týsdagur 21. februar 2006síða 6

6 Nr. 37 - 21. februar 2006 Hugsanardagurin, sum er 22. februar, halda skótar um allan heim SKÓTAR Hugsskotið til hugsanar­ dagin kom í 1926 á fjórðu heimsráðstevnuni hjá WAGGGS, (World As­sociation of Girl Guides and Girl Scouts), sum varð hildin í USA. Ráðstevnan avgjørdi, at hetta skuldi vera ein serligur dagur, har gentuskótar um allan heimin hugsa um hvørja aðra. Ráðstevnan avgjørdi eisini, at dagurin skuldi vera 22. februar, tí hetta var føðingardagurin hjá Lord Baden-Po­­well, stovn­ aranum av skóta­rørsluni og konu hansara Olave, sum tá var leiðari fyri Heims­ skótafelagsskapin. Síðan hevur dagurin verið hildin um allan heimin sum ein altjóða skótadagur. Á enskum verður dagurin nevnd­ur World Thinking Day ella World Friendship day, tí á hesum degi hugsa vit um skótavinir okkara kring allan heimin. Tveir heimsfelagsskapir eru: WAGGGS, sum er ein gentufelagsskapur og WOSM (World Orga­niza­ tion of the Scout Move­ ment), sum er ein blandaður felagsskapur. Knappliga 40 milliónir skótar eru um allan heimin. Í Føroyum verður hugs­ anar­dagurin hildin við skóta­­guðstænastum og skóta­­­samkomun kring land­ ið. Talvan gongur í øll­um kirkj­unum fyri Skóta­hjálp­ ina. Guðstænastur vera á hes­ um støðum mikukvøldið 22. febr. kl. 19.00: í Havnar kirkju, í Dals kirkju, í Fugla­­fjarðar kirkju og í Crist­ianskirkjuni. kl. 19.30: í Húsa kirkju og kl. 18.30: í Kvívíkar kirkju Øll eru hjartaliga væl­ komin til guðstænastuna, sigur Føroya Skótaráð. Mikudagin er hugsanar­dagur skótanna Partaeigara­metan á skránni – Hvussu stimbra vit um parta­eig­ara­ment­ anina í Føroyum? Hetta spyr Fólkaflokkurin í Suðurstreymoy, sum mikudagin 22. februar kl. 19.30 skipar fyri al­menn­um kjakfundi í Miðlahúsinum í Vágsbotni um evnið KJAKFUNDUR Í Føroyum er ikki vanligt, at Palleba keypir og selir partabrøv, men tað er van­ ligari í teimum londum, vit plaga at samanbera okk­um við. Uppskot var frammi herfyri, um at skatta­frá­ dráttur skuldi lat­ast teim­ um, sum keyptu parta­brøv í teimum almennu parta­ brøvum. Hetta er so ein máti at stimbra um parta­ eigaramentanina. Men er hetta rætti mátin at gera tað uppá, spyr Fólkaflokkurin, sum hevur sett hetta evnið á skránna á almennum fundi í Havn mikukvøldið. Fyrireikararnir spyrja eis­ini, um tað gagnar sam­ felagnum, at Palleba keypir og selir partabrøv? Verða tað ikki bara tey ríku sum verða ríkari? Í pallborðum verða um­ boð fyri bankaheimin, vinn­ una og fólkaflokkin. Stórt tiltak í Skálanum í Klaksvík Føstu­lávints­leyg­ ar­kvøldið 25. februar kl. 19 skipar Stuðulsfelagið »Dragin« fyri stór­um borðhaldi við sangi og frá kl. 23 verður dansur FØSTULÁVINT   Í Klaksvík er tað er ofta langt ímillum tiltøkini av hesum slag fyri vaks­in og eldri. Tí skipar Stuð­ uls­felagið Dragin aftur í vetur fyri einum hugna­ kvøldi í Skálanum føstu­ lávintleygarkvøld kl. 19. Vanliga hevur verið borð­ reitt við breyði og góðum føroyskum viðskera, men í