisitingarkostnaðunum, sum telja útreiðslur til telefon, ferðing og uppi­ hald í samband við al­tjóða fundir, kostnaður av húsunum v.m. Verða stað­ festu tølini sammett við rakstrarætlanina, so fram­ gongur eisini, at talan hevur verið um eina rættiliga neyva fígg jarstýring. Nakað sum plagar at bera boð um eina væl trimmaða umsiting. Tí er nærum einasta skerj­ingin, sum kann fremj­ast í postinum fyri fyrisitingarútreiðslur, stuð­ ul­in til feløgini. Hesin var í 2005 1.018 tkr., og tað er nokk ikki ætlanin, at hes­ in skal skerjast í hesum roknistykkinum. Óhepnar landsliðsskerjingar Tí ber nærum bara til at fremja munandi skerjingar í landsliðspostunum. Ein útreiðslupostur, sum í 2005 taldi 7.365 tkr. av samlaðu útreiðslunum á 15.623 tkr. At gera stórvegis skerj­ ing­ar í arbeiðinum kring A-landsliðið er neyvan hugsandi. Nakrar atfinningar hava verið mótvegis venj­ ing­arleguni í Florida, sum onkur hevur mett sum eina kostnaðarmikla ferð. Men veruleikin er, at einastu út­reiðslurnar, sum FSF ber av hesari, eru uppihald og endurgjald fyri mista ar­beiðsinntøku hjá spælarum og leiðarum. Og tað eru útreiðslur, sum eru á leið óbroyttar, líka mikið hvar ein venjingarlega verður hildin. Og í sambandi við undankappingardystirnar eru neyvan nakrar stórvegis sparingar at heinta. Heldur kann talan gerast um tvørt­ur­ ímóti, skuldu Føroyar fingið eitt nú Kasakhstan og Cypros ella Malta - og kanska eisini Ísrael í okkara bólk til næstu undankapping! Nettokostnaðurin av kvinnu- og U-landsliðunum, soleiðis sum tað framgongur av talvu her á síðuni, verður í roknskapinum uppgjørdur til 1,6 mió kr. Sjálvandi kunnu sparingar fremjast í hesum, men tað hevur so sanniliga sínar avleiðingar. Fyrst og fremst fyri menningina av føroyskum fótbólti. Lands­ liðsarbeiðið við yngru spæl­ ar­unum er bygt upp yvir drúgva tíð, og tað vildi verið eitt bakkast av dimensiónum, um hetta verður kvett. Hartil kann tað verða sera óheppið fótbóltspolitiskt, um slíkar skerjingar verða gjørdar. Atkvøðurætturin á UEFA-fundum er tengdur at, at limalandið í minsta lagi hevur tvey U-landslið. Hartil skal havast í huga, at tað longu í verandi støðu er sera óheppið politiskt, at Føroyar sum einasta UEFA-land ikki hava eitt U-21 landslið. At gera skerjingar í U-landsliðnum vildu sett Føroyar at kalla í skammikrók í hesum høpi. Tórsvøllur og/ella Svangaskarð Spurningurin er so, hvørt tað er gjørligt at fremja nakran inntøkuvøkstur innan landoddarnar, tá hesir ikki tykjast gjørligar uttanífrá. Her hevur fleiri ferðir verið havt á munni, at tað átti at skapt eyka inntøkur, um allir landsdystir vórðu spældir á Tórsvølli. Hetta tí fólkatilfeingið náttúrligt er størri í Havn enn á Toftum. Hartil tekur Tórsvøllur nak­ að væl fleiri áskoðarar enn Svangaskarð. Og hartil kann ein sparing sjálvandi finnast, um leigupeningur bert skal rindast fyri ein vøll. Eisini her tykist spurn­ing­ urin tó vera, hvussu nógv er at vinna. Partvíst, so er FSF fyri komandi tvey árini bundin at sáttmálum við bæði Tórsvøll og Svangaskarð. Sáttmálarnir innibera fast gjald, og tí broytist hetta tal einki, hóast bert annar vøllurin verður nýttur. Hartil er tað væl av­mark­ að, hvussu stórar áskoð­ara­ mongdir landsliðið dregur. Tá talan er um stórdystir hevur Tórsvøllur verið nýtt­ ur, líka síðani hesin var klárur til altjóða nýtslu. Og teir dystirnir eru í mesta lagi ein um árið. Og hóast talan kann verða um hægri áskoðaratøl móti smærri tjóðum, so er spurningurin, hvussu stór hækkanin er. Tosað vit um atgongmerkja prís á 200 kr., so skal ein øking á 5.000 fólk til, um ein millión í inntøkum skal røkkast. Og loksins, so hava tey bæði seinnu árini víst, at ein vøllur einsamallur ikki megnar at bera slitið, um venjingarnar og altjóða upp­ gávurnar verða ov nógvar í tali. Í løtuni verður arbeitt við at betra um svørðin á Tórsvølli, og tað kann vera ein bati í so máta. Men veruleikin er, at FSF í fjør nýtti grasundirlag góðar 60 ferðir. Og færri enn 10 ferðir av hesum varð tað Tórsvøllur, sum varð nýttur. Og hartil var talan um fleiri venjingar hjá bæði A- og U- landsliðum á graslíki. Tað vil við øðrum orð­ um siga, at við teimum for­ treytum, sum eru galdandi í dag, so má tímatørvurin minkast, um talan bert skal vera um annan vøllin. Og tann tímatørvurin verður best minkaður við at skerja lands­ liðsarbeiðið so ella so. U-liðini ella Svangaskarð Hóast eingin vil siga tað hart, so tykist vøllurin á Svangaskarði enn einaferð sum ein sentralur partur av tí, sum formansvalið í FSF snýr seg um Landsliðskostnaður í 2005 (tkr.) Lið Kostnaður Inntøkur * Netto U-19, menn 331 192 -139 U-17, menn 887 192 -695 U-14, menn 222 0 -222 Kvinnulandslið 447 0 -447 U-19, kvinnur 292 192 -100 Tilsamans 2.179 576 -1.603 * Inntøkurnar eru luttøkugjald frá UEFA Høvuðstøl úr roknskapinum (tkr.) 2005 2004 Inntøkur 15.483 17.521 Av hesum: Frá UEFA 5.241 5.482 Frá FIFA 1.494 1.581 Frá Sportsfive 3.135 5.133 Frá útlandi íalt 9.870 12.196 % frá útlandi 63,7% 69,6% Kostnaðir Landsliðsarbeiði 7.364 7.957 Nevndararbeiði 1.348 1.405 Fyrisitingarkostnaðir 6.910 5.618