hósdagur 23. februar 2006síða 12

12 Nr. 39 - 23. februar 2006 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Úr havsbrúnni rísa penslastrok um oyggjar og fjøll - í morgun - og kvøldroða - í sólarljósi, í brimi og doðaveðri um Vágalandið og Mykines. Litir renna í havbláum sjónum av oljurivnum, marinbláum litkornum, ið liva í runi um svartar tangabroddar - í hulisligum út- og innsúði - í stórum gjáum, við gráan klett og um flúr og sker í litríkari heimaverð. Í skýlofti høgum er ljóst, blágrønt endurskin - har ein skapandi mannahond hevur fest seg í ein ælaboga, ið berjist við hav og himmal í sjógrønum skúmvatni, sum dettur av gjarvaksnari fjørurond í landbrimi – um tæraskógv við sjóvarklett. Í smædnum inniljósi liggja deyð fólk í kistum og hyggja inn í eina tómoygda verð í myrkum strokum. Úr lítlum gluggakarmi, kínir endurskin livandi, døkklittar kroppar úr berligum brósti – í dimmgrønum svørtum, fálittum endurskinið um eygnahvarm og deyðmøddar, slitnar, samanlagdar mannahendur. Her eru eygu Mikinesar – hansara sál og ond í penslastrokum um fólk og havsins rendur – í dimmbláari havvond, ið speglast aftur undir eygnahvarmum í manslýsingum av kvinnum og monnum. Grønar og gular torvur liggja og hálsfevnast í brøttum líðum og skorðum og teska vág til kriahvít havskýggj í einari endurføðing undan hansara penslabørnum, sum rista út farvukorn á avsettan teig. Turra, litfagra oljugrasið verður borið inn í mannagluggar, barnaeygu og víðu verøld – rakað saman av penslarívum Mikinesar til ævigar tíðir. Frits Sámal J. Mikines Tíðindaskriv Fuglafjarðar Heima­virk­is­ felag og Kunningarstovan í Fuglafirði bjóða til pallborðsfund í Ribarhúsi týskvøldið 28. februar 2006 kl. 19.00, har evnið “Mentan og Vinnulív møtast” verður tikið upp til kjak. Jóhanna á Bergi, sølu­leið­ ari hjá J.F.K. leggur fyri. Við pallborðið sita: Helgi Fossadal, stjóri á Lista­savni Føroya, Jógvan Ósá, sjónleikari, Jóhan E. Simonsen, stjóri á Faroe Jet, Peter S. Holm, stjóri á Kaupthing, Randi í Jógv­anstovu, arbeiðskvinna, og Uni Næs, prestur. Umframt kjak verður eisini tónleikur, listaframsýning, kaffi og vaflur. Í løtuni hanga hug­vekj­ andi málningar hjá Hilm­ari Højgaard á hvítu brettunum. Húsið er opið frá kl. 18.30. Ribarhús og Piddasahandil er ein livandi varði frá farnari tíð. Ein miðdepil, har handlar, vinnulív og peningastovnar eru næstu grannar, og har vit gera okkum hugsanir um framtíðina. Mentan og vinnulív møtast í Ribarhúsi Gunnvá Zachariasen vøddamýkjari í Havn bjóðar seg í hesum døgum fram við at koma út á arbeiðspláss og dagsstovnar sum vøddamýkjari Vøddamýking Í dagsins samfelagi eru tað nógv, sum t.d. stríð­ast við strongd, spenningshøvuðpínu, troyttleika, veika imm­un­verju, spenningar í kropp­inum, høgt blóðtrýst og aðrar smásjúkur, sum mangan hópa seg upp og gerast veruligar sjúkur. Hetta eru mangan smá­ skavankir, sum arbeiðs­ pláss­ið kann vera orsøk til, eitt nú við langum ar­beiðstíðum, tíðartrýsti, statiskum arbeiði framman fyri telduni, músaskaðar, lang­tíðar belastningar o.s.fr Fyritøkan noyðist at gjalda við avloysarum og mangan útbrendum starvsfólkum. Nógvar av hesum sjúkum kunnu við vøddaviðgerð fækkast ella fáast heilt burtur, sigur Gunnvá Zachariasen vøddamýkjari. Starvsfólkarøkt Kanningar og royndir vísa, at talið á sjúkradøgum mink­ar, um hond verður tikið um hesar trupulleikar í góðari tíð. At hugsað verður fyribyrgjandi, bæði til gleði fyri leiðsluna og starvsfólkið. Fyrimunir av vøddamýking á arbeiðsplássinum verða m.a. minni strongd í dagliga arbeiðnum, færri sjúkradagar, færri vøddaspenningar og vøddapína, minni spenn­ ingshøvuðpína, meira yvirskot, meira ef­fekt­iva arbeiðsmegi, og ikki minst glað og nøgd ar­beiðsfólk, og eitt positivt arbeiðsumhvørvi. Hetta kemur undir starvs­fólkarøkt, og vísir at arbeiðsplássið brýggjar seg um heilsuna hjá starvs­ fólkunum. Nakað, sum bæði leiðsla og arbeiðsfólki fáa gleði av, og upp á longri sikt skapar hetta størri fígg­arligan vinning fyri fyritøkuna, sigur Gunnvá, sum skraddaraseymar eina samstarvsavtalu við fyri­ tøkurnar. Gunnvá hevur tikið vøddamýkjaraútbúgving (mass­ør) á Axelsons Institut í Keypmannahavn, ið er størsti og elsti vøddamýkjaraskúlin í Norðurlondum. Hetta slagi av vødda­mýk­ ing kallast vanliga klass­ isk fysiurgisk massaga og lýkur allar treytir frá mynd­ ug­leikum í Danmark um tíma­tal í teori og praktik. Axelsons er limur í SAB (Sammenslutningen for Alternative Behandlere). Hon endaði sína útbúgving við próvtøku í anatomi, fysio­ logi og viðgerð, við lækna sum próvdómara. Harumframt hevur hon fýra ára sjónleikaraútbúgving frá Statens Teaterskole í Keyp­ mannahavn: Seinastu fimm árini hevur hon arbeitt sum freelance yrkissjónleikari, umframt at hon mangan hevur hildið skeið í rødd, rørslu og drama og hevur royndir við at arbeiða við fólki. Gunnvá var eisini við í teimum fyrstu Pipar & Salt sendingunum hjá sjónvarpinum og sjón­ leikinum Ginu Søgur. Meira fæst at vita við at venda sær til: gunnvaz@ gmail.com. Gunnvá Zachariasen, vøddamýkjari: Eitt tilboð til fyribyrging og trivna Gunnvá Zachariasen, vøddamýkjari: Mynd: Jens Kristian Vang