ár verður tað heitur matur. Undir borðhaldinum verð­ ur felagssangur saman við harmonikutónleiki eins og hini árini. Frá kl 23 verður dansur, har bólkurin »Flemming og vinmenn« (úr Norrøna band) spæla. Stuðulsfelagið vónar, at nógv fólk fara at tekna seg til hugnakvøldið, tí allur peningurin fer óskerdur til Skúlaskipið. – Hvat er orsøkin til, at vit fyri ávíst virksemi hava eitt lønhæddaravgjald? Hendan spurning fer Kári P. Højgaard, løgtingsmaður at seta Bárði Nielsen, fíggjarmálaráðharra POLITIKKUR Eirikur Lindenskov eirikur@sosialurin.fo Kári P. Højgaard vil sam­ stund­is hava at vita, um ein ein­mansfyritøka innan heilsu­tænastu, har eigarin við virksemi sínum t. d. fær 250.000 kr í ársinntøku um­framt vanligan lands- og komm­unuskatt, fær ein 2,5% eykaskatt í mun til aðrar skattaborgarar. Kári P. Højgaard spyr lands­ stýrismannin, um svarið er játtandi, um so ikki talan er um ójavna. – Hevur landsstýrismað­ urin nakrar ætlanir um at fáa lógina endurskoðaða, spyr Kári P. Højgaard. Í viðmerkingum til fyri­ spurn­ingin vísir Kári P. Høj­gaard á løgtingslóg nr. 193 frá 10. desember 1993 við seinni broytingum, sum áleggur ávísum virksemi eitt lønhæddaravgjald. Læknavirksemi, tann­ lækna- og annað dentalvirk­ semi, kiropraktik, fysiotera­ pi og onnur verulig heilsu­ røkt. Tryggingarvirksemi. Banka-, og sparikassa- og fíggarvirksemi. – Eg ynski við hesum fyri­ spurningi er at seta ljós­kast­ aran á, um allir privatpersón­ar eru líka fyri lógini. Tí fevnir fyrispurningurin ikki um partafeløg, aðrar juridiskar persónar, tryggingarfeløg, sparikassar ella bankar, sigur Kári P. Højgaard. Hann vísir kortini á, at hann væntar sjálvsagt, at svarið til spurning 2 er nei. – Er svarið harafturímóti ja, so sigur landstýrismaðurin í veru­leikanum, at tað er í lagi, at fólk verða skattað ymiskt av somu inntøku hóast bú­­sett­ ir í somu kommunu við somu skattskyldigu inntøku, tað verði seg A ella B-inntøku ella partvís bæði, sigur Kári P. Højgaard. Spurningurin er, um løn­ hæddaravgjaldið í verki ger, at grannum verður álagt ymiska tvungna av­gjalds­ byrðu t. v. s. eru ymiskt skattaðir av somu inntøkum. Skatta/lønar-avgjaldsbyrðan er alt at rokna sum skattur, líka mikið uppfinnsemið at smíðja nýggj nøvn á eyka­­skattir til fólk, ið hava valt sær arbeiði innan áður­ nevndu arbeiðsøki, sigur Kári. P. Højgaard. Kári spyr um lønhæddaravgjald Fyri 15. ferð skipar dansifelagið Kom og Dansa fyri grýludansi føstu­lávints­leygar­ kvøld 25 februar GRÝLUDANSUR Tíðindskriv Í ár verður tiltakið í Ment­ anarhúsinun í Fuglafirði, og til dansin í ár fara teir væl­umtóktu Showmenn at spæla. Fyrireikarnir siga, at teir hava hesi árini roynt at gera tiltakið meir fjølbroyt enn vanlig dansitiltøk flest, og hevur nógv forvitnisligt ver­ ið á skránni hesi árini. Eisini hevur verið pyntað við ljósperum og ballónum hvørt ár. Sigast kann, at hetta er vorðin ein verulig traditión, og hava nógv fólk verið til dansin hvørt ár. Mest