mánadagur 20. februar 2006síða 27

Nr. 36 - 20. februar 2006 27 Her og nú er tað FM- stríðið, sum telur. Men tað er einki at ivast í, at ein slík ferð eisini er ein góð gularót at stremba eftir, heldur Unn Kragesteen HONDBÓLTUR Jákup Mørk Ein av nýggju spælarunum, sum verður við á landsliðs- ferðini til Bosnia, er Unn Kragesteen úr Neistanum. Grundað á góðu úrslitini, sum liðið fekk fyri tveim- um árum síðani, so er spenningurin um ferðina sjálvandi stórur. – Men tað haldi eg nú eisini, at hann er hjá teim- um, sum vóru við fyri tvei- mum árum síðani. Tær vilja sjálvandi gera tað enn betri, enn silvurmerkini seinast, so sum heild er hetta nakað, sum allar síggja fram til, haldi eg. Høvdu góðu úrslitini fyri tveimum árum síðani eisini við sær, at áhugin hjá øðr- um gjørdist enn størri. Hugsi kanska serliga um tykkum yngru spælarar. Hava vit siktað eftir hesum í tvey ár? – Hetta hevur sjálvandi verið ein gularót, og eg eri sjálvandi sera fegin um at vera við. Men tað eru nú eisini onnur ting, sum draga. Í Neistanum er tað øllum førum FM-stríðið, sum liggur fremst í huga- num í løtuni, og bara tað í sjálvum sær er nóg mikið at stremba eftir. Men hetta er heilt víst ein góð gularót at hava afturat, sigur Unn. Strævnir dagar Við einum spælarahópi á 16 spælarar, verður kanska misjavnt, hvussu nógv spælitíð verður til tær eins- tøku. Men her og nú tykist hetta tó ikkiv vera nakað, sum Unn hugsar um. – Verður hugsað um mítt pláss, so verða tað helst Heidi Maria og eg, sum koma at kappast á hesum. Men akkurát tann kapp- ingin er ikki tað, sum eg hugsi mest um. Við eini skrá, sum vónandi fevnir um fimm dystir upp á fimm dagar, verður ríkiligt at síggja til. Og tað sigur seg sjálvt, at eingin spælari kann spæla 60 minuttir hvørja ferð. So eg rokni við, at okkara lutur fyrst og fremst verður at hjálpa og stuðla hvørjari aðrari, held- ur enn at kappast móti hvørjari aðrari. Tað týdn- ingarmesta er, at liðið stendur sterkt sum ein eind. Og tað rokni eg við, at allar 16 taka undir við, sigur Unn Kragesteen at enda. 4. apríl fer føroyska kvinnulandsliðið til Bosnia, har Challenge Trophy-kappingin er á skránni. Føroyar eru einasta landið í kappingini, sum eisini var við í Italia fyri tveimum árum síðani HONDBÓLTUR Jákup Mørk jakup@sosialurin.fo Fríggjadagin 31. mars fer føroyska kvinnulandsliðið við flogfarinum hjá Atlant- ic til Danmarkar. Ørindini har eru ein stutt venjingar- lega, áðrenn kósin tann 4. apríl verður sett móti Sara- jevo, har Challenge Trophy í ár verður hildin. Spildurnýggjar avbjóðinar Verður hugt at luttakaralist- anum, so sæst, at Føroyar eru einasta landið í kapp- ingini, sum eisini var við seinast, og tað kundi bent á, at Føroyar hesa ferð skulu roknast millum avgjørdu favorittarnar, eftir at talan fyri tveimum árum síðani gjørdist um silvurmerki. Men tað er samstundis lítið at ivast í, at talan verð- ur um harða mótstøðu. Vertstjóðin tók seinast lut í Challenge Trophy fyri seks árum síðani, og ta ferðina vunnu tær kappingina. Hartil kann eisini roknast við, at Letland hevur eitt gott lið, meðan flestu av hinum londunum mugu roknast sum