mánadagur 20. februar 2006síða 23

Nr. 36 - 20. februar 2006 23 – Tað kann væl vera, at Fleyr var favorittur, men vit trúðu upp á, at vit kundu vinna finaluna. Vit høvdu gjørt sera miðvísar fyrieikingar til hendan dystin, sigur Trúgvi Poulsen, spælari og hjálparvenjari hjá Mjølni Flogbóltur Eyðun Klakstein eydun@sosialurin.fo Tað var ikki heilt av tilvild og dagsformi, at steypafinalan hjá monnum endaði, sum hon endaði. Mjølnir vóru undirtippaðir, men teir stóðu eftir sum sigursharrar. – Tað kann væl vera, at Fleyr var favorittur, men vit trúðu upp á, at vit kundu vinna finaluna. Vit høvdu gjørt sera miðvísar fyrieikingar til hendan dystin, tí smálutir kunnu gera stóran mun í eini tættari finalu, sigur Trúgvi Poulsen, spælandi hjálparvenjari hjá Mjølni. – Vit noyddust at fyrireika okkum væl til dystin, um vit skuldu vinna hann. Og tað gjørdu vit. Vit hava brúkt videoupptøkur og hagtøl, og vit hava prátað nógv saman um Fleyr og spælararnar hjá teimum. Hetta vísti seg so at geva úrslit. Hugsa um breiddina Mjølnir hevur ikki havt nakað serligt kappingarár, men liðið hevur spælt seg upp seinastu vikurnar. – Vit byrjaðu illa, men vit hava merkt ein framgongd síðani ársskiftið, hóast eg haldi, at tað kundi gingið skjótari við framgongdini. Liðið er nakað tað sama sum í fjør, og vit vita, at tað hevur nógvar dygdir. – Vit hava tveir góðar útlendskar spælarar, sum sjálvandi hava ein týðandi leiklut á liðnum, men vit royna eisini at fáa aðrar spælarar við, so at vit kunnu spæla meira fjølbroytt. Í dystum ímóti teimum sterku liðunum er tað ikki nóg mikið, at tú bara spælir upp á tveir spælarara, tað skal meira til, sigur Trúgvi Poulsen. FM verður trupult Fleyr hevur nógv fleiri royndar spælarar enn Mjølnir, og tí kundi tað kanska undrað eitt sindur, at mentaliteturin hjá Mjølnir- spælarunum tóktist vera sterkari í teimum avgerandi løtunum í finaluni. – Okkara spælarar vistu, hvat teir skuldu gera, og teir vistu eisini, hvat Fleyr kundi gera. Einki, sum Fleyr kom við, kundi taka okkum á bóli, sigur Trúgvi Poulsen. Hann fegnast um sigurin í steypakappingini, og hóast liðið nú ætlar at gera alt fyri at náa FM-heitinum, so verður tað sera trupult. – Fleyr er so langt frammanfyri okkum, at vit hava bara ein teoretiskan møguleika at vinna FM, men so leingi, sum tann møguleikan er har, fara vit at stríðast fyri honum, sigur Trúgvi Poulsen. Eingin hevði roknað við øðrum, enn at greiða oddaliðið í landskappingini skuldi vinna steypafinaluna, men Mjølnir vildi tað øðrvísi og vann 3-0 á favorittunum úr Fleyr Mansfinalan Eyðun Klakstein eydun@sosialurin.fo Menninir úr Mjølnir stóðu fyri einum bragdi í steypafinaluni hjá monnum leygadagin. Teir vóru underdogs til finaluna ímóti sterkasta mansliðnum higartil í ár – Fleyr úr Havn. Men Mjølnir hevði fyrireikað seg sera væl til finaluna, spælararnir vóru uppsettir og stríðssinnaðir, og tað loysti seg. Mjølnir vann nevniliga finaluna heili 3-0, og hóast talan var um trý tøtt sett, so hevði Mjølnir munin allatíðina, og teir vunnu dystin fult uppiborið. Spælið hjá Fleyr tóktist næstan nervað av nervum, hóast spælararnir á Fleyr- liðnum hava nógvar royndir. Í øllum førum var tað ikki teirra dagur, og tí lógu teir undir í dystinum steypagullið. Undan dystinum mundu tey flestu halda, at Fleyr fór at vinna. Sigursvanda felagið úr Havn, sum hevur havt nøkur trupul ár, hevur rættiliga mannað seg upp í ár, og liðið hevur verið tað sterkasta í landskappingini, har teir eisini liggja greitt á odda. Mjølnir byrjaði kapp- ingina illa, men seinastu vikurnar hevur tað gingið støðugt framá, og nú var framgongdin so stór, at liðið fyri fyrstu ferð í ár veruliga kundi matcha Fleyr. Tað var tó um reppið, at Mjølnir als ikki kom í finaluna, tí liðið megnaði ikki at vinna Fleyr- ella Mjølnir-kappingina, tí Fleyr vann báðar. Tí spældi Mjølnir eina eykadyst ímóti SÍ um, hvat av teimum liðunum skuldi í steypafinaluna, og her vann Mjølnir. Tóku broddin av Fleyr Finalan var góð og tøtt, men Mjølnir hevði ein lítlan mun allan vegin. Blokkurin hjá Mjølnir riggaði væl, og liðið tóktist væl fyrireikað til at verja fyri styrkjunum hjá Fleyr. Í álopsspælinum hjá Mjølnir vóru fleiri spælarar við. Venjarin Vladimir Vasiliev var helst besti spælarin á vøllinum, men ungir spælarar sum Jón Syderbø og Gunnar Jørgensen vístu eisini dygdir. Fyrsta settið endaði við, at Mjølnir vann 25-22. Í øðrum setti royndi Fleyr at koma fyri seg aftur, men góða verjuspælið hjá Mjølnir forðaði fyri, at sterkir spælarar sum Sigmund av Teigum og Borko Ilic av álvara sluppu at seta seg á dystin. Mjølnir vann næsta settið 26-24, og so vóru kjansirnir hjá Fleyr brúktir. Gullið heima Nú skuldi Fleyr venda gongdini, ella var gullið gloppið teimum av hondum, og tá lá framvegis eitt sindur í luftini, at Fleyr skuldi fara at koma fyri seg í hesari finaluna. Men soleiðis gjørdist tað bara ikki. Mjølnir helt fram við sínum treiska og vælskipaða spæli, og eisini í triðja settinum høvdu menninir úr Klaksvík munin. Einu løtuna var Fleyr frammanfyri við tveimum stigum – 18-16 – men Mjølnir legði seg fram um 20-18, og so koyrdu teir sigurin heim við einum 24- 25 sigri í triðja setti. Harvið var tann óvæntaði sigurin hjá Mjølni veruleiki. Liðið úr Klaksvík var tað besta í finaluni, og so hjálpti tað lítið, at Fleyr við sínum góðu úrslitum og royndu spælarum var favorittur undan dystinum. – Vit trúðu upp á tað Mjølnir vann steypfinaluna í flogbólti 2006. Liðið vann finaluna 3-0 á Fleyr Mjølnir hevði fyrireikað seg væl til dystin og tók broddin av álopsspælinum hjá Fleyr Fleyr-Mjølnir 0-3 (22-25, 24-26, 23-25): Mjølnir tók øll á bóli