úr Eyst­uroynni , men nógv eru eisini komin aðrastaðni frá. Nú er eisini góður møgu­ leiki hjá vágafólki at koma til tiltakið. Og mong av teimun sum koma hava nýtt møguleikan at lata seg í grýluklæðir. Ein hevur týðuliga sæð, at nógv av teimun hava brúkt nógva tíð at seyma og annars gera sær eina drakt. Fyri at gera tað meira áhuga­ vert og spennandi at gera góð og orginal grýluklæði, hevur tað á hvørjun ári ver­ ið latnir góðir vinningar til bestu grýlurnar, og í ár verða eisini góðir vinningar latnir til nr 1-2-3. Nevnast kann, at grýlu­ klæð­ini skulu vera heima­ gjørd fyri at koma upp í part tá døm­ast skal. Ikki tí, keypt grýluklæðir eru eisini meir enn vælkomin, men tað verður ikki hildið at verið rætt, at ein sum fer inn í ein handil og keypir sær ein drakt, skal vinna yvir ein­ um, sum hevur sitið og nýtt hendur og hugflog og nógva tíð til arbeiðið. Bussar koyra úr Vágum og Vestmanna og Tórshavn og Sundalagnum eins og bussar koyra av Strondum og Toftum – á vegnum verð­ ur koyrt gjørnum Gøtu og Leirvík. Allir bussarnir koyra heim aftur eftir dansin Tiltakið verður í Mentanar­ húsinum í Fuglafirði leygar­ kvøldið 25. februar. Grýludansurin 15 ár P-dagur hjá Restorffs Páskabryggið 2006 frá Restorffs Bryggjarí verð­ ur at fáa frá fríggjadegi komandi. Í hesum sam­ bandi verður P dagur friggjadagin millum klokk­ an 17-18.00 ymsastaðni kring landið. Av Restorffs Bryggjaríi siga tey, at páskabryggið er bryggjað av munchener og lagurmalti. Tað er skúm­andi við døkkum liti, runt og vælsmakkandi. Tað verða bert tappaðir 30.000 fløskur av hesum bryggi. Leirvíkar kommuna hevur fingið nýggja heimasíðu, ið skal nýtast til at kunna borgarar í komm­ ununi og onnur um viðurskiftini í kommununi, og um hvørji tilboð eru til borgarar bæði innan tænastur, trivnað, mentan og hentleikar í bygdini KUNNING – Leirvík hevur eitt virkið mentunar- og felagslív, og tí hevur heimasíðan ein kalendara, so borgarar og onnur kunnu fáa upplýsingar um tiltøk í bygdini. Sum ein liður í at fáa meiri opinleika í bygdarráðsarbeiðnum liggja fundarskráir og gerða­ bøkur alment úti, so fólk til eina og hvørja tíð kunnu fylgja við í hvørji mál eru fyri í bygdarráðnum, sig­ ur byrgdarráðið í tíð­inda­ skrivi. Leirvíkar kommuna hev­ ur verið ógvuliga sjónlig í fjølmiðlum seinastu tíð­ina, og kjakið um vega­før­ing­ ina í samband við Norð­ oyatunnilin er ikki hasað av enn. – Í hesum sambandi er tað sera týdningarmikið, at eisini bygdarráðið hevur ein miðil at bera fram sína áskoðan viðvíkjandi hesum og øðrum málum. Á henda hátt hava borgarar í kommununi og onnur eitt stað, har tey kunnu fáa meiri at vita um støðuna hjá bygdarráðnum, so tey ikki bert hoyra og síggja tað í miðlunum. Í løtuni er nógv at lesa um málið viðvíkjandi vegaføringini á heimasíðuni, sigur bygdarráðið. Adressan hjá heimasíðuni er www.leirvik.fo Heimasíðuloysnin hjá Leir­­víkar kommunu er gjørd við heimasíðuskipanini hjá Sansum. Leirvíkar kommuna nýggja heimasíðu