mikudagur 22. februar 2006síða 27

Nr. 38 - 22. februar 2006 19 Byrial í Cadiz Superligafelagið AC Hor­ sens er í hesum døgum á venjingarlegu í Cadiz í Spania. Horsens hevur vant dúliga í kalda og vánaliga veðrinum í Danmark sein­ astu vikurnar, og nú skal formurin fínpussast í lýggjari veðri í suður­europa. Ítróttarstjórin sigur við heimasíðuna hjá AC Horsens, at liðið fær nógv burtur úr venjingarleguni. Vøllirnir eru góðir at spæla á, og veðrið er gott. Fríggjadagin spælir AC Horsens venjingardyst ímóti pólska liðnum Legia Warszawa. Spáka til venjing Føroyska fótbóltslandsliðið er nú komið til Florida, har liðið verður á venjingarlegu næstu 10 dagarnir. Veðrið er av tí besta í sunnara parti av USA, og fyrstu dagarnar hava tað verið upp í 28 hitastig. Tíbetur hava tað eisini verið løtur, har tað hevur verið skýggjað í veðrinum. Føroyska landsliðið heldur til Fort Lauderdale, og tað er í øllum før­um stuttur teinur frá gist­ing­ar­húsinum og til venjingarvøllin. Vøllurin liggur beint við hotellið, og spælararnir skulu bara spáka teir 50 metrarnar yvir á vøllin. Føroyska landsliðið skal venja og spæla dystir á venjingarleguni, sum varðar til 2. mars. Lítlar broytingar í nevndum Á aðalfundinum hjá Fót­ bólt­ssambandinum var nevndarval á skránni, og har vóru ikki nógvar broytingar. Í nevndini fyri FSF var ein broyting. Bjarki Mohr stillaði ikki uppaftur, og í hansara stað kom Høgni í Stórustovu. Rúni Heinesen og Magnus á Stongum vóru eisini afturvaldir utt­ an atkvøðugreiðslu. Vara­ limirnir Per Hansen og Mortan Poulsen halda eisini fram. Dánjal Andreasen og Høgni Høgnesen stóðu fyri vali í dómsnevndini, og teir vóru báðir afturvaldir uttan atkvøðugreiðslu. Vara­ limir í hesari nevnd verða framhaldandi Hjalm­ar Joensen og Jón­finn Thomsen. Eisini teir vórðu valdir uttan at­kvøðugreiðslu. Sluttspurturin í billardkappingini fyri lið er nú farin í gongd, og Kaggin liggur best fyri undan teimum seinastu dystunum Billard Um vikuskifitið hava odda­ liðini hjá Havnar Klubba og Kagganum spælt. Kaggin vann sera tepurt við 10 stigum móti 8 eftir eina sera spennandi og javna kapping, har verandi føroyameistarin Hendrik Petersen skoraði ein av sín­ um bestu dystum, omanfyri 1000 eygu. Men hesin stórdystur var ikki nóg mikið til at fáa sigur heim til Klubban hesa ferðina. Hetta góða spælið hjá stórmeistaranum kom tó ikki til sjóndar í tí seinasta dystinum í kappingini móti Steinbjørn í Dali, sum sera óvæntað vann á Hendriki og legði harvið Kaggan framum við 10 stigum móti 8. Hetta úrslitið ger, at Kaggin nú er sett tætt at sínum fyrsta føroyameistaraheiti í mong ár. Støðan undan tí seinasta umfarinum um eina viku er tann, at Kaggin er á odda við 38 stigum, Havnar Klubbi og Klaksvíkar Billardfelag hava 26 stig hvør. Tó hava klaksvíkingar spælt eitt umfar minni enn Klubbin. Skal nógv til at koppa Kagganum Komandi vikuskiftið verður so avgjørt, hvør verður før­oyameistari í billard fyri lið í 2006. Kaggin, sum hevur vunnið øll síni umfør í ár, skal í eldin móti Klaksvíkar Klubba, sum liggur 12 stig aftanfyri. Skulu klaksvíkingar hava møguleika at gerast føroyameistarar mugu teir vinna 16-2 á Kagganum, og tað er lítið sannlíkt. Á 1. deildarliðnum hjá Kagg­anum í ár, sum eftir øll­um at døma stevnir móti gullinum, eru Bjarni Skaalum, Steinbjørn í Dali og Jan Müller. Klaksvíkar Billardfelag og Havnar Klubba hava annars spælt móti hvørjum øðrum seinastu vikurnar. Har hendi tað, at klaksvíkingar vunnu annað umfarið 10-8, meðan Havnar Klubbi vann hitt umfarið 10-8, so her vóru stigini býtt javnt, sum so aftur kemur Kagganum til góða. Tryggingarfelagið Føroyar heldur fram sum høvuðsstuðul hjá EB/Streymi. Partarnir fara nú undir triðja árið sum par Stuðulsavtala Eyðun Klakstein eydun@sosialurin.fo Um vikuskiftið skrivaðu Trygg­ingarfelagið Føroyar og EB/Streymur undan eina stuðulsavtalu, sum er galdandi fyri kappingarárið 2006. Hetta er triðja árið á rað, at partarnir samstarva á hendan hátt. EB/Streymur hevur seinnu árini