hampuliga óvissir faktorar. Ella sum annar av lands- liðsvenjarunum, Flemming Raben, segði, tá tíðinda- fundur varð hildin í Sunset Boulevard í SMS í morgun. – Spyrt tú meg, hvørjum londum vit helst vilja møta, er svarið Ongland og Cy- pros. Hini londini kenni eg púrt einki til! Spennandi hópur Flemming legði annars dent á, at hann helt talan vera um ein sera spennandi hóp, sum nú fer avstað. Í mun til hópin, sum fyri tveimum árum síðani vann silvur í Mezzocorona, er talan um sjey spildurnýggj- ar spælarar. Og hetta er nakað, sum undirstrikar ættarliðsskiftið í hópinum, helt Flemming. – Á einum landsliði vil talan altíð vera um nakrar náttúrligar útskiftingar, men tað kann væl vera, at hópurin hesaferð er nakað yngri enn tann, sum var við seinast. Vit hava tó havt onkrar skaðar (Gunnleyg Berg, Lív Sørensen og Nik- olina Eyðbjørnsdóttir), eins og nakrir spælarar hava giv- ið avboð. – Men eg haldi eisini, at hetta sigur nakað um møg- uleikarnar, sum eru í før- oyskum hondbólti. Vit vóru í fjør við U-liðunum í Nøvling Cup í Aalborg, og góðu avrikini frá teirri ferð- ini merkja eisini hópin. Sum heild haldi eg eisini, at talan er um eina rúgvu av framúr evnaríkum ungum spælarum í Føroyum, men enn hava hesar kanska ikki sligið til í nóg stóran mun í fremstu røð. Tað kunnu tað so vera fleiri orsøkir til, men tað er týdningarmikið, at vit arbeiða víðari við teimum talentum, sum vit hava. Fara eftir gullinum Og Flemming legði eisini dent á, at hóast talan er um fráveru. Og hóast vit ikki kenna mótstøðuliðini, so er málið greitt. – Vit fara so ikki avstað fyri at verja silvurmerkini. Vit fara fyri at vinna gull, og so mugu vit síggja, hvussu tann royndin fer at hilnast. Men verður talan um eina kapping á sama støði, sum hon var fyri tveimum árum síðani, so haldi eg avgjørt, at vit eiga at hava ein møguleika til hettal, staðfesti hann. Flemming mátti tó við- ganga, at fyrireikingarnar hjá liðnum kundu verið betri. – Kappingin endar jú beint undan fráferðini, og tí fáa vit ikki savnað hópin nakað serligt, áðrenn frá- ferðina. Men tað eru nú einaferð tær fortreytir, sum vit hava at arbeiða eftir, og so mug vit fyrihalda okkum til tað. Í mun til seinasta hava vit so eisini arbeitt miðvíst í tvey ár hesaferð, og tað telur avgjørt rætta vegin í so máta. Nýggjar avbjóðingar í Bosnia Flemming Raben, sum er annar av venjarunum hjá kvinnulandsliðnum, situr her saman við Ásu á Neystabø og Unn Kragesteen. Báðar eru tær nýggjar á landsliðnum, sum um góðan mánað setir kós móti Sarajevo Mynd: Álvur Ein góð gularót Hópurin Spælarar Tomma Petersen VÍF Fríða Petersen Neistin Erla Eliasen Neistin Simona Hansen Freja HK Durita Ljósstein Viborg HK Annika Karlsdóttir Viborg HK Anna Maria Káradóttir Ajax HK Heidi Maria Akselsen Søljan Joan M. Djordjevic Stjørnan Una Olsen Stjørnan Katrin á Neystabø Neistin Fríða Marjunardóttir VÍF Unn Kragesteen Neistin Ása á Neystabø Neistin Anja Heinadóttir Kyndil Annika Thomsen Neistin Venjarar Flemming Raben Svein Rógvi Nielsen Leiðarar Eirikur Magnussen Niels Petur Bech Jákup Durhuus (Hartil verður talan eisini um fysioterapeut) FAKTA