mánadagur 20. februar 2006síða 5

Nr. 36 - 20. februar 2006 5 - Eg havi sagt, at tað er púra burtur við at byggja ein tunnil eftir sløttum niðri í Leir- víkar bygd, sum kanska fer at kosta einar 100 miljónir krónur meira, enn ein vegur oman fyri bygdina kostar, sigur Bárður Nielsen, landsstýrismaður í fíggjarmálum LEIRVÍK Vilmund Jacobsen vilmund@sosialurin.fo Landsstýrismaðurin í vinn- umálum, Bjarni Djurholm, hevur lagt fyri løgtingið uppskot um at leingja freistina til framløgu av verklagslógini um vegafør- ingina í Leirvík í sambandi við Norðoyatunnilin. Or- søkin til umbønina um út- seting er, at uppskotið um veg og lokrennu niðri í bygdini í Leirvík skal kann- ast nærri. Á vælmøttum borgara- fundi í Leirvík herfyri kom fram, at stórur meiriluti er millum bygdarfólkið fyri vegaloysn við lokrennu niðri í bygdini. Uppskotið hjá Landsverki við vegi oman fyri bygdina og niðan fyri bygdarhúsið fekk lut- falsliga lítla undirtøku. Atkvøðugreiðslan millum leirvíkingar á borgarafund- inum vísti, at 165 fólk vóru fyri vegi og lokrennu niðri í bygdini, 17 fyri vegi oman fyri bygdina – og 5 atkvøð- ur vóru blankar. Púra burtur við Seinastu dagarnar hevur ljóðað, at fíggjarmálaráð- harrin, Bárður Nielsen, slett ikki er fyri at brúka nógv meira pening niðri í bygdini í Leirvík, enn loysnin oman fyri bygdina og niðan fyri bygdarhúsið hevði kostað. - Eg havi sagt, at tað er púra burtur við at byggja ein tunnil eftir sløttum niðri í Leirvíkar bygd, sum kanska fer at kosta einar 100 miljónir krónur meira, enn ein vegur oman fyri bygdina kostar, sigur fíggj- armálaráðharrin avgjørdur. Hann vísir á, at Lands- verk sigur seg kunna fremja vegaloysnina oman fyri Leirvíkar bygd fyri góðar 40 mljónir krónur, meðan eingin við vissu veit, hvat vegaloysnin við lokrennu niðri í bygdini kemur at kosta. Tøl millum slakar 90 miljónir krónur og heilt upp í slakar 150 miljónir krónur hava verið frammi. - Hetta merkir, at vegur og lokrenna niðri í bygdini kunnu koma at kosta einar tríggjar ferðir so nógv sum vegurin oman fyri bygdina. Bárður Nielsen vísir á, at nú framløgan av verklags- lógini um vegaføringina í Leirvík verður útsett, verð- ur uppskotið, sum NCC saman við J & K Petersen eru komin við, kannað nærri. Meira "átiligt" - Vísir tað seg, tá ið kann- ingarnar eru lidnar, at vega- føring við lokrennu kann fremjast fyri tað tvífalda av tí, sum vegurin oman fyri bygdina kostar, sær hetta hóast alt eitt sindur meira "átiligt" út, sum hann tekur til. Bárður Nielsen heldur tó, at ein vegaføring oman fyri bygdina er ein góð loysn fyri leirvíkingar, og hann heldur tað ikki vera skila- gott landsbúskarliga at brúka meira pening enn neyðugt til loysn av hesi vegaføring. - Fáa leirvíkingar veg við lokrennu á sløttum, sum í minsta lagi verður tvífalt so dýrt sum ein vegaloysn om- an fyri bygdina, kunnu vit vænta, at trýstið aðrastaðni fer at veksa. Hann vísir á, at nógva- staðni kring landið er nógv ferðsla, og tað er ikki alla- staðni, at vegirnir eru út- bygdir samsvarandi ferðsl- uni. - Hava vit fyrst givið eftir og samtykt eina nógv dýr- ari loysn enn hana, sum annars kann loysa málið á ein sømiligan og forsvarlig- an hátt, kunnu vit vænta, at aðrar kommunur fara at seta somu krøv. Órógvandi elementir Bárður Nielsen heldur, at verkætlanin við vegi og lokrennu tykir honum held- ur "vill", sum hann tekur til. - Eg havi einki ímóti, at neyvari kanningar verða gjørdar av uppskotinum hjá NCC og J & K Petersen, men sjálvt um henda verk- ætlan sær út til at kunna fremjast fyri "bert" 50 milj- ónir krónur meira enn veg- aføringing oman fyri bygd- ina í Leirvík, haldi eg avgjørt, at vit eiga at halda okkum til bíligaru