verið millum tey frísku og spennandi liðini í føroysku fótbóltskappingini, og málið er framvegis at vinna fram millum tey fremstu í Formuladeildini. – Tað hevur nógv at siga fyri okkum, at vit hava ein góðan høvuðsstuðul, tí í dag skal nógv til, um tú ætlar tær at berjast við tey bestu. Og tað ætla vit, sigur Rólant Højsted, formaður í EB/Streymi. – At etablera seg í fremstu deildini krevur sítt, men nú royna vit at stevna móti hægri málum. Vit hava í ár sett okkum fyri at koma fram millum trý tey fremstu. Hugaligt at stuðla Avtalan, sum nú er undir­ skrivað, er við smávegis broyt­ingum tann sama, sum hon var frammanundan, og Tryggingarfelagið Føroyar sær fram til enn eitt ár við góðum samstarvi við liðið í Sundalagnum. – Tey framstig, vit hava sæð í EB/Streymi seinnu árini, gera tað sera hugaligt at halda fram sum høvuðsstuðul, tí felagið ar­beiðir sera miðvíst og seri­ øst. Tað er nakað, ið hóvar okkum væl, sigur Jónsvein Simonsen, deildarstjóri í Tryggingarfelagnum Før­oy­ ar. – Vit síggja møguleikar í liðnum, sum trygt og spaku­ liga hevur otað seg longur fram á stigatalvuni, og tá av­rikini tala fyri seg, hava vit eisini eina størri kenslu av, at okkara stuðul kann gera mun. Hann sigur seg vóna, at framhaldandi stuðuls­ sam­starvið kann geva EB/ Streymi møguleika fyri at røkka enn longur fram á leið, og hann vísir á, at gongdin hesi seinnu árini hevur víst, at felagið ger støðug framstig. – Samstarvið við EB/ Streym higartil hevur víst, at felagið til fulnar hevur livað upp til tær vónir, vit gjørdu okkum frammanundan, so tí er hetta ein góð avtala og eitt gott samstarv fyri báðar partar, sigur Jónsvein Simonsen. Stórt sæð sama fólkið Sundalagsmenn eru eisini fegnir um stuðulin, og teir síggja sponsoravtaluna sum ein týðandi part av teimum framtíðarætlanum, EB/ Streymur hevur. – Um vit bara taka hetta komandi kappingarárið, so eru vit her norðuri sera spent, tí vit halda okkum hava eitt gott lið til kappingina. Her er stórt sæð sama fólkið, so tað er ein støðugur hópur, ið enn eina ferð skal staðfesta EB/Streym á fótbóltsliga før­ oyakortinum, sigur Rólant Højsted, formaður í EB/ Streymi. – Vit hava eisini tey seinnu árini fingið glett okkum um, at vit hava ment ungar og góðar spælarar, ið megna at spæla seg til pláss á liðnum. Hesir eru nú mentir og hava fingið góðar royndir, so við fólki stendur bara væl til hjá okkum. Í fjør megnaði EB/ Streym­ur at geva mongum av oddaliðunum ein skarp­ an gang, og eitt skifti í kappingini vóru sunda­lags­ menn við heilt har frammi. Við kappingarenda lógu teir í miðjuni, eitt sindur aftan fyri oddaliðini og langt framman fyri botnliðini. – Stuðulsavtalan við Trygg­ ingarfelagið Føroyar ger tað nógv lættari hjá okkum at arbeiða. Hon hevur nógv at siga fyri felagið, tí við henni hava vit nakrar møguleikar, vit annars ikki høvdu havt, sigur Rólant Højsted. Start hevði eitt skifti seks lands­ liðsspælarar á sínum liði, men nú er bert ein tikin út til norska landsliðið Fótbóltur Eyðun Klakstein eydun@sosialurin.fo Tað gekk so væl hjá Start og teirra spælarum eitt skifti í fjør, at norski lands­liðs­ venj­arin hevur seks Start- spælarar við í bruttohópinum til norska landsliðið. Men nú er støðan ein heilt onnur, tí Aage Hareide hevur nú bara tikið ein spælara hjá Start við í sínari seinastu út­tøku. Høvuðsorsøkin til hetta er, at stuðulsspælarar hjá Start eru skaddir, og tí kunnu Krist­ofer Hæstad, Marius Johnsen, Fredrik Strømstad og Atle Roar Håland ikki bjóða seg fram. Harafturat er Alex Valenica vrakur, og Steinar Pedersen, sum hev­ ur snoddað til landsliðið einaferð, er heldur ikki tikin við. Einasti liðfelagin hjá Toda Jónsson, sum er tikin út til norska landsliðið, er verjuspælarin Bård Borg­er­ sen. Start hevur mist fimm landsliðsspælarar EB/Streymur í tryggum hondum Jónsvein Simonsen, deildarstjóri í Tryggingarfelagnum Føroyar, og Rólant Højsted, formaður í EB/Streymi, fegnast báðir um, at samstarvið millum partarnar heldur fram í 2006 Kaggin smakkar gull