loysnina. Landsstýrismaðurin end- urtekur, at tað eru ov nógv órógvandi "elementir" í fjøruloysnini við lokrennu, og í hesum sambandi hugs- ar hann serliga um "kava- bóltin", sum hann heldur rættiliga kann fara á rull við eini slíkari verkætlan. - Tað er løgtingið, sum tekur endaligu avgerðina – og alt eftir, hvørji tøl verða á borðinum til ta tíð, vóni eg, at løgtingið tekur eina ábyrgdarfulla avgerð, bæði búskaparliga og samferðsl- uliga. Landsstýrismaðurin í fíggjarmálum sigur, at landsstýrið hevur til upp- gávu at arbeiða eftir ynskj- unum hjá løgtinginum, og tí dugir hann ikki í løtuni at siga, hvat endaliga úrslitið verður. - Eg eri í hvussu er ikki fyri at byggja veg og lok- rennu á sløttum niðri í bygdini í Leirvík, sum kanska kemur at kosta tvær ella tríggjar ferðir so nógv sum ein vegur oman fyri bygdina, sigur Bárður Nielsen, fíggjarmálaráð- harri. Kortanei til tríggjar ferðir so dýran tunnil Bæði Andreas Peter- sen, javnaðarting- maður og Alfred Olsen, sambandsting- maður, søgdu seg á borgarafundinum vilja stuðla leirvíking- um í málinum um vegagerð og lokrennu LEIRVÍK Vilmund Jacobsen vilmund@sosialurin.fo Sum kunnugt mælir eitt samt bygdarráð í Leirvík til, at vegagerð við lok- rennu verður loysnin upp á vegaføringina í sambandi við Norðoyatunnilin. Á borgarafundinum søgdu fleiri politikarar, bæði í samgongu og í and- støðu, seg taka undir við loysnini, sum Leirvíkar bygdarráð og stórur partur av leirvíkingum mæla til. Flestu vóru fyri Úr andstøðuni søgdu bæði sjálvstýrismaðurin, Kári P. Højgaard, miðflokkamað- urin, Bill Justinussen og tjóðveldismenninir, Karst- en Hansen og Tórbjørn Jac- obsen, seg taka undir við vegaloysnini við lokrennu. Á hinari síðuni hildu fólkafloksmenninir, Kjart- an Joensen og Jógvan á Lakjuni, at loysnin oman fyri bygdina og niðanfyri bygdarhúsið er meira ábyrgdarfull búskaparliga, tí hon eftir tølunum hjá Landsverki er nógv bíligari og eisini er forsvarlig ferðslutrygdarliga. Eitt tað mest áhugaverda, var tað, sum samgongupol- itikararnir, Andreas Peter- sen úr Javnaðarflokkinum og Alfred Olsen úr Sam- bandsflokkinum, søgdu. Teir vóru nevniliga samdir um, at leirvíkingar eiga at fáa ta loysn, sum teir halda vera ta bestu – treyt- að av, at hendan ikki verður alt ov dýr at fremja í verki. Andreas Petersen, løg- tingsmaður, helt loysnina við vegaføring við lok- rennu vera nógv ta skila- bestu, og hann segði seg vilja arbeiða fyri, at Javn- aðarflokkurin tekur undir við henni, um uppskotið hjá NCC og J & K Petersen upp á 87 miljónir krónur heldur. Alfred Olsen segði eisini, at hann og Sambandsflokk- urin taka undir við vega- loysnini við lokrennu, um verkætlanin kann fremjast fyri einar 80-90 miljónir krónur. Løgtingið avger Vísandi til samrøðuna á hesi síðuni við Bárð Niel- sen, er ikki vist, at tað verð- ur so lætt hjá fíggjarmála- ráðharranum og samgong- uni at ganga uttan um ein- mæltu samtyktina hjá Leir- víkar bygdarráð - og breiða fólkaviljanum millum borgararnar í Leirvík. Skulu vit taka javnaðar- og sambandstingmenninar, Andreas Petersen og Alfred Olsen, fyri tað, teir søgdu á borgarafundinum, fara teir at gera sítt til, at leirvíking- ar fáa ta loysn, teir ynskja sær. Og ynskið hjá leirvíking- um er klokkuklárt; tað er vegagerð niðri í bygdini við lokrennu oman fyri havna- lagið í Leirvík. Samgongumenn fyri fjøruloysn við lokrennu - Fáa leirvíkingar veg við lokrennu á sløttum, sum í minsta lagi verður tvær ella tríggjar ferðir so kostnaðarmikið sum ein forsvarlig vegaloysn oman fyri bygdina, kunnu vit vænta, at trýstið aðrastaðni fer at veksa, sigur Bárður Nielsen, landsstýrismaður í fíggjarmálum Kut úr uppskotinum um lokrennu hjá Teknistovuni í Gøtu